REPÚBLICA DEMOCRÁTICA DE TIMOR-LESTE

                                                              DELIBERAÇÃO

 

                                                                  9/CSMP/2013

Konsellu Superiór Ministériu Públiku halibur hamutuk iha nia Reunian no Reuniaun Estraordináriu da-II, iha loron ruanulu-resin-ualu, fulan-Fevereiru, tinan rihun rua sanulu-resin-tolu, uza nia kbiit rasik organizasaun larak nian no jestaun kuadru sira, hatuur iha artigu 17, númeru 1, alínea a) no e), Lei númeru 14/2005, loron-16, fulan-Setembru, ho nia redasaun fó hosi Lei númeru 11/2011, loron-28, fulan-Setembru maka Estatutu Ministériu Públiku, delibera hanesan tuirmai: ——————

Konsidera katak períodu suspensaun atividade Tribunál sira nian, hametin hosi Dekretu-Lei númeu 20/2012, loron-25, fulan-Setembru, la fó-fatin ba fafahek ida apropriadu no rotasaun knaar sira judisiáriu nian, durante períodu goza sira nia férias dixiplinár, dala barak bele prejudika direitu justu ba deskansu, hodi bou tetek malu ho férias ne’ebé la goza; ———————

Presiza buka-hatene atu hametin durante períodu ne’ebé temi tiha, atu hala’o loloos servisu povu nian hanesan baibain no iha tempu hanesan fó biban ba majistradu no ofisiál justisa sira direitu lejítimu atu goza sira-nia férias, tuir sistema ida rotativu ne’ebé fó-fatin atu armoniza nesesidade hirak ne’e;—

Sei konsidera katak Konsellu Superiór de’it maka iha kbiit atu autoriza majistradu no ofisiál justisa sira goza sira-nia férias habees hosi períodu sira hatuur ona tuir lei; ———————

Uza podér sira fó hosi númeru 2, artigu 48, tau hamutuk ho dispozisaun sira hosi artigu 17, númeru 1, alínea a) no e), Estatutu Ministériu Públiku, la prejudika membru sira Konsellu Superiór Ministériu Públiku nian data sira ne’ebé tuir lei determina hosi Dekretu-Lei númeru 20/2102, loron-25, fulan-Abril, maka delibera hodi autoriza majistradu no ofisiál justisa sira atubele marka no goza sira-nia férias iha de’it períodu sira hanesan tuirmai:

Hosi Loron 1 to’o loron-31, fulan-Janeiru no hosi loron-1 to’o loron-31, fulan Agostu; —————————————

Períodu sira ne’ebé majistradu no ofisiál justisa sira hili la bele liu períodu loron 25 (ruanulu-resin-lima) servisu nian, tuir lei iha direitu no tenke hatama iha mapa férias nian autorizadu hosi na’i-ulun sira; ———————-——————————

Bainhira hahú, ramata no fatin ne’ebé majistradu la’o sai ba atu goza férias tenkesér fó-hatene nafatin ba Konsellu Superiór Ministériu Públiku, tuir forma estabelese iha Sirkulár númeru 04/PGR/2011, loron-2, fulan-Dezembru.

Publika ba, ————————————————————

Haktuir di’ak liután lei ne’e.——————————————

Konsellu Superiór Ministériu Públiku, loron-4, fulan-Marsu, tinan-2013.

Prezidente


/ Ana Pessoa /