REPÚBLICA DEMOCRÁTICA DE TIMOR-LESTE

Diploma Ministerial

6/2012

Alterasaun ba Diploma Ministeriál No. 4/2010, de 21 Setembru, konaba Aprovizionamentu





Bazeia ba esperiénsia nebe’e hetan liu hosi prosesu konkursu ba projetu infraestrutura nebe’e inklui iha Programa Desznvolvimentu Lokál, presiza halo alterasaun ba Regulamentu Aprovizionamentu hodi fasilita di’ak liután lala’ok aprovizionamentu iha nivel lokál.



Ho ida-ne’e,



Governu, liu hosi Ministru Administrasaun Estatál no Ordenamentu Territóriu, fó- ordem, tuir previzaun iha alinea p) artigu 2.º, Dekretu-Lei nº. 6 /2008, 7 Marsu, atu publika diploma tuir mai:





Artigu 1º

Alterasaun ba Diploma Ministeriál Nº. 4/2010, 21 Setembru



Artigu 4º , 5º, 8º, 26º no 29º husi Diploma Ministeriál Nº. 4/2010, 21 Setembru, altera hanesan tuir mai:



“Artigu 4º

Entidade Kompradora



1. CPI mak responsabiliza kona-ba preparasaun Planu Aprovizionamentu no dokumentu konkursu hotu-hotu nebe’e AD husu ba aprovizionamentu bens, obras no servisu hotu-hotu nebe’e valór menus ka hanesan ho $150.000,00 (rihun atus ida limanulu) dolár amerikanu.



2. CPI tenkesér sai entidade Kompradora ba kompras hotu-hotu.



3. Bazeia ba rekomendasaun hosi Komisaun Konkursu Lokál, CPI sei hodi AD nia naran hala’o akordu kontratuál ida ho kontratór/vendedór/konsultór nebe’e selesionadu.

4. Entidade Kompradora tenke responsabiliza ba jestaun Kontratu ne’e to’o remata no entrega patrimóniu (bens, obras no servisu) ne’e ba iha projetu nain.



Artigu 5º

Komisaun Konkursu Lokál



1. Komisaun Konkursu Lokál tenke AD sira mak harii atu garante avaliasaun ida-ne’ebé transparente no kompetitivu no prosesu selesaun ba projetu Distritu kona-ba aprovizionamentu hotu-hotu ba bens, obras no servisu nebe’e valór hosi $200,00 to´o $150,000,00 dolár amerikanu.



2. (...)



3. (...)



4. (...)



5. (...)



6. (...)



7. (...)



8. (...)



9. (...)



10. Bainhira iha projetu nebe’e valór hanesan ka bo’ot liu $50,000,00 (rihun limanulu) dolár amerikanu, kompozisaun KKL tenke inklui funsionáriu Nivel Nasionál mínimu nain ida no másimu nain rua.



Artigu 8º

Kontratu Komunidade



1. Kontratu Komunidade bele utiliza ba aprovizionamentu obra sira-nebe’e nia valór to’o $15,000,00 (rihun sanulu resin lima) dolár amerikanu bainhira:



a) (...)



b) (...)



c) (...)



2. (...)



3. (...)



Artigu 26º

Terminasaun ba Kontratu



1. (...)



a. (...)



b. (...)



c. Kontratór adia kompletasaun obras durante loron 20 (ruanulu) nia laran.

2. (...)



Artigu 29º

Papél hosi Diresaun Nasionál Administratsaun no Finansas, DNAF, MAEOT



1. DNAF fornese dokumentu padraun no liña orientasaun ba Aprovizionamento Lokál hotu-hotu, alende asesoria politika kona-ba kestaun prosedimentáal relasiona ho aprovizionamentu Governu nian.



2. DNAF tenke mós prepara no realiza avaliasaun kon-ba prosesu aprovizionamentu kada fulan neen”



Artigu 2.º

Exensaun mandatu membru Komisaun Konkursu Lokál



Mandatu hosi reprezentante membru Konsellu Suku sira nebe’e eleitu iha 2011 hodi ba tuur iha CCL extende to’o prosesu aprovizionamentu ba tinan 2012 finaliza.



Artigu 3.º

Entrada vigór



Diploma ida-ne’e hahú vale iha loron tuir mai hafoin fó-sai iha Jornál Repúblika.





Aprova hosi Ministru da Administrasaun Estatál no Ordenamentu Territóriu iha 7 de fulan Marsu tinan 2012



Publika,





Ministru Administrasaun Estatál no Ordenamentu Territóriu







Arcângelo Leite