REPÚBLICA DEMOCRÁTICA DE TIMOR-LESTE

AVISO HUSI PARLAMENTO NACIONAL Nº 2/2014

Hatama candidaturas ba cargo Provedor de Direitos

Humanos e Justiça

Conforme hatuur iha artigo 12º hussi Lei nº 7/2004, iha 26 de maio (Aprova Provedor de Direitos Humanos e Justiça nia Estatutos), tuir versão ne’ebé publica filafali iha Lei nº 8/2009, iha 15 de julho, ami fó hatene ba público katak prazo loke ona,durante loron sanulu-ressin-lima nia laran (hahú iha data ne’ebé fó-sai aviso ida-ne’e), atu hatama candidaturas, por escrito, ba cargo Provedor de Direitos Humanos e Justiça, ne’ebé Parlamento Nacional sei designa, liuhossi eleição, ho maioria absoluta hussi votos hussi Deputados iha efetividade de funções, ne’ebé sei vota iha alternativa candidatura ida-idak ne’ebé tama tiha.

Conforme artigo 13º hussi lei ne’ebé temi, Provedor de Direitos Humanos e Justiça tem que ser ema ne’ebé reconhecido tanba ninia postura iha comunidade no mós tanba ninia nível aas independência no imparcialidade nian, no requisito sira atu sai elegível mós inclui sira tuirmai ne’e:

- Experiência e qualificações ne’ebé to’o atu bele investiga

no elabora relatórios kona-ba violação direitos humanos

no administração aat;

- Integridade comprovada;

- Hatene didi’ak princípio sira direitos humanos, governação

di’ak no administração pública nian.

Requisito ida tan ne’ebé regimento exige maka candidatura ida-idak, ne’ebé sei hatama liuhossi requerimento ne’ebé dirige ba Sr. Presidente do Parlamento Nacional, tem que mai hamutuk ho candidato nia curriculum vitae.

Conforme hatuur iha artigo 14º hussi diploma legal ne’ebé temi,candidato ne’ebé eleito tem que entrega, molok hola posse,declaração ho lista ne’ebé inclui ninia bens no qualquer rendimento selusseluk ne’ebé nia simu, ne’ebé Presidente do Parlamento Nacional sei rai nu’udar documento confidencial.

Parlamento Nacional, 1 julho 2014

Publica bá.

Presidente do Parlamento Nacional,

Vicente da Silva Guterres