REPÚBLICA DEMOCRÁTICA DE TIMOR-LESTE

REPÚBLICA DEMOCRÁTICA DE TIMOR-LESTE

DESPACHO

3/Dpx-Prez/CNE/IV/2008

Aktividade Supervizionamentu CNE



Hanoin katak:



1. Importante tebtebes atu hamosu no hatur mekanisme no regra sira kona-ba lalaok aktividade supervizaun komisáriu/a sira iha kampo ba aktu electoral saida deit, inklui mos atualizasaun base de dados eleitorais (resenseamentu eleitoral);



2. Importante tebtebes atu asegura efetividade no responsabilidade kona-ba lalaok aktividade supervizaun hosi komisáriu/a sira nian iha kampo ba aktu electoral saida deit, inklui mos atualizasaun base de dados eleitorais (resensea-mentu eleitoral);



3. Importante tebtebes atu iha administrasaun no kontrolu idak mak diak hosi parte Sekretariadu CNE kona-ba lalaok aktividade supervizaun komisáriu/a sira iha kampo;

4. Importante tebtebes atu iha transparansia no akuntabilidade ba uzu orsamentu mak destinadu ba aktividade supervizaun hosi komisáriu/a sira nian iha kampo;



Hatitu ba;



1. Konstituisaun RDTL, neebe fo kbit ba CNE nudar Orgaun Eleitoral Independente, neebe ho knar atu halo supervizaun ba aktu electoral saida deit, inklui mos atualizasaun base de dados eleitorais (resenseamentu eleitoral);



2. Lei No. 5/2006, konaba ba Orgaun Administrativa Eleitoral, neebe hatur CNE nudar Orgaun Independente no Goza Autonomia Finanseira, Administrativa no Organizasaun nian;



3. Lei No. 10/2007, Orsamento Geral do Estado da República Democrática de Timor-Leste, neebe defini konaba Orgaun Autonumo;



4. Regimentu Internal CNE;



5. Plenaria CNE bazeia ba Akta No.16





Prezidente CNE hasai Despaxu hanesan tuir mai;



Dahuluk : Komisariu/a sira iha dever atu halao supervizaun ba aktu eleitoral saida deit, inklui mos atualizasaun baze de dados (resenseamentu eleitoral);



Daruak : Komisariu/a sira tenki uza ho efektivu tempu konveniente ba aktividade supervizaun sira ba aktu eleitoral sira saida deit, inklui mos atualizasaun baze de dados (resenseamentu eleitoral), aleinde kumprimentu ba knar profesionalisme ida-idak ninian;



Datoluk : Komisariu/a sira, wainhira atu ba halao supervizaun iha kampu, tenki fo hatene ba iha Sekretariadu CNE ho finalidade principal ;



a. Atu bele hetan Guia da Marxa (GdM, ka MOP iha lia-fuan Ingles);



b. Atu bele hetan formulariu, ho titulu Guia para Supervisão do Prosesso Actualizasão de Dados (GSPAD), neebe sei fasilita komisariu/a sira prepara no hatoo relatoriu rezultadu supervizaun;



c. Atu bele hetan konfirmasaun kona-ba apoiu lojistiku, direitus no regalias sira mak komisariu/a sira tenki hetan ein relasaun ho sira nia knar halao supervizaun iha kampo;



Dahaat : Komisariu/a sira, wainhira fila hikas hosi kampo, tenki (a) prepara no hatoo relatoriu rezultadu supervizionamentu ba iha Sekretariadu CNE; no (b) fahe informasaun rezultadu supervizaun ba komisariu/a sira seluk liu hosi Plenaria CNE iha sorumotuk ordináriu ka ekstra-ordináriu;



Dalimak : Despaxu nee hahu tama ein vigor desde loron fo sai no ho ambito retroativu;

Daneen : Karik iha ezizensia ruma, despaxu nee sei bele hare fila hikas.



Despaxu nee hasai iha Dili, iha loron 30 Fulan-Abril Tinan 2008





Prezidente CNE,





DR. Faustino Cardoso Gomes, M.Si