REPÚBLICA DEMOCRÁTICA DE TIMOR-LESTE

RELATÓRIO

2009

RELATORIU

REZULTADU APRESIASAUN & VALIDASAUN KONTAS HOSI PARTIDU

POLITIKU SIRA HO ASENTU-PARLAMENTAR, BA ANU-FISKAL 2008



INTRODUSAUN



A. KONTESTU



Iha Anu-Fiskal 2008, Estadu Timor-Leste, liu hosi IV Governo Constitucional, aloka orsamentu ho kuantia dolar amerikanu millaun ida, neebe integradu iha orsamentu CNE nian (liña subvensaun publika), ba Partidu Politiku sira ho asentu-paralmentar. Iha Partidu Politiku sira hamutuk sia mak hetan asentu-parlamentar, hanesan:



1. Partido Associação Social-Democrata Timorense (ASDT)



2. Partido Congresso Nacional de Reconstrução de Timor-Leste (CNRT)



3. Partido Frente Revolucionária de Timor-Leste Independente (FRETILIN)



4. Partido Klibur Oan Timor As’wain (KOTA)



5. Partido Democrático (PD)



6. Partido do Povo de Timor (PPT)



7. Partido Social Democrata (PSD)



8. Partido Unidade Nacional (PUN)



9. Partido Unidade Nacional Democrática da Resistência Ti-morense (UNDERTIM).



Partidu Politiku sira ne’e aprezenta sira nia kontas ba CNE iha períudu determinadu hosi lei, ekseptu KOTA. Partidu temin ikus ne’e hetan suspensaun ba nia subvensaun publika, tamba problema internal, no foin hetan iha Fulan-Dezembru 2008 nia rohan. Nia foin aprezenta ninia kontas ba CNE iha loron 31 Fulan-Marsu, tinan 2009, no CNE sei halo hela apresiasaun ba nia kontas.



Lei no. 6/2008, Regime Juridico do Financiamento dos Partidos Políticos, hatur prinsipiu sira kona-ba akuntabilidade ne’ebé Partidu Politiku sira tenki halo tuir, hanesan tuir mai ne’e.



Artigo 3. Organização Contabilística.



1. Os partidos politicos devem possuir contabilidade orga-nizada, de modo que seja possível conhecer a sua situação financeira e verificar o cumprimento das obrigações previstas na lei.



2. A organização contabilística dos partidos politicos deve obedecer às regras gerais de contabilidade e conter espe-cialmente:



a) O inventário anual do património do partido quanto a bens e móveis sejeitos a registo;



b) A descriminação das receitas por categoria;



c) A descriminação das despesas com base nas seguintes categorias:



i. Despesas com pessoal;



ii. Despesas com aquisição de bens e serviços



iii. Encargos financeiros com empréstimos;



iv. Outras despesas com as actividades do partido politico.



d) A discriminação das operações de capital referentes a :

i. Investimentos



ii. Devedores e credores



Lei no. 3/2004, konaba Partido Politico sira, hatur mos prinsipiu sira kona-ba finansiamentu Partidu Politiku sira nian, liu husi artigu sira hanesan tuir mai ne’e.



Artigo 25, Regime Financeiro. “Os partidos politicos devem possuir contabilidade organizada, de modo que seja possível conhecer a sua situação financeira e verificar o cumprimento das obrigações previstas na lei”.



Artigo 27, Organização Contabilística. A organização contabilística dos partidos politicos deve obedecer às regras gerais de contabilidade saudável e conter especialmente:



a) O inventário anual do património do partido quanto a bens e móveis sujeitos a registo;



b) A discriminação das receitas que inclui as previstas no arti-go 20 (fiscalização interna);



c) A discriminação das despesas com base nas seguintes ca-tegorias:



i. Despesas com pessoal;



ii. Despesas com aquisição de bens e serviços



iii. Encargos financeiros com empréstimos;



iv. Outras despesas com as actividades do partido politico.



d) A discriminação das operações de capital referentes a :



i. Investimentos



ii. Devedores e credores



Lei no. 6/2008 ezize atu Partidu Politiku sira aprezenta kontas ordináriamente ba CNE.



Artigu 13, Apresentação ordinária das contas.



1. Apresentação discriminada das contas dos partidos politicos, nos termos do artigo 3, é devida ordináriamente até 45 dias antes do fim do ano financeiro, acompanhada do parecer do orgão estatutariamente competente para o efeito.



2. A competência para apreciação e validação das contas ap-resentadas pelos partidos politicos é da CNE, que para esse efeito é coadjuvada por auditores próprios ou con-tratados.



Ba âmbitu implementasaun Lei no. 6/2008 ne’e, CNE hasai ninia Resolução no. 3/2008, Arrecadação, Aplicação de Recursos e Prestação de Contas dos Partidos Politicos, ne’ebé publika sai iha Jornal da Republica Série I, no. 41, loron fo sai, Segunda-Feira, 10 de Novembro de 2008, hodi hatur prosedimentu tekniku sira kona-ba aprezentasaun kontas hosi Partidu Politiku sira ba CNE.



Lei no. 6/2008, liu hosi artigu 13.2, hatur katak CNE, ho apoiu tekniku hosi auditor (kontratadu) sira, sei halo apresiasaun no validasaun ba kontas Partidu Politiku sira nian.



Bazeia ba ne’e, iha loron 3 Fulan-Fevereiru 2009, CNE halo Termos de Entendimento ho auditor sira atu halo apresiasaun ba kontas.



Hosi rezultadu apresiasaun ba kontas sira ne’e, PPT nia kontas CNE rejeita, tamba la kumpri tuir formalidade sira mak hatur iha Lei no. 6/2008 no Rezolusaun CNE no. 3/2008.



Rezume hosi rezultadu apresiasaun no validasaun hosi kontas Partidu Politiku sira ida-idak ninian bele hare tuir mai.



B. SASUKAT SIRA



Objektivu auditoria mak atu analiza asersaun (statement) signifika ne’ebe relasiona ho tranzaksaun no saldu siklu gastu sira. Objektivu auditoria determina bazeia tuir lima kategoria asersaun relatoria hanesan tuir mai ne’e:



1. Asersaun esistensia no insidentil



Relasiona ho asersaun iha no insidentil, auditor salienta liu ba saida debitu no ativu esistensia loloos ba data neraca. Iha parte seluk, asersaun ne’e mós salienta ba saida hotu tranzak-saun gastus partidu hanesan kompra no gastus deskontar ne’ebe hakerek la’os jestaun nia maneira. Tuir mai ne’e detaille sira konaba asersaun ezistensia no insidentil: dever hakerek tuir kuantia ne’ebe hanesan dever partidu ba data neraca, ativa permanente, hakerek tuir ativa ne’ebé bele uja ba data neraca, tranzaksaun kompra hakerek tuir sasan no servisu ne’ebé simu durante periodu hala’o peritajen, gastu deskontar (kas) hakerek tuir selu ne’ebe halo durante periodu refere.

2. Asersaun ou afirmasaun kompletamentu



Asersaun ne’e salienta liu konaba tranzaksaun tomak no saldu ne’ebé loloos hatama iha relatoriu finansa hakerek tiha ona no fó sai tiha ona. Tuir mai detalle sira objetivu auditoria (peritajen) asersaun kompleta: kuantia hotu ne’ebe akontese sai nu’udar obrigasaun partidu ba parte tolu ba data neraca tama ba tusan, saldu ativa permanente no sasan uja hotu ona fó influenza tranzaksaun hotu no akontesimentu, kompra no gastu sira deskontar (kas) fó influenza tranzaksaun hotu ne’ebé akontese.



3. Asersaun direitu no dever



Iha relasaun ho asersaun ne’e, ekipa auditor sira esforsu hate-bes saida entitasaun iha direitu soin ne’ebé legal tuir ativu permanente no dever ne’ebé hakerek. Tuir mai detalle sira objetivu peritajen asersaun direitu no dever: tusan mak dever legal partidu ba data neraca, partidu iha direitu ba ativu permanente hotu no inventorial sasan uja hotu ba data neraca.



4. Asersaun valorizasaun no alokasaun



Relasiona ho asersaun valorizasaun, auditor sei esforsu atu hetan evidensia konaba gastu, tusan no ativu permanente ne’ebé fó sai ona iha relatoriu finansa ho total ne’ebé pontual. Auditor sei buka tuir saldu refere ne’ebé hetan valorizasaun objetivu. Tuir mai detalle sira peritajen asersaun valoriza no alokasaun hanesan: tusan determina ou fó valor ba total ne’ebé pontual tuir total ne’ebé tenke selu, ativu permanente ekipamentu no determina ou fó valor tuir deskontar (kas) hamenus akumulasaun depresiasaun.



5. Asersaun relatoriu no espresaun



Aleinde hetan evidensia konaba asersaun dahaat refere iha leten, auditor persija halibur evidensia konaba saida tranzak-saun no saldu ne’ebé hakerek pontual atu klasifika, esplika no espresa iha neraca. Tuir mai ne’e detalle sira peritajen asersaun kompletu no espresaun: tusan no ativu permanente ne’ebé pontual identifika no klasifika iha neraca, espresaun hala’o maneira pontual tuir metodu depresiasaun ne’ebe uja husi partidu.



Kna’ar ne’ebé auditor uja ba prosedimentu hirak satan atu he-tan evidensia ne’ebé persija atu hetan objetivu espesífiku peri-tajen refere, mak hanesan; autorizasaun ne’ebé kompletu hane-san tuir mai ne’e: satan ne’ebé efektivu tuir atividade gastu in-siste katak kompra sei bele hala’o karik halo autorizasaun ne’ebé maka los. Gastu hotu hahú husi divizaun ne’ebé persija no aseita husi direitur departementu ne’ebe refere. Autorizasaun ho kondisaun ne’ebé variasaun diak gastu mesmu espesie. Ho nune’e persija fó espesie tuir klaru prosidementu ne’ebé hakerek.



C. BASE LEGAL SIRA



Auditor sira sei hala’o sira nia funsaun bazeia ba Kontratu Servisu Auditoria hosi CNE, 03 Feb. 2009 ho base legal sira hanesan tuirmai ne’e:



1. Lei N0 3/2004, 14 Abril 2004 konaba Partidu Polítiku sira;



2. Lei N0.6/2008, 16 Abril 2008 konaba Rejimi juridiku finansimentu partidu polítiku sira;



3. Resolusaun CNE N0.3/2008, Regulamentu konaba Arrekadasaun, Aplikasaun Rekursu no Prestasaun Konta Partidu Polítiku sira;



4. Guia ba Auditor : Ezame tékniku Prestasaun Konta sira;





IZAME TÉKNIKU KONABA DOKUMENTU SIRA





A. IDENTIFIKASAUN DOKUMENTU SIRA



Molok atu hahú halo evalusaun konaba relatoriu ne’ebé hato’o mai husi partidu sira, ekipa auditoria uluk nana’in sei halo identifikasaun konaba dokumentu sira ne’ebé mai husi partidu sira ho kriteria kompletu ou inkompletu.























NB: Faktus sira iha tabela 13, Partidu aprezenta ona sira nia apresiasaun konaba justifikasaun irregularidade faktus sira ne’ebé partidu hetan (re-estrutura iha baze, apoiu transporte ba membru sira halo viajen no aluga uma ba edifisiu). Partidu rekuñese sira nia frakeza ho razaun ne’ebé oioin hanesan iha karta ne’ebé mak haruka mai CNE ho nú.06/UNDERTIM/III/2009 iha loron 25 Marsu 2009.



D. OBSERVASAUN SIRA



1. OBSERVASAUN GERAL PARTIDU IDA-IDA



A. ASDT



Ý Iha data 17/02/2009 staf administrasaun CNE komunika ba tezoureiru ASDT atu informa katak ekipa servisu auditoria sei ba halo klarifikasaun iha Sede iha loron 18/02/2009, mai-be wainhira ekipa servisu auditoria to’o iha Sede (09.30 OTL) tezoureiru dehan katak ohin loron ami okupadu tanba atu simu bainaka hosi Embaisada Amérika, ho noune’e ami husu atu muda fali ba iha data 23/02/2009. Ho laran infelis-mente ekipa tenki fila. Sei partidu okupadu, antes ne’e, persija fó hatene fila fali ba CNE, ho nune’e ekipa auditoria sira labele so’e tempu mai iha Sede partidu.



Ý Iha data 23/02/2009, ekipa ba duni Sede. Iha neba membru partidu ne’ebé prezensa mak Prezidente Partidu, Sekretriu Jeral Adjuntu no Teizoureiru. Sira simu ekipa ho kondisaun amizade no kooperativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa hetan failansu iha jestaun adminis-trasaun finansa, laiha ou seidauk hatuur rejimentu interna partidu konaba ezekusaun orsamentu, rejimentu interna konaba perdiem, konaba alojamentu, kombustivel/trans-porte ba distritu, no seluk-seluk.



Ý Ofisial finansa seidauk komprende no la iha kuñesimentu klean konaba termu hirak ne’ebé relasionadu ho finansa (ex. reseita no despeza).



Ý Ofisial finansa seidauk komprende atu prense Formulariu ne’ebé CNE fahe no sira konfuzaun konaba oinsa muda resibu sira ba iha relatoriu annual.



B. CNRT



Ý Iha loron 26/2/2009 to’o 2/3/2009, ekipa servisu auditoria ba halo audit iha Sede CNRT hodi halo klarifikasaun konaba dúvida sira ne’ebé ekipa hasoru. Membru ne’ebé marka prezensa mak Xefe Administrasaun no Finansa no Teizou-reira partidu. Sira simu ekipa ho kondisaun amizade no koo-perativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa fó apresia ba Partidu ne’e tanba sira nia relatoriu ne’e sistematika no kompletu, maski sei iha failan-su iha jestaun administrasaun finansa, liuliu faktus balun montante la hanesan, resibu balun la asina, hakerek hane-han malu (tumpang tindih), resibu sira hosi partidu esplika la klaru, ex. transporte atu ba ne’ebé.



Ý Rejimentu interna partidu konaba akomodasaun, perdiem, kombustivel/transporte no empresta ka debe seidauk iha.



Ý Iha dúvidas barak konaba atu koloka resibu sira ba formulariu ne’ebé CNE fahe.



Ý Iha loron 17/3/2009, tuku 9.30, auditor sira ba halo tan kla-rifikasaun daruak konaba montante osan ne’ebé aloka la klaru. Iha tempu hanesan Xefi Finansa dehan katak sei ap-rezenta ninia rezultadu mai CNE (auditor sira) iha tempo badak.



Ý Iha data 19-03-2009 tuku 16.30 tezoureira mai iha CNE (auditor sira) atu hato’o sira nia resibu no relatoriu orsa-mentu kompletu ne’ebé aloka la klaru.



C. FRETILIN



ÝIha loron 20/2/2009, tuku 09.30 otl ekipa servisu auditoria ba halo audit iha Sede FRETILIN atu hodi halo klarifikasaun konaba dúvida sira ne’ebé ekipa hasoru. Membru partidu ne’ebé marka prezensa mak Sekretariu Jeral Adjuntu, Ekipa Fiskalizasaun Interna no Teizoureira. Sira simu ekipa ho kondisaun amizade no kooperativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa hetan failansu iha jestaun adminis-trasaun finansa (montante balun hakerek dupla, resibu balun la iha).



Ý Polítika interna partidu konaba ezekusaun orsamentu sei-dauk la’o loloos ka autorizasaun sira barak mak autoriza-saun verbal deit, rejimentu interna partidu konaba akomoda-saun, perdiem, kombustivel/transporte ba distritu mós seidauk iha. Rejimentu balun iha ona maibe aplika la másimu.



Ý Iha dúvidas barak ne’ebé atu kolaka resibu sira ba formulariu ne’ebé CNE fahe.



Ý Iha loron 16/3/2009, ekipa auditor sira ba halo konfirmasaun daruak konaba kontribuisaun membru partidu nian tanba relatoriu ne’ebé hato’o mai CNE la kompletu ho ninia montante $ 29,862.46. Rezultadu husi klarifikasaun ne’e, sira hatudu duni dokumentu original sira ka bank statement ba ekipa auditor sira.



D. KOTA



Ý Subvensaun públika ba KOTA hetan suspensaun hosi CNE tanba problema internal partidu. Enkuantu partidu polítiku sira seluk hetan iha loron 22 Setembru 2008.



Ý Subvensaun públika KOTA nian foin efetua iha loron hirak ida antes fulan Dezembru 2008 remata.



Ý CNE fó tempu ba KOTA atu aprezenta relatoriu iha fin pri-meiru Trimestre Anu-Fiskal 2009, ne’ebé foin aprezenta nia relatoriu iha loron 31 Marsu 2009 no agora sei iha prosesu auditoria.



E. PUN



Ý Iha loron 12/2/2009, tuku 09.30 otl ekipa servisu auditoria vizita ba sede PUN hodi halo klarifikasaun konaba dúvida sira ne’ebé ekipa hasoru, maibe iha neba ekipa hasoru de’it ho Sekretariu Partidu. Ho nune’e ekipa labele halo klari-fikasaun tanba Teizoureiru laiha fatin, ne’e duni muda fali ba oras tuku 14.30 otl. Tuku 14.30 otl ekipa ba fali sede mai-be hasoru deit ho Sekretariu Partidu, Asistensia Administra-tiva no Teizoureiru mós la prezensa, no informasaun seluk ne’ebé ekipa hetan katak dokumentu original relasionadu laiha arkivu tanba Prezidente mak rai iha ninia hela fatin no Prezidente sei halao viajem ba Filipina. Tanba ne’e ekipa servisu auditoria adia fali ba loron 17/2/2009, tuku 09.30 otl.



Ý Membru partidu ne’ebé marka prezensa mak Teizoureiru, Sekretaria no Asistensia Administrativa. Sira simu ekipa ho kondisaun amizade n kooperativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa hetan failansu iha jestaun adminis-trasaun finansa (resibu hosi loja laiha so iha deit resibu partidu, resibu balun hakerek ho liman, montante entre relatoriu mos la hanesan)



Ý Rejimentu interna partidu konaba ezekusaun orsamentu laiha ka autorizasaun sira verbal deit, rejimentu konaba akomo-dasaun, perdiem, kombustivel/transporte ba distritu mós seidauk, etc.



Ý Ekipa servisu auditoria mós observa katak naran partidu iha estatutu partidu, ho naran “PARTIDU NASIONAL” la hanesan naran ne’ebé rejistu iha CNE, “PARTIDU UNIDA-DE NASIONAL”.



F. PPT



Ý Loron 11/2/2009, ekipa servisu auditoria halo komunika ba Sede konaba oráriu auditoria sira nian atu ba halo kon-firmasaun konaba relatoriu annual orsamentu partidu nian. Maibe iha loron 12/2/2009, tuku 09.00 otl, Sekretariu Jeral, Sr. Francisco Pinto hakat mai edifisiu CNE, hasoru malu ho ekipa auditoria atu hato’o sira nia asuntu konaba Sede partidu. Sekretariu Jeral dehan katak PPT seidauk iha Sede permanente, hodi nune’e husu ba ekipa auditoria sira atu ba halo konfirmasaun iha deit edifisiu Parlementu Nasional. Maibe ekipa la simu asuntu ida ne’e tanba tuir lei Nú. 3/2004, artigu 11 no Rezolusaun CNE Nú. 3/2008, artigu 6 hatuur tiha ona konaba kriasaun Sede. Ho razaun ida ne’e ekipa sei la ba Parlamentu Nasional. Ekipa sei ba deit iha Sede mezmu ke Sede provizoriu.



Ý Loron 13/2/2008, ekipa auditoria ba halo duni klarifikasaun konaba dúvida sira iha Sede ne’ebé rejista iha CNE. Iha neba ekipa hasoru malu ho Ofisial Finansa Partidu ka Teizoureiru, Mateus Xavier da Costa Cabral no Sek.Jeral, Francisco Pinto. Sira simu ekipa ho kondisaun amizade no kooperativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa hetan failansu barak iha jestaun administrasaun finansa. Partidu hato’o dokumentu sira mai CNE mak journal de’it, relatoriu annual ne’e mós hakerek ho liman, montante entre resibu no relatoriu mós la hanesan.

Ý Evidensia seluk ne’ebé ekipa auditoria hetan mak konta bankaria patidu nian sei uza ema ida nia naran (Jacob Xa-vier), tuir konstituisaun la permiti atu uza naran pesoal ba instituisaun ka partidu ida. Wainhira ekipa halo verifika-saun, sira dehan katak konta bankaria ne’e uza naran partidu maibe wainhira hodi bank statement mai iha ekipa auditoria, konta bankaria ne’e sei uza naran pesoal. Informasaun ne’e ekipa auditoria husu justifikasaun, no tezoureiru dehan katak ami la hato’o konta bankaria ida uluk (BNU 109902.10.002) tanba konta ne’e sei uza ba transaksaun privadu ne’ebé iha relasaun ho transfere osan pensionista Portugal nian kada fulan. Ekipa ejiji nafatin ba sira atu hatama bank statement. Ikus mai partidu loke fali konta foun nú. BNU 5660145.10.001 ho saldu final $ 20,00. Konta foun ne’e mos sei uza naran pesoal.



Ý Rejimentu interna partidu konaba ezekusaun orsamentu laiha ka autorizasaun foti no uza osan mós laiha, rejimentu konaba akomodasaun, perdiem, kombustivel/transporte ba distritu mós laiha, etc.



Ý Teizoureiru seidauk hatene atu prense formulariu prestasaun konta ne’ebé CNE entrega ba sira, no ekipa admira wainhira hatene katak Teizoureiru ne’e tuir formasaun konaba jestaun finanseira basika iha CNE durante semana rua.



Ý Iha data 16-03-2009 tuku 16.30 ekipa auditoria hakat’an da-ruak ba sede, iha neba ekipa auditoria hasoru malu ho Sekre-tariu Jeral Partidu nian atu koalia konaba konta bankaria ne’ebé sei uza naran pesoal (Jacob Xavier). Iha tempu hanesan Sekretariu Jeral hateten katak asuntu ne’e ami sei hato’o ba Prezidente Partidu.



Ý Maibe iha data 17-03-2009 Prezidente Partidu haruka karta mai Prezidente CNE katak sira (Prezidente Partidu) sei mantein nafatin konta bankaria foun (kedua) ne’ebé uza naran pesoal (Jacob Xavier).



G. PSD



Ý Tuir oráriu ne’ebé ekipa prepara, vizita ba PSD atu halo konfirmasaun ba partidu iha loron 19/2/2008, maibe adia fali ba loron 4/3/2009 tanba dehan Sede PSD laiha. Sede tuan ninia kontratu hotu ona, entaun sei buka fali edifisiu seluk.



Ý Loron 4/3/2009 ekipa auditoria ba duni iha Sede foun. Membru partidu ne’ebé marka prezensa mak Prezidente CNJ, Vise Prezidente, Sekretariu Jeral, Prezidente Komisaun Organizasaun ba Kongresu no Teizoureiru. Sira simu ekipa ho kondisaun amizade no kooperativa, maibe Sede seidauk preparadu. Iha momentu ne’e Sede foin hamos, foin dasa, no dokumentu ka arkivu iha partidu mós seidauk kompletu.



Ý Wainhira ekipa auditoria halo konfirmasaun konaba faktus sira ne’ebé iha relatoriu, ekipa auditoria hetan difikuldade tanba relatoriu orsamentu ba atividade sira iha distritu seidauk hato’o mai iha Sede Central, maibe tuir informasaun hosi distritu ne’ebé Sekretariu Jeral telefone diretamente ba Koordenador Distrital dehan katak relatoriu tama tiha ona iha Sede Sentral ne’ebé simu diretamente hosi Teizou-reiru tuan, Mau Hura maibe Mau Hura dehan katak seidauk hatama. No mós wainhira ekipa husu konaba dúvida sira hosi resibu sira ne’ebé tama ona, sira dehan la hatene dú-vida sira ne’e tanba atividade ne’e hala’o iha distritu, entaun responsabel distritu mak tenki klarifika, aleinde ida ne’e membru sira iha estrutura no ofisial finansa mós foun. Sira ne’ebé halo relatoriu ne’e agora daudaun la mantein sira posisaun iha estrutura foun, entaun sira la komprende saida mak hakerek iha relatoriu ne’e.



Ý Ekipa servisu auditoria nota katak iha failansu barak iha jestaun administrasaun finansa (iha mak resibu partidu, journal partidu, relatoriu annual mós laiha, balansu patrimoniu mós laiha). Dokumentu sira la kompletu sei impede servisu auditoria sira.



Ý Rejimentu interna partidu konaba ezekusaun orsamentu laiha, rejimentu interna partidu konaba akomodasaun, perdiem, kombustivel/transporte ba distritu mós seidauk iha, etc.



Ý Iha loron 17/3/2009, tuku11.00 otl, ekipa auditoria hakat fila fali ba sede Partidu atu halo konfirmasaun daruak konaba osan ho montante $ 30,000.00 uza ba atividade partidu (kongresu) ne’ebé seidauk hato’o ninia relatoriu mai iha CNE no sira promete atu entrega mai CNE iha tempu badak.



Ý Iha loron 18/3/2009, tuku 10.00 otl, Sekretariu Jeral no ninia ofisiais sira mai iha CNE hato’o relatoriu ne’ebé mak mai husi distritu hanesan Distritu Viqueque, Baucau, Liquiça no Manufahi ho montante $ 13,120 no sei menus osan ho montante $ 16,880.



H. PD



Ý Iha loron 16/2/2009, tuir oráriu ekipa servisu auditoria ba halo klarifikasaun iha partidu PD. Membru partidu ne’ebé marka prezensa mak Prezidente Interinu, Sr. Samuel Men-donça ho Teisoureira partidu. Sira simu ekipa ho kondisaun amizade no kooperativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa hetan failansu iha jestaun adminis-trasaun finansa (resibu balun laiha, manipulasaun doku-mentu tanba realidade osan seidauk sai, resibu balun dupla, resibu balun mak montante la hanesan).



Ý Rejimentu interna partidu konaba ezekusaun orsamentu laiha ka autorizasaun sira barak mak verbal deit, rejimentu interna konaba akomodasaun, perdiem, kombustivel/transporte ba distritu mos seidauk iha, etc.



Ý Iha loron 17/3/2009, tuku11.00 otl, ekipa auditoria hakat fila fali ba sede Partidu atu halo konfirmasaun daruak ho Tei-zoureira konaba konta bankaria ne’ebé sei uza naran pesoal no Osan ho montante $ 50,826.00. Asuntu ne’e teizoureira sei hato’o ba Sekretariu Jeral Ajuntu Partidu tanba nia la marka prezensa.



Ý Iha 17-03-2009 tuku 14.30 ekipa auditoria hakat’an datolu ba sede partidu nian atu konfirma filafali ho prezidente interinu (Samuel Mendonça) konaba problema fundamental ne’ebe sira hasoru. Iha tempu hanesan prezidente interinu ne’e esplika mais kompletu no klaru tamba sira hatudu montante osan riil ne’ebe sira iha.

I. UNDERTIM



Ý Iha loron 12/2/2009, tuir oráriu ekipa servisu auditoria ba halo klarifikasaun iha partidu UNDERTIM. Membru partidu ne’ebé marka prezensa mak Sekretariu Adjunto no Teizoureiru. Sira simu ekipa ho kondisaun amizade no kooperativa.



Ý Wainhira ekipa halo evaluasaun konaba faktus sira ne’ebé iha relatoriu, ekipa hetan failansu iha jestaun adminis-trasaun finansa (iha resibu partidu deit, relatoriu husi Distritu mós laiha, ho razaun katak kapasidade ema iha distritu mínimu no laiha fasilidade adekuadu atu reforsa sira nia servisu, montante resibu no relatoriu la hanesan).



Ý Rejimentu interna partidu konaba ezekusaun orsamentu la iha ka autorizasaun sira dala barak verbal deit, rejimentu interna konaba akomodasaun, perdiem, kombustivel/transporte ba distritu mós seidauk iha, etc.



Ý Teizoureiru hetan difikuldade konaba oinsa koloka resibu sira ba formulariu ne’ebé CNE fahe ba partidu.



2. JESTAUN ADMINISTRASAUN FINANSA PARTIDU



Hosi evaluasaun ka audit ne’ebé ekipa hala’o durante fulan ida, ekipa observa katak:



a. Jestaun administrasaun finansa ninia lala’ok ladun diak, tanba:



i. Turnover ofisial finansa aas.



Ofisial finansa iha partidu maioria ema foun, ho nune’e historikamente sira la hatene saida mak akontese iha anterior wainhira ekipa auditoria husu ba sira konaba evidensia sira ne’ebé relasiona ho finansa no satan relatoriu hosi ofisial finansa anterior mós laiha.



ii. Ofisial finansa seidauk hatene konaba finanseira bazika.



Ofisial finansa maioria seidauk komprende konaba jestaun finansa inklui halo kontabilidade bazika (halo journal, koloka reseita no despeza, etc.) no halo relatoriu annual.



iii. Ekipa fiskalizasaun partidu.



Maioria partidu iha ona ekipa fiskalizasaun maibe la funsiona ho másimu. Ekipa fiskalizasaun ne’e mak bele sukat lala’ok orsamentu, ekipa fiskalizasaun mak hatene oinsa implementasaun planu partidu no oinsa hetan rezultadu másimu.



b. Rejimentu interna partidu konaba ezekusaun orsamentu:



Maioria partidu seidauk iha rejimentu ida konaba prosedimentu ezekusaun orsamentu, exemplu se mak bele autoriza atu foti osan, se mak iha kompetensia atu halo verikasaun ka kontrola orsamentu, oinsa jere orsamentu konaba transporte, ka iha parte seluk dala barak autorizasaun ne’ebé partidu halo ho verbal deit ka la eskrita.



c. Seluk-seluk:



Partidu sira sei dúvidas ou la komprende konaba Prestação de Contas ne’ebé CNE fahe.

3. MONTANTE RELATORIU NO RESIBU DIFERENSA PARTIDU SIRA



A. ASDT



Tabela 14

Faktus Diferensa sira





































Note: Osan la sai : $ 18.71

Osan sai tiha ona: $ 123.50



B. CNRT



Tabela 15

Faktus Diferensa sira

























Note: Osan la sai : $ 30.00

Osan sai tiha ona: $ 812.65



C. FRETILIN



Tabela 16

Faktus Diferensa sira























Nota: Osan la sai : $ 4.81

Osan sai tiha ona : $ 2.00













E. REKOMENDASAUN BA CNE

1. Ekipa auditoria rekomenda ba CNE atu halo formasaun ka treinamentu semestral ba funsionariu partidu nian ne’ebé toma konta finansa konaba jestaun administrasaun finansa.

2. Halo evaluasaun konaba formulariu prestasaun konta sira ne’ebé CNE fahe ba partidu sira tanba item balu ne’ebé importansia la tama iha formulariu ne’e.



3. Ekipa auditoria rekomenda ba CNE atu halo fiskalizasaun no evaluasan orsamentu partidu polítiku sira nian fulan-fulan.



4. Tanba turnover ofisial finansa sira iha partidu aas, ho nune’e husu ba CNE atu rekomenda ba partidu sira hodi mantein ofisial finansa sira ou maizumenus tenki halo tranferensia informasaun orsamentu husi ofisial tuan ba ofisial foun.





F. OBSTÁKULU NE’EBÉ EKIPA HASORU



Iha mudansa oráriu ne’ebe aas tanba dokumentu partidu la kompletu no Sede partidu balun mós la iha; Ajustamentu Kontestu Relatoriu sempre muda bebeik.







R E Z U M E



Tuir kontratu ne’ebé fó knaar ba ekipa servisu auditoria sira atu analiza konaba tékniku ba prestasaun konta sira bazeia ba Rezolusaun No. 03/2008-CNE no halo analiza ba reseita sira no despeza sira tuir Lei No 6/2008 no teknikamente tuir norma/regra kontabilidade ne’ebé normalmente uza.



Objetivu ba ekipa auditoria sira mak atu hetan evidensia ida-ida asersaun signifika ne’ebé relasiona ho tranzasaun no saldu siklu gastu sira nian. Asersaun sira hanesan ezistensia no insidentil, afirmasaun kompletamentu, direitu no dever, valo-rizasaun no alokasaun no relatoriu no espresaun. Asersaun hirak ne’e sei reforsa ho guia ba auditor sira atu fó ezame ték-niku ba prestasaun konta sira husi partidu. Termo referensia ida ne’e atu fó atensaun liuliu ba kriteria sira hanesan identi-fikasaun ba impropriedade sira no irregularidade sira.



Lala’ok utilizasaun orsamentu ne’ebé apoiu husi Governu ba partidu sira no reseita propria partidu sira nian, normalmente la’o diak no utiliza tuir nesesidade partidu ida-ida nian, maski iha failansu ba relatoriu sira. Failansu jeral sira ne’ebé mosu mak :



Ø Administrasaun finansa, hanesan: ofisial finansa sira ladun hatene konaba ba kontabilidade bazika hanesan halo journal no halo relatoriu; montante relatoriu, reseita, despeza no saldu la hanesan ka la koherensia; interpretasaun sala konaba resibu partidu no resibu reseita; resibu balun partidu nian la asina; faktus balun hakerek hanehan malu (tumpang tindih); resibu sira husi partidu esplika la klaru, ex. transporte atu ba ne’ebé; resibu husi loja la iha so iha mak resibu partidu; resibu balun hakerek ho liman; foto-kopia resibu balun dupla; relatoriu orsamentu ba atividade sira iha distritu seidauk hato’o mai iha Sede Central;



Ø Rejimentu interna partidu sira: Maioria partidu seidauk iha rejimentu interna partidu konaba ezekusaun orsamentu ka autorizasaun ka despaizu sira husi xefe direta, akomo-dasaun, perdiem, konaba apoiu funeravel ka sumbangan social, kombustivel/transporte ba distritu no debe ka fó empresta. Rejimentu partidu balun iha ona maibe aplika seidauk másimu.



Ø Konta bankaria: Konta bankaria PPT sei uza ema ida nia naran, tuir Lei Nú.6/2008 no Rezolusaun Nú.3/2008 la permiti atu uza naran pesoal ba instituisaun ka partidu polítiku ida.



Ø Seluk-seluk: Partidu sira sei dúvidas ou la komprende konaba Prestação de Contas ne’ebé CNE fahe.



Failansu hirak ne’e, balun tama klasifikasaun prose-dimentu la’o ladun diak no balun tama klasifikasaun kompren-saun ba jestaun administrasaun finanseira maioria ladun diak tanba turn over ofisial finansa aas.



Iha filosofia klásiku ida dehan katak “ema ida atu sai matenek ka sai diak, tenki aprende husi esperensia dahuluk ka tenke aprende husi sala, ho nune’e iha rekomendasaun hirak ne’ebé bele ajuda partidu sira atu hadia irreguladade sira hane-san iha leten: Haklean liu tan kuñesimentu konaba jestaun finanseiru baziku liu hosi kapasitasaun ka formasaun rekursu umanu; Hamosu ka kria rejimentu sira konaba prosedimentu ezekusaun orsamentu, rejimentu konaba perdiem, alojamentu, kombustivel ba distritu, konaba apoiu funeravel ka sumbangan sosial, konaba mekanizmu fó empresta osan ba membru sira no seluk-seluk ne’ebé relasiona ho orsamentu. Rejimentu balun ne’ebé iha ona, tenki ser aplika másimu; Maioria partidu iha ona ekipa fiskalizasaun maibe la funsiona ho másimu. Ekipa fiskalizasaun ne’e mak bele sukat lala’ok orsamentu, ekipa fiskalizasaun mak hatene oinsa implementasaun planu partidu no oinsa hetan rezultadu másimu. Exemplu molok atu hatama relatoriu mai CNE, ekipa fiskalizasaun partidu polítika nian tenki halo uluk verifikasaun ba relatoriu ne’ebé teizoureiru halo no ikus mak partidu sira tenki halo planu atividade no orsamentu annual ka semestral, hodi bele fasilita partidu atu halo evaluasaun.



Aleinde rekomendasaun ba partidu sira, iha mós rekomenda-saun ba Komisaun Nasional Eleitoral (CNE) hanesan tuir mai ne’e: fó formasaun ka treinamentu semestral ba funsionariu partidu sira konaba jestaun administrasaun finansa; halo evaluasaun konaba formulariu prestasaun konta sira ne’ebé CNE fahe ba partidu sira tanba item balu ne’ebé importansia la tama iha formulariu ne’e; no halo fiskalizasaun no evaluasan orsamentu partidu politiku sira nian ba fulan-fulan no tanba turnover ofisial finansa sira iha partidu aas, ho nune’e husu ba CNE atu rekomenda ba partidu sira hodi mantein ofisial finansa sira ou maizumenus tenki halo tranferensia informasaun orsamentu husi ofisial tuan ba ofisial foun.

Dili, 1 Abril 2009

Prezidente CNE



DR. Faustino Cardoso Gomes,Msi.





Ekipa Servisu Auditoria,



Ananias Barreto, MM

Xefi Ekipa