REPÚBLICA DEMOCRÁTICA DE TIMOR-LESTE

DIRECTRIZ

2/2011/IVGC/MS

KONA BA KONTRA BANDU FA'AN AI-MORUK ANTIBIÓTIKA NO FANSIDAR NE'EBÉ LA HO RESEITA TUIR LEI



Ministru Saúde,



Kaer tuir ba no 2 artigo 32º Dekretu-Lei n.º 12/2004, 26 Maiu konaba kompetensia Komisaun Reguladora Atividade Farmaséutika (KRAF),



Bazeia ba rekomendasaun KRAF no Departamentu Farmasia Ministériu Saúde, katak ai-moruk ne'ebé temi iha Diretriz ida ne'e fó impaktu ba vida umanu,



Ho ida ne'e, determina atu sai hanesan Diretriz, buat hirak hanesan tuir mai ne'e:



1. Ministériu Saúde desidi katak Importadora, Farmasia, Loja, no Kios labele fa'an ai-moruk Antibiótika ne'ebé laiha reseita tuir lei



2. Ministériu Saúde bandu fa'an ai-moruk Fansidar (Antimalaria) iha fatin ne'ebé temi ona iha pontu 1 Diretriz ida ne'e,



3. KRAF sei hala'o supervizaun no monitorizasaun iha fatin ne'ebé temi ona iha pontu 1 Diretriz ida ne'e,



4. Husu ba entidades sira ne'ebé temi ona iha pontu 1 Diretriz ida ne'e atu kumpri,



5. Wainhira la kumpri, maka Ministériu Saúde sei fó sansaun tuir regulamentu ne'ebé iha,



Diretriz ida ne'e, vigora ona hahu husi data publikasaun.



Publika.



Dili, 25 Marsu 2011





DR Nelson Martins, MD, MHM, PhD

Ministru Saúde