REPÚBLICA DEMOCRÁTICA DE TIMOR-LESTE

Directiva

11/2009-DNDLOT/MAE-OT

ASSEMBLEIAS LOCAIS MATADALAN BA KONTRAKTO KOMUNIDADE LOKAL (KKL) NO PAGAMENTU BA KONTRAKTO KOMUNIDADE





A. INTRODUSAUN





Kuadru legal Programa Desenvolvimento Lokal to'o agora seidauk permite Assembleia Lokais atu adopta kontrakto ho komunidade atu implementa investimento kapital nian.



Tuir esperiensia no problema nebe mak iha durante periodo implementasaun nian, governo hare'e ona asunto ida ne'e no identifika katak presiza atu permite ba implementasaun komunidade ba kasu hirak hanesan ne'e. Mata dalan ida ne'e atu hatudu oinsa Assembleia Lokais usa no maneja kontrakto ho komunidade liu husi kooperasaun tanto ho Assembleia Sub-Distrital no Distrital iha implementasaun FDL - investimento nebe mak hetan ona finansiamento. Tanba ne'e, Matadalan ida ne'e hanesan komplementari ba iha Regulamento Aprovisionamentu ba Assembleia Lokais nian (Regulamentu no.8/2005 -DNAT/MAE).



Kontrakto ho komunidade ida ne'e sei aplika deit wainhira valor de kontrakto hanesan ou menus husi $ 5,000, obras ruma la kompleksu ida no komunidade iha maun de obra treinado atu implementa. Regulamento ida ne'e mos permite Kontrakto komunidade senokazu kustu ba projetu ruma as liu $5,000 karik prosedura aprovisionamento hotu-hotu halo hotu ona maibe la hetan resultadu nebe mak satisfas. Basikamente, ida ne'e bele sei uza "Fonte Unico" tuir regulamento Aprovisionamento. Maibe, medidas adisional inklui kedas ona senokazu AL hakarak halo diretamente ho Kontrakto Komunitariu.



Objektivu husi regulamento ida ne'e mak:



Ø Fasilita Assembleia Lokais sira atu organiza obras hirak nebe mak simples hodi halo kontrakto ho komunidade Lokal;

Ø Fo oportunidade ba kommunidade lokal atu involve direita-mente iha implementasaun projetos;

Ø Asegura katak AL iha methoda implementasaun alternativo iha kazu wainhira hatudu ona katak sei la iha posibilidade atu identifika kontraktores kualifikadu nebe mak hetan liu husi prosesu aprovisionamentu tanba resultadu husi kondisaun tereno nebe mak la permite no laiha duni asesu dalan ba iha projetu ninia fatin.



Iha kazu karik hasai Kontrakto ba komunidade, AL liu husi CPI sei tenke responsabliza atu tau matan ba implementasaun atu asegura katak Kontrakto komunidade ne'e implementa duni ho responsablidade no transparante. Tanba ne'e, importante ba CDO, DDO, Staff Serbisu suporta tekniku no Oficial Obras Publicas distritais tenke superviza serbisu ida ne'e ho diak no iha responsabilidade ba akontabilidade no transparante iha prosesu implementasaun komunidade nian.

B. KONTRATO KOMUNIDADE LOKAL (KKL) - PRINSIPIU JERAIS



Kontrakto komunidade Lokal (KKL) refere ba implementasaun obras diretamente husi Komisaun Implementasaun Komuni-dade (KIK) nebe forma husi komunidade ninia representante e KIK mak sei asina Kontrakto ba Komunidade Lokal (KKL).



Kontrakto Komunidade Lokal hanesan methoda implemen-tasaun ida nebe mak sei implementa iha dalan tuir mai ne'e:



B.1 Projetos hirak nebe mak teknikamente simples no ninia estimasaun hanesan ou menus husi $5,000



Tipo investimento ida ne'e signifika katak:



(i) Obras nebe mak ninia valor hanesan ou menus husi US$ 5,000.00;

(ii) Obras nebe mak teknikamente simples, la presiza badaen no ekipamentu oi-oin.



Ninia objektivu mak atu asegura katak projetu hirak nebe mak ki'ik no teknikamente simples bele diretamente halo kontrakto ho komunidade sira. Projetu hirak nebe mak teknikamente difisil atu implementa, AL sei hakarak halao tuir prosedur aprovisionamento nebe mak normal mesmo que ninia kontrakto menus husi $5,000 tanba ida ne'e difikulta ba komunidade sira atu implementa.



B.2 Projetos nebe mak ninia estimasaun as liu $5,000



Iha kazu balun, AL sei permite atu uza methoda aprovisiona-mento "Fonte Unico" no uza Kontrakto ba Komunidade Lokal hanesan methoda ida ba implementasaun projetu nian mesmo que valor estimasaun ba kontrakto liu $5,000. Pra-Kondisaun tuir mai ne'e mak sei halo:



(i) AL husik hela ona prosedur aprovisionamento normal tan-ba resultadu ladiak, i.e. Prosedura aprovisionameto hotu-hotu halo tuir ona maibe la hetan kontraktores kualifikado liu husi publikasaun minimu DALA RUA ONA;



(ii) Iha kazu hirak hanesan ne'e, CPI sei apresenta problema ne'e iha enkontro AL nian no husu authorizasaun ba AL atu implementa liu husi KKL. Desizaun AL nian tenke-ser anexa ba iha kontrakto ba komunidade ba objektivo audita nian nebe mak asina tiha ona.



Ba kazu hotu-hotu excepto husi senariu nebe mak hanesan esplika tiha ona iha leten kualker obras nebe mak ninia valor bo'ot liu US$ 5,000.00 ou teknikamente kompleksu tenke implementa ho Regulamentu Aprovisionamentu No. 8/2005- DNAT/MAE.



C. Komisaun Implementasaun Komunitario (KIK)



C.1 Kondisaun Jerais



Desizaun ba KKL hanesan methoda implementasaun nebe mak prefere liu tenke tuir kondisaun nebe mak hanesan hateten tiha ona iha Seksaun B husi regulamento ida ne'e. Wainhira Kontrakto ba Komunidade Lokal ruma mak hili ona, entaun tenke establese ona Komisaun Implementasaun Komunidade (KIK) ida. Kontrakto no implementasaun ruma labele komesa halao kuandu seidauk hatudu dokumentus ruma nebe mak asina tiha ona hodi prova katak KIK establese tiha ona no hato'o ona ba Konselho do Suco. Tenke uza Formatu naran Establesemento Komisaun Implementasaun Komunitario (KIK) (anexo 1) ba objektivo ida ne'e.



C.2 Papel Konselho do Suco nian



Konselho do Suco nebe mak responsavel ba projetu ne'e no sira tenke sei responsabliza konaba:



(i) Organiza no establese KIK ida ba kada projeto

(ii) Tau matan ba membrus KIK sira nia serbisu;

(iii) Halo monitorizasaun ba aktividade KIK nian

(iv) Informa ba Assembleia Lokais sekarik enfrente problema ruma iha relasaun ho implementasaun projeto;

(v) Asiste KIK atu prepara sira nia relatorio no asegura katak submete hotu ona relatorio financas nebe mak rekere .



C.3 Membros KIK nian



Ba projetu investimentu individual ruma, parte interesadu lokais (beneficiariu projetu, organizasaun komunidade, cidadaun) hili sira ninia membrus KIK no elege KIK ninia Chefe no Tezoreiru.



KIK ida tenke kompostu husi minimu ema nain lima (5) no maximu ema nain hitu (7).



Wainhira Konselho do Suco hili membru ida-ida ba KIK nian, tenke konsidera prinsipiu hirak hanesan tuir mai ne'e:



• Membrus KIK tenke-ser ema nebe mak hela iha suco (ou aldeia) nebe mak sei hetan benefisiu barak liu husi projetu investimentu nebe refere. Esforsu hotu-hotu tenke halo atu asegura katak KIK forma duni husi komunidade nebe mak hetan benefisiu ninia representante - ida ne'e bele hasae akontabilidade no sentimentu katak serbisu ida ne'e komunidade ninia duni;



• Minimu ema nain rua husi membrus KIK ne'e tenke-ser feto;



• Labele iha membru husi AL nebe mak sai hanesan membrus husi KIK. Membros Conselho do Suco seluk bele maibe maximu nain rua deit;



• Presidente no Tezoreiru KIK tenke iha kuinhesementu basi-ku konaba jestaun no abilidade komunikasaun nian no iha tempo sufisiente atu halao ninia knar.



C.4 Establesemento ba Komisaun Implementasaun Komuni-dade (KIK)



KIK establese depois de AL aprova planu investimentu ba projetu ruma (hanesan komponentu husi AL ninia Planu investimento /orsamentu annual) nebe mak deside tiha ona katak sei implementa duni ho jestaun kontrakto ho komunidade.



• Sekarik kustus $5,000 ba kraik KIK tenke establese ona antes Comisaun Planeamentu no Implementasaun halo dezenho no kustu estimativa final ba projetu em kestaun tamba importante katak sira partisipa iha dezenho no komprende saida mak sira tenke hala'o ka implementa.



• Sekarik kustus $5,001 ba leten KIK tenke establese wainhira AL/CPI deside atu uza metode KKL. Normalmente, situasaun ida ne'e signifika katak KIK establese depois Comisaun Planeamentu no Implementasaun halo dezenho no kustu estimativa final ba projetu no sira koko tiha ona prosesu aprovisionamente nian maibe la hetan kontraktor kualifikado ruma. Se AL deside atu uza KIK, CPI tenke halo mudansa ba "kustus estimativa" atu define kustus total ba trabalhadores sira, materiais no ekipamento (ida ne'e signifika la permite atu halo mudansa iha orsamento total). Ne'e signifika katak CPI tenke halo enkontru ho KIK atu esplika detalha liu tan kona ba projeto no halo dezenho no kustus final hamutuk ho KKL inklui arrangos ba implementasaun nian.



Wainhira Conselho do Suco konkorda ona konaba KIK ninia membros, sira tenke inklui naran ho sira nian asinatura iha dokumento "Membros KIK" hodi uza formatu nebe mak hanesan iha anexo 1. Chefe do Suco tenke informa kedas ba Secretario Executivo AL nian konaba membrus sira KIK nian nebe mak iha dokumento ida ne'e. Lista KIK nian tenke taka iha kuadro de aviso hirak nebe mak iha suco no iha administracáo distrito no sub-distrito.



C.5 Papel AL/CPI no staf MAE-OT



• Assiste Conselho do Suco atu establese KIK



• Secretario executivo asina KKL ho presidente KIK hamutuk ho Chefe do Suco



• Halo inicio enkontro ho KIK hamutuk ho representantes husi Conselho do Suco



• Fo asistensia tekniku ba KIK wainhira presija;



• Fo treinamento financeiro basiku ho asistensia ba KIK atu asegura katak KIK bele mantein sira ninia Libru Caixa no konta osan nebe mak gasta ona. Presidente no Tezoreiro nebe mak eleitu tenke hetan treinamentu basiku konaba prosedura distribuisaun orsamentu, rejistu osan, halo konta no halo relatorio financas nebe mak fo husi staff nebe mak kompetente (husi DFO).





D. IMPLEMENTASAUN PROJETU LIU HUSI KKL



D.1 KONTRATO KOMUNIDADE LOKAL (KKL) nian:



Deskrisaun projetu KKL sei submete ba AL/CPI. CPI AL mak sei hare'e fila fali deskrisaun projetu KKL nian. Wainhira CPI satisfas ho deskrisaun projetu KKL nian, CPI sei halo esbosu kontrakto entre KIK no AL.



Standar formatu ba Kontrato Komunidade Lokal (Anexo 2) sei hanesan acta de kontrakto serbisu nian. Kontraktu pakote ida ne'e entre AL no spesifiku KIK ruma, tenke inklui buat hirak hanesan tuir mai ne'e:



(i) Kustu husi projetu nebe mak atu implementa;

(ii) Prosedura jerais konaba relatorio;

(iii) Aranjamentu financas nian - modalidade distribuisaun, konta no cash book, prosedura relatorio;

(iv) Dever no responsabilidade husi parte nebe mak asina kontraktu ida ne'e,

(v) Anexo dokumento implementasaun tekniku.



CPI mak sei prepara kontraktu ida ne'e no deskrisaun projetu KKL no submete ba DFO atu sertifika/obriga orsamento nomos ba Secretario Executivo, Chefe de Suco no Presidente KIK atu hetan aprovasaun.



D.2 Dezenho no kustus projetu:



Iha prosesu konaba kustus no dezenho detailhus husi kualker investimento nebe mak atu implementa liu husi kontrakto ho komunidade, staff tekniku sira sei serbisu besik liu ho KIK nebe mak responsabliza ba jestaun projetu nian. Ida ne'e sei halo KIK familiariza sira nia an no aceita ho kustu no dezenho nebe mak halo ona.



Tekniku sira apropriadu husi CPI mak sei halo dezenho no kustu ba projetu ruma nebe mak sei implementa ho KKL tenke prepara hamutuk ho KIK:



• Dezenho no spesifikasaun final nebe mak detailha (hanesan prepara ba dokumento aprovisionamento, anexo 4)



• "Kustus estimativa" simplifikado nebe define tiha ona (anexo 5):



o Kustus no kuantidade materiais

o Total loron serbisu no kustus ba trabalhadores nian

o Badaen hira mak presiza,

o Kustu unidade kada loron tenke basea ba preco nebe mak SoS Formasaun Profesional e Emprego) fo sai;



• Horariu implementasaun projetu



Formatu standar (anexo 4 no 5) tenke sai hanesan anexo iha KKL entre AL ho KIK. Importante katak tekniku sira hosi CPI no presidente no Tezoreiro KIK nian asina dokumento implementasaun KKL nian.



D.3 Aranjos ba Kontribuisaun Komunidade



Sekarik uza KKL komunidade no benefisiarius tenke kontribui ho minimu 5 pursento husi presu estimativo. Karik la iha kontribuisaun, AL bele kansela tiha projeto ida ne'e.



Kontribuisaun lokal bele iha forma hanesan:

- Materiais Lokais

- Trabalhadores

- Osan



Importante atu hanoin katak KIK mak responsabliza atu aranju no organiza kontribuisaun lokais antes KIK bele komesa implementa projeto ruma.

E. Supervizaun no Kontrolo



Importante atu komprende katak wainhira AL asina kontrakto ho KIK, ida ne'e la signifika katak AL/CPI la iha ona responsi-bilidade ruma. KIK iha responsabilidade atu implementa kontrakto/akordo maibe AL/CPI kontinua iha responsabilidade atu asegura katak implementasaun ne'e ho kualidade nebe diak.



E.1 Supervizaun Tekniku



Ekipa tekniku nebe mak lidera husi CPI liu husi DDO/CDO iha distrito ka Sub-Distrito ida-idak mak sei responsabliza atu organiza supervizaun tekniku ba kada projetu. Wainhira kontraktu ho komunidade asina ona entaun DDO/CDO ho ninia ekipa nebe mak bolu "Serbisu Suporta Tekniku" sei halo supervizaun bei-beik ba projetu fatin basea ba horariu supervizaun nebe mak desenvolve tiha ona spesifika ba projetu ida.



Supervizaun tekniku tenke hala'o dala barak liu ba projetos nebe mak implementa rasik husi KIK tamba difisil liu atu recupera fundus sekarik sira la halo tuir dezenho nebe konkorda ona ho sira. Numeros visitas tekniku depende ba nivel difikuldades tekniku, fundus total no horariu implementasaun. CPI tenke halo horario supervizaun spesifika ba kada projeto, maibe tenke halo mais ou menus hanesan tuir mai:



E.1.1 Estimasaun KKL menus liu ou hanesan $5,000



• Inicio (fo instrusaun ba trabalhadores no tekniku, hare'e no konta materiais nebe simu iha fatin ida-ida)

• Monitorizasaun semana rua dala ida hamutuk ho repre-sentantes hosi Conselho do Suco

• 60% sertifikasaun de kompletasaun ba obras fisikamente antes atu prepara pagamento;

• 100% sertifikasaun de kompletasaun ba obras fisikamente atu prepara pagamento;



E.1.2 Estimasaun KKL hanesan ou liu $5,001.00



• Inicio (fo instrusaun ba trabalhadores no tekniku, hare'e no konta materiais nebe simu iha fatin ida-idak)

• Monitorizasaun semana rua dala ida hamutuk ho repre-sentantes hosi Conselho do Suco

• 40% sertifikasaun de kompletasaun ba obras fisikamente antes atu prepara pagamento;

• 80% sertifikasaun de kompletasaun ba obras fisikamente atu prepara pagamento;

• 100% sertifikasaun de kompletasaun ba obras fisikamente atu prepara pagemento;



Wainhira tekniku sira halo supervizaun, sira tenke halo relatorio tekniku tuir formatu iha anexo 6. Relatorio tenke entrega ba KIK no CPI. Supervizaun tekniku mos iha relasaun ho pagamentu sekarik visita tekniku ida sei sai hanesan visita ba sertifikasaun de kompletasaun ruma. Pagamentu depois de primeiro adiantamento labele akontese kuandu laiha sertifikasaun husi supervisor tekniku nebe mak justifika katak obras ida iha ona faze balun no tuir ona kondisaun kontraktu nian.

E.2 Audita Social



Atu bele aumenta liu tan implementasaun projetu nebe mak transparante iha nivel lokal (ho nune'e bele hadia efikacia no hamenus oportunidade ba korupsaun), KIK sei espera katak atu observa padraun pratika audita social. Ida ne'e inklui:



• Hari'i kuadru projetu nian nebe mak fornese ba publiku jerais hodi bele iha asesu ba informasaun basiku konaba projetu nebe mak implementa dadauk. Tabela tuir mai ne'e fo formatu ida ba kuadru projetu nebe mak refere.



• Membru sira Konselho do Suco nebe mak lidera husi Chefe do Suco sei halo supervizaun bei-beik ba projetu tanba sira hela iha suco ou besik ba iha fatin projetu nebe mak implementa dadauk. Ho nune'e sira bele tau matan lor-loron no bele prevene KIK halo failhansu tamba kontrolo nebe mak menus husi komunidade.Tamba ne'e wainhira halo pedido ba pagamentu ruma, Chefe do Suco sai hanesan sertifikador ba lista de presenca no pagamentu trabalha-dores sira nian.



F. Financas KKL nian



F.1 Relatorio financas



KIK tenke uza formatu "Relatorio Financas" nebe iha parte haat, formulariu nebe mak hanesan iha anexo 7. Prosesu financas esplika tuir mai iha seksaun F.2. Dokumento Relatorio financas tenke entrega ba CPI (DDO/CDO) depois sira bele procesa adiantamento tuir mai ho TAD. Maibe senokazu dokumentasaun hosi KIK ladun kompletu, CPI tenke fo fali ba KIK atu hadia.



F.1.1 PARTE 1: Relatorio Progresu



KIK tenke mantein halo rekorda iha relatorio progresu nian nebe mak bele halo KIK atu tau matan ba despezas hotu-hotu, aktividades no enkontru sira. Relatorio progresu tenke disponibel ba publiku no ba sidadaun lokal sira hotu. Diak oituan sekarik KIK bele halo enkontru wainhira sira simu osan no fo relatorio ba komunidade sira wainhira sira taka projeto kona ba sira nian despezas no aktividades.



F.1.2 PARTE 2: Livru Caixa

KIK tenke aktualiza beibeik sira nia konta iha Livru Caixa, ho objetivu ba audita social nian no relatorio financas ba AL. Wainhira simu no uza adiantamento ba atividade implementa-saun, KIK tenke registra iha sira nian Livru Caixa (osan sai no osan nebe tama ba sira). Livru Caixa tenke inklui iha relatorio ba AL/CPI. Resibos originais no lista presenza trabalhadores nian (ho asinaturas) tenke hatama iha livru caixa ninia anexo. Tezoreiro KIK maka responsabel atu mantein Livru Caixa hirak nebe mak refere.



F.1.3 PARTE 3: Sertifikasaun de Kompletasaun



Atu asegura katak implementasaun projetu tuir duni spesifikasaun no horario nebe iha kontrakto, KIK tenke husu tekniku sira atu verifika kompletasaun serbisu nian antes sira bele hetan adiantamento foun no antes sira bele taka projeto. Wainhira KIK bolu tekniku sira atu mai atu Sertifika konaba Kompletasaun serbisu projetu ruma, sira tenke uza Formatu Sertifikasaun de Kompletasaun.



F.1.4 PARTE 4: Lista Trabalhadores



Atu asegura katak KIK bele selu ema nebe serbisu, sira tenke halo lista presenza loron-loron ba trabalhadores nebe serbisu ba projeto. Sira tenke tau naran kompleto no loron atual serbisu nian. Kada trabalhador tenke asina lista nebe refere. Sekarik trabalhadores ruma la bele asina, entaun sira hanehan deit ho liman fuan los.



F.2.1 Prosesu financas ba projeto ho valor $5,000 ba kraik



Iha termus Kontraktu KKL, dalan tuir mai ne'e mak aplika:



(i) KIK desenvolve horariu pagamento ba materiais, kustu transporte, kustu ba trabalhadores no badaen. Basea ba ida ne'e KIK sei hamutuk ho AL/CPI husu pagamento ba TAD,



(ii) Materiais hotu nebe mak bele sosa diretamente husi loja, husu vendedores no sei presiza koleta kotasaun TOLU senokazu presu kada sasan as liu $500 (senokazu labele hetan Kotasaun tolu entaun tenke halo justifikasaun ida) no sei hili presu nebe mak baratu liu. Karik material balun sosa diretamente husi komunidade, entaun ida ne'e sei esplika ho karta ruma no recibos originais (hare'e esplikasaun formatu nebe iha anexo11).



(iii) Kada KIK bele husu to'o 60% husi valor estimasaun total projetu nian atu bele adianta ANTES komesa implementa-saun wainhira dokumentus hirak hanesan tuir mai ne'e prepara no asina tiha ona:



• Kontrato Komunidade Lokal (anexo 1)

• Dezenho no spesifikasaun (anexo 3)

• "kustu estimativa" nebe mak simplifika ona (anexo 4)



(iv) Wainhira CPI prepara authorizasaun pagamento no TAD prepara pagamento (VP), sira tenke uza formatus financas nebe iha tuir Regulamento Financas nomos termus de entrega nebe mak parte interesadu importante sira hotu tenke asina (hanesan iha anexo 3)

(v) Wainhira KIK fisikamente implementa tiha ona 60% sira tenke informa AL/CPI no tekniku CPI tenke halo relatorio Sertifikasaun de Kompletasaun;



(vi) AL bele authoriza segunda no terzeira parte hosi orsamento projeto nia no taka projeto senokazu dokumentos tuir mai entrega ona ba TAD:



• Sertifikasaun de Kompletasaun AL/CPI (60% ka 100%)

• Relatorio progresu

• Livru Caixa

• Recibos originais (se loja la iha recibos - favor uza formulariu nebe hanesan iha anexo 7)

• Lista trabalhadores (asinaturas tenke iha) tuir lista presenza atual;



(vii) Ida ne'e responsabilidade Tezoreiro KIK nian atu prepara relatorio financa, maibe Presidente KIK mak hanesan responsabilidade ultimo ba osan no submete relatorio financas ida ne'e submete ho dokumentus suporta hotu iha anexos. Senokazu dokumentus ruma la kompleto, sei laiha pagamento ba fase tuir mai.



Mais ou menus prosesu tuir horario pagamentu mak hanesan tuir mai:





F.2.2 Prosesu financas ba projetos $5.001.00 ba leten



Iha termus Kontraktu KKL, dalan tuir mai ne'e mak aplika:



(i) KIK desenvolve horariu pagamento ba materiais, kustu transporte, kustu ba tabalhadores no badaen. Basea ba ida ne'e KIK sei hamutuk ho AL/CPI husu pagamento ba TAD.



(ii) Materiais hotu nebe mak bele sosa diretamente husi loja, husu vendedores no sei presiza koleta kotasaun TOLU. Senokazu presu kada sasan as liu $500 (senokazu labele hetan Kotasaun tolu entaun tenke halo justifikasaun ida) no sei hili presu nebe mak baratu liu. Karik material balun sosa diretamente husi komunidade, entaun ida ne'e sei esplika ho karta ruma no recibos originais (hare'e esplikasaun formatu nebe iha anexo).



(iii) Kada KIK bele husu to'o 40% husi valor estimasaun total projetu nian atu bele adianta ANTES komesa implementa-saun wainhira dokumentus hirak hanesan tuir mai ne'e prepara no asina tiha ona:



• Kontrato Komunidade Lokal (anexo 2)

• Deskrisaun no horariu Serbisu no kustu (anexo 4)

• Dokumento implementasaun tekniku (anexo XXX)



(iv) Wainhira CPI prepara authorizasaun pagamento no TAD prepara pagamento (VP), sira tenke uza formatus financas nebe iha tuir Regulamento Financas nomos termus de entrega nebe mak parte interesadu importante sira hotu tenke asina (hanesan iha anexo 3)

(v) Wainhira KIK implementa (40%-40%-20%) fisikamente tiha ona sira tenke informa AL/CPI no tekniku CPI tenke halo relatorio Sertifikasaun de Kompletasaun;



(vi) AL bele authoriza segunda no terseira parte husi orsamento projeto nia no taka projetu senokazu dokumentos tuir mai entrega ona ba TAD:



• Sertifikasaun de Kompletasaun AL/CPI (40%-40% ka 20%)

• Relatorio progresu

• Livru Caixa

• Recibos original (se loja la iha recibos - favor uza formulario iha anexo 11)

• Lista trabalhadores (asinaturas tenke iha) tuir lista presenza atual;



(vii)Ida ne'e responsabilidade Tezoreiro KIK nian atu prepara relatorio financa, maibe Presidente KIK mak hanesan responsabilidade ultimo ba osan no relatorio financas ida ne'e submete ho dokumentus suporta hotu iha anexos. Senokazu dokumentus ruma la kompleto, sei laiha pagamento ba fase tuir mai.



Mais ou menus prosesu tuir horario pagamentu hanesan tuir mai:





G. Sansaun:



Osan nebe mak fo ba atu implementa KKL ne'e osan estado nian no karik iha mal administrasaun ruma/ uza sala sei foti medidas nebe mak seriu. Sansaun tuir mai ne'e mak sei aplika karik iha osan ruma mak lakon, senokazu KIK la bele responsabiliza ba osan nebe mak adianta tiha ona liu husi recibos ou karik sira la submete relatorio financas ikus nian (relatorio taka nian):



• CPI informa ba authoridade kompetente atu halo investiga-saun (distrito ou nasional)

• Submete ba prosesu judicial sekarik la bele resolve iha lokal tuir rekomendasaun husi CPI no ekipa audita,

• Senokazu KIK hetan ona failhansu ruma ou iha ona kazu pendente iha Tribunal, Suco nebe mak refere sei la simu tan osan ba Ano Fiscal tuir mai liu husi Fundus AL nian.



H. Tezoreiro Nivel Distrito no Nasional



Kada pagamento ida-idak, TAD iha distrito ida-idak sei relata konaba pagamento hirak ne'e hamutuk ho despezas regular nian. TAD tenke hatama dokumentus suporta hotu nebe mak rekere ba kada pagamentu ida-idak no hato'o mos kopia husi Kontrakto KKL nian, relatorio tekniku, recibos materiais nian, lista trabalhadores sira simu salario nian nebe mak asina tiha ona, etc.

Karik, iha paragrafu, artigu no/ou liafuan balun iha matadalan ida ne mak la tuir ona kondisaun iha periodo ida, Direcao Nacional Desenvolvimento Local e Ordenamento do Territorio mak sei responsabiliza hodi halo modifikasaun necesario atu nune bele implementa ba KKL iha Distritos PDL sira.



Dili, 12 de Março de 2009



Aprova husi,





Dr. Arcângelo Leite

MINISTRO