REPÚBLICA DEMOCRÁTICA DE TIMOR-LESTE

DESPACHO

6/Dpx-Prez/CNE/V/2008

Jestaun Enxe Mina ba Kareta sira uza ba Aktividade CNE

Hanoin katak:

1. Importante atu hatur sistema no mekanisme kanalizasaun apoiu sira nesesariu ba komisariu/a sira atu halao sira nia funsaun, no oinsa atu bele asegura efetividade ba sira nia dezempeñu supervizionamentu ba aktus eleitorais sira tomak, tuir Planu Asaun Anual CNE nian;

2. Apoiu lojistiku sira, iha kazu nee kareta sira (vehikulus) no mina ka kombustivel (gazoliña ka gazol), importante tebtebes ba funsionamentu no efetividade dezempeñu CNE nian, maiske kona-ba kareta to'o oras nee CNE rasik sei hasoru limitasaun. CNE iha deit kareta lima, maibe agora hela kareta hat mak operasional. Limitasaun kareta nee, temporaria-mente, CNE rezolve ho maneira halo aluga ba kareta privadu sira;

3. Kareta sira neebe mak komisariu/a sira uza ba interese halao sira nia funsaun, ka halao aktividade CNE nian, liliu ba interese halao supervizaun sira iha kampo, sei implika maka'as ba mina ka kombustivel (gazoliña eh gazoel), no ne'e ikus mai implika tutan ba orsamentu CNE;

4. Importante tebtebes atu iha administrasaun no kontrolu idak mak diak hosi parte Sekretariadu CNE kona-ba apoiu lojistiku sira, iha kazu ne'e kona-ba enxe mina ba kareta sira uza hosi komisariu/a sira ba aktividade supervizaun iha kampo;

5. Importante tebtebes atu iha transparansia no akuntabilidade ba uzu orsamentu mak destinadu ba kombustivel ka mina ba kareta sira uza hosi komisariu/a sira ba aktividade supervizaun iha kampo;

Hatitu ba:

1. Artigo 65.6, Lei-Inan (Konstituisaun) RDTL nian, ne'ebe hatur estatutu CNE nudar orgaun independente ho mandatu atu tau matan ba aktu eleitoral saida deit mak hala'o iha nasaun ne'e, ba eleisaun jeral ka ba eleisaun lokal;

2. Lei Numeru 5/2006 kona-ba orgaun eleitoral sira, ne'ebe hatur katak [CNE ne'e nudar orgaun eleitoral ne'ebe independenti husi orgaun poder politiku saida deit, sentral ka lokál, no goza autonomia finanseira, administrativa no organizativa] (Artigu 4.2.) ... [A CNE é apoiada por um secretariado permanente e dispõe de orçamento próprio, integrado no Orçamento do Estado, nos termos da lei] (Artigu 11.1);

3. Decreto Parlamento Nacional No. 10/2007, kona-ba Orçamento Geral do Estado da República Democrática de Timor-Leste para 2008;

4. Dekreto-Lei No. 10/2005, kona-ba Rejime Júridiku Aprovizionamentu nian, ne'ebe hatur katak [São competentes para autorizar o inicio dum procedimento de aprovisionamento, as entidades seguintes: ... Os dirigentes expressamente nomeados e autorizados pelos respectivos máximos dos orgãos de soberania ... (artigo 15.d.); Os dirigentes máximos dos Serviços Autónomos, as entidades públicas e outros organismos dotados de autonomia administrativa e financeira;(Artigo 15.e) ... As entidades públicas mencionadas no artigo 15 ... têm competência para realizar, descentralizadamente, as operações de aprovisiona-mento...] (Artigo 19);

5. Rejimentu Internu Comissão Nacional de Eleições (CNE), kona-ba orsamentu, ne'ebe hatur katak

[...5. Todos os movimentos financeiros da CNE serão levados a cabo de forma transparente e do conhecimento comum a todos os membros, através de relatórios e reuniões periódicas e/ou extraordinárias sempre que se considere necessário.

6. A CNE tem uma conta bancária própria aberta em nome de três membros da Comissão. Quaisquer movimentos bancários exigem obrigatoriamente a assinatura de pelo menos dois desses membros, sendo uma delas, a do presidente.

7. As finanças da CNE estão sujeitas a auditoria interna e externa.] (Artigu 34);

6. Plenaria CNE;

7. Despaxu Prezidente CNE No. 02/Dpx-Prez/CNE/IV/2008, kona-ba Hari Ekipa Autditoria Internal CNE.

Hare ba:

Planu Anual CNE nian ba Anu Fiskal 2008, ne'ebe hatur programa sira CNE nian hamotuk ho aktividade sira relasionadu tomak, neebe hot-hotu implika ezekusaun no movimentasaun (tama no sai) orsamentu;

Prezidente CNE hasai Despaxu hanesan tuir mai ne'e:

Dahuluk : Komisariu/a sira hetan apoiu kareta no kombustivel ba aktividade sira mak hala'o no relasionadu ho sira nia funsaun nudar komisariu/a;

Daruak : Iha fulan ida, komisariu/a sira iha direitu atu hetan Seña Enxe Mina (SEM) tahan lima ba kareta mak uza ba servisu CNE nian. Seña tahan ida ho valor ba mina ka kombustivel litru 10 (sanulu);

Datoluk : Atu hetan direitu ne'e, komisariu/a tenki halo pedidu ba Sekretariadu CNE, iha Divizaun Lojistika;

Dahaat : Divizaun Lojistika tenki verifika didiak pedidu mak tama, antes atu fo sai Seña Enxe Mina (SEM);

Dalimak : Seña Enxe Mina (SEM) mak hasai hosi Divizaun Lojistika hola formatu espesifiku, iha tahan rua ho karvaun, tahan ida primeiru ho kor mean no tahan segundu ho kor kinur (hare aneksu).

Daneen : Divizaun Lojistika fo sai Seña Enxe Mina (SEM) ho maneira:

1. hasai SEM tahan mean ba komisariu/a ka atu hodi ba enxe mina iha kompaña mak Termusde Entendimentu (TdE) ho CNE;

2. arkiva SEM tahan kinur;

Dahituk : Ho Seña Enxe Mina (SEM) kor mean ne'ebe mak hetan hosi Divizaun Lojistika, komisariu/a sira sei ba enxe mina iha kompaña makfaen mina (gazoliña ka gazoel) ne'ebe halo Termusde Entendimentu (TdE) ho CNE;

Daualuk : Kompaña makfa'en mina (gazoliña ka gazoel) ne'e sei aprezenta ninia invoice, aneksu ho Seña Enxe Mina (SEM) kor mean mak uza tiha ona, ba Divizaun Lojistika, Sekretariadu CNE;

Dasiak : Divizaun Lojistika sei verifika didiak Seña Enxe Mina (SEM) ninia validade, antes atu hasa'e ba Prezidente CNE hodi hetan ninia vistu ka aprovasaun nudar baze ba Divizaun Finansas atu hasai Nota Pagamentu (NP);

Dasanuluk : Invoice, aneksadu hamotuk ho Seña Enxe Mina (SEM) kor mean uzadu, ne'ebe hetan ona vistu hosi Prezidente CNE, sei hatun ba Divizaun Finansas atu bele verifika dala ida tan ninia validade no hare ba orsamentu ne'ebe iha, antes atu prepara no hasai Nota Pagamentu (NP);

Dasanulu-resin-idak: Pagamentu ba invoice enxe mina sei hala'o liu hosi clearing hosi Nota Bankaria ba Nota Bankaria kompaña nian;

Dasanulu-resin-ruak : Despaxu ne'e hahu tama ein vigor desde loron fo sai ho ambitu retroaktivu;

Dasanulu-resin-toluk : Karik iha ezizensia ruma despaxu ne'e sei bele hare fila hikas hodi halo amandamen

Despaxu ne'e hasai iha Dili, iha loron 30 Fulan-Abril, Tinan 2008

Prezidente CNE,

DR. Faustino Cardoso Gomes,MSi.

Formatu Seña Enxe Mina (SEM)

SEM Tahan-Oin

REPÚBLICA DEMOCRÁTICA DE TIMOR-LESTE