REPÚBLICA DEMOCRÁTICA DE TIMOR-LESTE

SIRKULÁR

No. 253 /GM/III/2014 de 19 de Março

Konsidera katak atu asegura kontrolu ho fiskalizasaun efikáz no di’ak-liu ba ró peska, deskarga kapturas nian, hanesan volume ho espesies ne’ebé kaer tiha ona, Ministério kompetente sei hatudu portu baze ida, ba ró peska komersiál ne’ebé halo atividade iha bé-tasi ka bé-marítima nasionál Timor-Leste nian, nu’udar portu referénsia ida-ne’ebé ró peska sira hala’o barak- liu atividade peska ho komersializasaun sira-nia kapturas;

Bazeia ba Artigo 109o Dekretu-Lei no 6/2004, de 21 de Abril, kona-bá Baze Jerál Rejime Jurídiku ba Jestaun ho Ordenamentu Peskas no Akikultura jo. Lei no 12 / 2004, de 29 de Dezembro, kona-bá Krime Relativu ho Peska, maka Ministério de Agricultura e Pescas hasai Sirkular ida-ne’e, hodi determina :

1. Indika fatin tasi-ibun Bidau Santana no Bebonuk nu’udar fátin obrigatóriu hodi halo fiskalizasaun no monitorizasaun ba atrakasaun ró ka beiro peska artezanál, no mós nu’udar fátin atu hala’o atividades tranzasaun ka fa’an kualkér produtu ikan;

2. Bainhira ema hotu ne’ebé envolvidu iha atividades peska lakohi halo tuir ka la kumpre ordem tuir Sirkulár ida-ne’e, sei konsidera hanesan komete krime dezobediénsia no punível tuir Lei no 12 / 2004, de 29 de Dezembro, kona-bá Krime Relativu ho Peska, ne’ebé sei hetan kastigu tuir termus Kódigu Penal, akrexidu ho multa 200 to’o 30,000 dóllares amerikanus;

3. Para koñesimentu públiku, Sirkular ida-ne’e sei publika iha Jornál da República no média massa seluk.

Cumpra-se !

À Bem da Nação!

Mariano ASSANAMI Sabino

                Ministro