REPÚBLICA DEMOCRÁTICA DE TIMOR-LESTE

DESPACHO

8/Dpx-Prez/CNE/V/2008

Partisipasaun Komiáriu/a sira nian iha Programa (Kapasidade Lideransa no Komunikasaun ba Renovasaun Nasional) organiza hosi Banku Mundial

Hohanoin katak:

1. Fomasaun ka kapasitasaun ba komisariu/a sira sai nudar programa importante ida hosi CNE, ho ambitu atu hasa'e liu tan komisariu/a sira nia koñesimentu, matenek, esperiensia no desezempeñu iha knar lor-loron nian;

2. Ba ambitu ne'e, aleinde ninia programa trasada rasik, CNE dezemvolve kooperesaun ka parseria ho instituisaun sira seluk,, governamental ka naun-governamental. Estudus koparativus (observasaun eleitoral) ba rai li'ur sai mos nudar parte hosi programa kapasitasaun CNE nian, no nee la'o tiha ona iha nasaun balu durante ne'e;

3. Importante tebtebes atu aproveita mos oportunidade kapasitasaun sira mak organizasaun sira seluk oferese ba CNE. Iha Fulan-Fevereiro tinan 2008, Banku Mundial oferese oportunidade ba CNE atu partisipa iha ninia programa ho naran (Kapasidade Lideransa no Komunikasaun ba Renovasaun Nasional). Iha komisariu sira na'in tolu (Kom. Faustino Cardoso Gomes, Kom. Martiho Germano da Silva Gusmão, no Kom. Tomé Xavier Jeronumo) mak partisipa iha programa kapasitasaun nee.

4. Programa formasaun ne'e nudar pakote ida, no iha ninia koherensia no kontinuidade. Importante ba komisariu/a sira mak partisipa tiha ona iha inisiu atu mantein nafatin sira nia partisipasaun iha programa kontinuasaun ho ambitu atu la bele lakon koherensia no koñesimentu koherente mak hetan tiha ona ho tema (Kapasidade Lideransa no Komunikasaun ba Renovasaun Nasional).

Hatitu ba:

1. Artigo 65.6, Lei-Inan (Konstituisaun) RDTL nian, ne'ebe hatur estatutu CNE nudar orgaun independente ho mandatu atu tau matan ba aktu eleitoral saida deit mak hala'o iha nasaun ne'e, ba eleisaun jeral ka ba eleisaun lokal;

2. Lei Numeru 5/2006 kona-ba orgaun eleitoral sira, ne'ebe hatur katak (CNE ne'e nudar orgaun eleitoral ne'ebe independenti husi orgaun poder politiku saida deit, sentral ka lokál, no goza autonomia finanseira, administrativa no organizativa) (Artigu 4.2.) ... (A CNE é apoiada por um secretariado permanente e dispõe de orçamento próprio, integrado no Orçamento do Estado, nos termos da lei) (Artigu 11.1);

3. Rejimentu Internu Comissão Nacional de Eleições (CNE);

Hare ba:

Karta konvite hosi Banku Mundial (2 de Abril de 2008), no partisipasaun komisariu/a sira nain tolu nian iha programa inisiu ne'ebe halao iha Fulan-Fevereiro tinan 2008.

Prezidente CNE hasai Despaxu hanesan tuir mai ne'e:

Dahuluk : Hatudu no fo oportunidade ba Komisariu/a sira na'in tolu, neebe partisipa tiha ona iha inisiu, atu partisipa iha kontinuasaun programa formasaun ho tema (Kapasidade Lideransa no Komunikasaun ba Renovasaun Nasional), organiza hosi Banku Mundial, ne'ebe sei hola fatin iha Centro Formação João Paulo II, Komoro, Dili, hosi loron 6 too 9 Fulan-Maiu 2008;

Daruak : Komisariu/a sira na'in tolu mak atu partisipa, hanesan:

1. Kom. Faustino Cardoso Gomes

2. Kom. Martinho Germano da Silva Gusmão

3. Kom. Tomé Xavier Jeronimo

Datoluk : Husu komisariu/a sira atu aproveita didiak programa formasaun ne'e. Durante partisipa iha ne'eba, ezizensia ba knar sira mak komisariu/a sira nain tolu asume ein relasaun ho CNE nian buka atu responde tuir tempo no biban konveniente;

Dahaat : Husu atu komisariu/a na'in tolu, wainhira remata tiha programa ne'e , bele fahe informasaun rezultadu progrma formasaun ne'e ho komisariu/a sira seluk liu hosi Plenaria CNE iha sorumutu ordináriu ka ekstra- ordináriu;

Dalimak : Despaxu ne'e hahu tama ein vigor desde loron fo sai, no sei la validu wainhira remata ona programaformasaun nee.

Despaxu ne'e hasai iha Dili, iha loron 6 Fulan-Maiu, Tinan 2008

Prezidente CNE,

DR. Faustino Cardoso Gomes,MSi.

REPÚBLICA DEMOCRÁTICA DE TIMOR-LESTE