REPÚBLICA DEMOCRÁTICA DE TIMOR-LESTE

Directiva

4/2010

Regulamento aprovisionamento ne'e define regras no prosedimentos nebé Assembleias Distritais sira sei aplika iha aprovisionamento ba bens, obras, no serviços hotu-hotu nebé financia liu husi Fundo Desenvolvimento Lokal. Directiva Ministerial No. 3/2010 Revizaun - MAEOT tenki ser lee hanesan adisional ba regulamento dadauk ne'e.



Artigu 1:

Objetivo husi Regulamento



Objetivo husi regulamento dadauk ne'e maka atu promove:



(a) Ekonomia no eficiensia iha aprovisionamento, no hetan valor diak ba despeza publiku;

(b) Kompetisaun no enkoraza fornesedores, kontraktores no konsultores sira nebe kualifikado hodi partisipa iha prosesu aprovisionamento;

(c) Tratamento ida que justo no hanesan ba ofertadores hotu;

(d) Integridade, imparsialidade no fiar husi publiku iha prosesu aprovisionamento;

(e) Tranparensia iha prosedimento relasiona ho aprovisiona-mento.



Artigu 2

Definisaun



Ho objetivo atu hetan kompresaun komun konaba termos oficiais nebé uja iha regulamento ida ne'e, definisaun tuir mai ne'e fornese:



"Autoridade nebé Aprova" maka Sekretariu Ezekutivu Assembleia Distritu no Direktur Nasional Admnisitrasaun no Finansas, MAEOT.



"Autorizasaun de Pagamento" signifika projeto nain, ou reprezentante projeto nain, reve ona prosesu no dokumentus suporta relasiona ho pedido de pagamento, e autoriza pagamento ne'e tuir prosedimento no regulamento financeiro.



"Ofertante" signifika, kualker participantes ou participante pontensiais iha prosesu aprovisionamento.



"Dokumentos oferta signifika dokumentos aplikasauan husi ofertantes ou dokumentos seluk nebe hodi husu oferta ou kotasaun para hato'o (presta) bens, obras no serviços, serviços konsultoria ou serviços teknikas.



"Serviço konsultória" signifika serviços nebe ho natureza intelektual ou asesoria, halao husi individual ou kompania ruma nebé iha espesialidade no esperiencia nebé rekere.



"Formulario Komitemento no Pagamento (FKP)" signifika dokumentos nebé utiliza hanesan autorizasaun komitemento ba despeza husi fundos nebé apropriado hodi sosa Bens, Obras no Serviços.



"Autoridade Designado ba Pedido de Pagamento" signifika autoridade reprezentativo nebe designa husi AD. TAD sei halao nia funsaun hodi MAEOT nia naran nudar Tesoureira Distrito.



"Bens" signifika objeto husi kualker sasan no descrisaun inkluindo material-prima, produtos no ekipamentos.



"Aprovisionamento" signifika aquijisaun husi kualker metodo bens, konstrusaun, serviços konsultoria ou serviços teknikas.



"Kontratu Aprovisionamento" signifika akordo entre entidade compradora no fornesedor ou kontrator ida hodi hetan bens, obras ou serviços nebé resulta husi proseso aprovisionamento.



"Entidade Compradora" signifika Comisaun Planeamento no Implementasaun Distrito (CPI-D). Ba qualquer kontrato nebé kusta liu US$ 15,000, Diresaun Nasional Administrasaun no financas, MAEOT, tenki ser sai nudar Entidade Compradora..



"Projeto" siginifika kualker actividades espesífkada nebé hakerek iha AD sira nia plano investimento.



"Projeto Nain" signifika Assembelia Distrito (AD)



"Supervisor Projeto" signifika ema nebé selesionado ou ema nebé hatudu husi AD atu supervisiona implementasaun projeto hodi AD nia naran nudar projeto nain.



"Requisição de Compra (RC)" signifika pedido hodi sosa kualker sasan, konstrusaun, serviços konsultoria ou serviços teknikas, no pedido ne'e sei hahu prosesu aprovisionamento.



"Fornesedor ou Kontraktor" signifika, kualker grupo potensial ou grupo ida nebe halo kontrato ho entidade compradora.



"Vendedores" signifika grupo potensial ida nebe halo Kontrato ho entidade kompradora. Ida ne'e refere ba fornesedor no kontraktores.



"Obras" signifika aktividades hotu-hotu nebé relasiona ho konstrusaun, rekontrusaun, harahun, hadia ou halo foun edificaçâo, estrutura ou obras hanesan preparasaun fatin, kee rai, konstrusaun, edificaçâo, instalasaun ekipamentos ou materiais, decorasaun no finalisa.



Artigu 3

Inisio husi Aprovisionamento ba Bens, Obras no Serviços



Atu hahu prosesu aprovisionamento ida ba bens, obras no serviços, projeto nain tenki aprova serbisu neé iha sira nia Plano Investimento Anual.



Segundo, aprovisionamento konaba bens, obras no serviços tenki liu husi preparasun Requisição de Compra (haree Financa AL 11 - Requisição de Compra) - nebe assinado husi membrus Komisaun Financeira Assembleia Distrito, nebe sei haruka ba TAD hodi komete fundus . TAD depois sei haruka ba CPI hodi prepara Dokumentos Konkursu.



So wainhira Requisição de Compra prepara ona tuir alokasaun fundos, no hetan ona komitementu husi TAD mak depois prosesu aprovisionamento bele hahu ona hanesan defini iha regulamentu ida ne'e.



Artigu 4

Entidade Compradora



CPI Distrito maka responsabiliza konaba preparasaun Plano Aprovisionamento no dokumentos concurso hotu nebe husu husi AD ba aprovionamento bens, obras no serviços hotu-hotu;



Kualker kompras nebé estimada ho valor (folin) menus husi ou hanesan ho $15,000, CPI Distrito tenki ser sai entidade Compradora.



Kualker kompras nebé estimada ho valor aas liu $15,000, Diresaun Nasional Administrasaun no financas, MAEOT, tenki ser sai entidade compradora ba kompras AD hotu-hotu nebe relevante (hare Artigu 29 iha Regulamento ida ne'e).



Sumariu ida konaba autoridade hosi aprovisionamento, bele hetan iha tabela 1



Tabela 1: Autoridade Kompetente ba Aprovisionamento





Bazea ba rekomendasaun husi Comisaun Concurso Lokal, CPI-D sei hodi AD nia naran halao akordu kontratual ida ho kontrator/vendedor/konsultor nebé selesionado.



Entidade Compradora tenke responsabiliza ba jestaun Kontratu ne'e to'o ramata e entrega aset (sasan) ne'e ba iha projeto nain.



Artigu 5

Comisaun Concurso Lokal (CCL)



Comisaun Concurso Lokal (CCL) sei hari iha nivel Distrito.

Comisaun Concurso Lokal tenki AD sira maka hari atu garantia avaliasaun ida que transparente no kompetitivo no prosesu selesaun ba projeto Distrito konaba aprovisionamento hotu-hotu ba bens, obras no serviços nebé valor husi US$200 - US$15,000.



CCL tenki toma responsabilidade tomak ba avaliasaun no selesaun ofertantes no ba oferese Kontratu tuir regras no prosedimento nebé hato'o liu hosi regulamento ida ne'e.



Comisaun Concurso Lokal tenke kompostu husi:



Tabela 2 1: Kompojisaun CCL











Membro votantes permanente assembleia nian tenki nomeia kandidatu nain rua husi membro votantes hodi reprezenta assembleia iha CCL. CPI tenki nomeia staf tekniku ida ba CCL hodi garantia "tau matan" tekniku ba prosesu.



Papel assembleia nian mak fo aprovasaun ba komposisaun CCL. Maibe, karik iha mudansa ruma iha komposisaun ne'e iha fase ikus liu durante prosesu aprovisionamento,Entidade Compradora hamutuk ho reprezentante nain rua husi membro votantes tenki halo remata e imforma tuir buat nebé maka akontese ba AD.



Membro CCL nebé hili husi AD sei aponta deit ba iha tinan ida (1) dala ida.



AD tenki aponta sira nia reprezentante iha 1 de Janeiru kada tinan. Ema sira nebé aponta ne'e sei serbisu iha sira nia Comisaun Concurso Lokal durante tinan ida tuir Ano Fiskal Governo Timor-Leste nian.



Naran husi reprezentantes assembleia nebé aponta ne'e tenki publika e taka iha kuadru informasaun ofisial publiku.



Investimento hotu-hotu nebe atu fo benefisio ba komunidade, Chefe de Suco husi Suco sira nebé hetan benefisio ne'e tenki konvida - nudar observadores - atu atende Comisaun Concurso Lokal nia evento avaliaasaun Oferta (so para partisipa iha avaliasaun lista revista ba kualifikasaun administrativa no teknika konaba dokumentus lisitasaun - anexo 4) .



• Atu sosa bens no serbisus nebe ho valor menus husi US$ 200 ho objetivo hodi halao serbisu nebe relasiona ho tarefas administrativa AD nian, Secretário Executivo AD bele autoriza pagamentus sem liu husi CCL. Bens no serbisu hirak ne'e inklui:Despezas relasiona ho fotokopia dokumentos enkontro Assembleia ninian



• Asembleia Lokal(Viajem no Konsumu)



• Subsidios de presenca Lokal

• Stasionariu



Artigu 6

Metodo Aprovisionamento



Entidade Compradora tenki sosa bens, obras no serviços liu husi lansamento Concurso, halao tuir (sujeito ba) exepsaun hato'o iha Artigu ida ne'e.



(i) Konvite ba Concurso - rekere Entidade Compradora anunsia konvite concurso liu hosi advertisemento iha media publiku e/ou kuadru informasaun publiku. Ba serbisu konstrusaun, so kompania hirak , nebé iha numeru registrasaun negosio, numeru identifikasaun imposto/taxa (TIN), e selu hotu ona ninia obrigasaun taxa maka bele submete concurso nebé kola metin. Karik metodu aprovisinamento ida ne utiliza ona e falha dala rua hodi hetan fornesedores ou kontraktores ruma, entidade kompradora bele desidi hodi utiliza metodo aprovisiomento fonte ida deit. Karik metodo aprovisionamento ida deit ne mos falha, entidade kompradora bele desidi hodi utiliza metodo aprovisiona-mento Kontratu Komunitaria.



(ii) Concurso Limitadu - senukazu projeto ninia kompleksidade ne'e limite (ladun kompleksu), valor liu husi US$ 200 e menus hosi $1,000, e nia natureza urgente, Entidade Compradora bele utilisa Concurso Limitadu hanesan sira nia metodo aprovisionamento ida ke prefere. Ida ne'e rekere Entidade Compradora sira atu husu kotasaun no kolekta minimu kotasaun tolu (3) husi kontraktores ou fornesedores sira nebé permitido atu prepara sira nia kotasaun. Maski nune'e, pedidu konaba kotasaun ida ne'e mos tenki publika iha fatin publiku nebé diferente. Iha kasu hirak nebé la iha posibilidade atu kolekta kotasaun tolu, Entidade Compradora tenki prepara justifikasaun ida hodi uja metodo aprovisionamento fonte ida deit.



Iha metodo aprovisonamento basiku hat. Metodo hirak ne'e sumariza iha tabela 3:



Tabela 3: Metodo Aprovisionamento









Determinasaun konaba metodo aprovisionamento ida nebé maka atu uja/halo tuir, Entidade Compradora tenki ba dala uluk kategoriza tipo do bens ou serviços/obras nebé maka buka atu sosa. Iha tipo do bens ou serviços/obras tolu:

Bens no material - kategoria ida ne'e refere ba sasan nebé fabrika tiha ona e la presija fatin-serbisu. Exemplo konaba bens no material inklui, entre sira seluk:



• Fornesimentu (exemplo; stasionario, seluk tan)

• Livru texto eskola no material edukasaun nian (exemplo; meja, kadeira, seluk tan)

• Equipamento mediku (konjelador, jaleira, kama, seluk tan)

• Ferramento diversos (exemplo; demonstrasaun, karosa, seluk tan)



Bens no serviços relasiona ho Konstrusaun - kategoria ida ne'e inklui bens no serviços hotu-hotu nebé relasiona ho fatin konstrusaun, reparasaun, manutensaun ou melhoramento/progresu. Exemplo konaba bens no serviços relasiona ho konstrusaun ne'e inklui, entre sira seluk:



• rehabilitasaun/konstrusaun infraestrutura transporte (dalan, ponte, seluk tan)

• Kontrusaun Eskolas no Centro Saude

• Instalasaun sistema bee hemu/moos

• Rehabilitasaun/konstrusaun sistema irigasaun



Serbisu teknika no konsultoria profesionais - kategoria ida ne'e inklui asistensia hotu nebé iha relasaun ho aspekto tekniku infraestrutura no prestasaun do serviço. Exemplo inklui, entre buat seluk:



• Dezenho no kustu projeto;

• Halo estudu viavelidade;

• Survey;

• Supervizaun teknika konaba obras no implementasaun;

• Exersisiu treinamento.



Desizaun final konaba metodo aprovisionamento ida nebé maka Entidade Compradora tenki tuir depende ba tipo bens no serviços/obras nebé maka hetan tiha ona NO sasan hirak ne'e nia kustus. Tabela tuir mai ne'e fornese sumariu konaba ida ne'e:



Tabela 4: Metodo Aprovisionamento ba tipo bens no serviços/obras nebé diferente depende ba iha kustus maximu (US$)







Artigo 7

Selesaun Metodo Aprovisionamento fonte ida deit



1. Aprovisionamento bele realiza atraves husi negosiasaun ho fornesedor ida deit nebe mak selesionadu ona husi entidade kompradora, iha kaju sira nebe mak tuir mai ne:



a) Kaju urjente nebe mak bele for risku ba saude públiku e seguransa, nebe mak resulta husi eventu nebe mak la preve antes atu akontese;

b) Wainhira prosedimentos Komvite ba Oferta falha dala rua (2) hodi rekomenda kontrato ba kontraktores sira tamba ofertantes qualifikadus sira nian ofertas la aseitavel nomos la priense kriteria hateten iha dokumentu lisitasaun.



c) Wainhira só iha deit fornesedor ida, tamba:



• Sasan ou serbisu só bele fornese husi entidade espesífiku ida nomos wainhira laiha alternativus razoavel seluk iha merkadu; ou



• Kontratu ne para fornesimento addisional ba sasan no serbisu nebe mak intende hodi troka parte ou hodi extende ou serbisu kontinua ba equipamento existente, "software", serbisus ou fasilidades.



Artigo 8

Kontratu Komunidade



1. Kontratu Komunidade bele utiliza ba aprovisionamento obras nebe mak nia valor to'o US$ 10,000, wainhira:



a) Komvite ba Oferta utiliza ona dala rua (2) no laiha oferta ida mak simu husi ofertantes qualifikadus sira;



b) Komunidade Lokal sira hakarak hodi forma Komisaun Implementasaun Lokal ho chefe nomo ofisial finansas ida nebe mak eleitu, hodi implementa obras;



c) Natureza husi obras ne katak obras ne bele implementa husi komunidade lokal ho assistensia husi supervisor tékniku;



2. Kontratu komunitariu bele mos utiliza hodi sosa obras nebe mak nia valor menus husi US$ 5,000 sem liu husi prosedimentos aprovisionamento Komvite ba Oferta.



3. Ministério de Administrasaun Estatal e Ordenamento do Território sei hasai matadalan ho detalhos hodi regula prosedimentus ba aprovisionamentu liu husi Kontratu Komunitariu.



Artigu 9

Monetario limiar nebé aplika ba aprovisionamento



Entidade Compradora labele halo divisaun falsu ba bens, obras no serviços ho intensaun atu hases aan hosi monetario limiar nebé hatur iha regulamento ida ne'e. .

Artigu 10

Dokumentos Lisitasaun



Entidade Compradora, hanesan CPI, maka responsabiliza konaba preparasaun plano concurso no dokumentus lisitasaun hodi compras obras, bens, no serviços.



Entidade Compradora bele hetan mos ajuda tanto hosi konsultores tekniku Lokal e/ou Departamento Obras Publika iha preparasaun dokumentos oferta no plano concurso. Maski nune'e, responsabilidade final iha nafatin assembleia nudar projeto nain atu asegura katak preparasaun nebé nesesita halao ona.

Dokumentos aprovisionamento hotu nebé tenki uja maka formatus nebé standariza husi Divisaun Nasional do Aprovisionamento e fornese iha anexo regulamento ida ne'e.



(i) Aprovisionamento ba obras ki'ik



Dokumentus hotu nebé relasiona ho aprovisionamento obras ki'ik bele hare iha anexo 1 regulamento ida ne'e. Dokumentus Lisitasaun tenki konsiste parte tolu:



(a) Plano Concurso:



• Plano/horario concurso (Apropvisionamento 1 - Plano/Horario Concurso)



(b) Dokumentos Lisitasaun (Aprovisionamento 2 - Pedido para Kotasaun - ba Obras ki'ik):



• Pedido para Kotasaun/Konvite ba oferta (Seksaun - Konvite);

• Instrusaun Concurso (Seksaun 1);

• Dokumentus Kotasaun (Seksaun 2);

• Kondisaun jeral Kontratu (Seksaun 3);



(c) Relatorio Evaluasaun konaba Obras (aprovisionamento 3 - Relatorio Evaluasaun konaba Obras)



Dokumentus oferta tenki halo disponivel ba ofertante interesantes hotu-hotu, liu husi pedido. Entidade Compradora so bele kobre osan ba dokumento ida nebé refleta kustus imprimu no distribuisaun dokumentus lisitasaun.



Entidade Compradora tenki rai lista konaba kontraktores sira nebé husu dokumentos lisitasaun, nebé tenki inklui presu total nebé kontraktor sira selu hodi simu dokumentos hirak ne'e (Aprovisionamento 3 - Relatorio Evaluasaun konaba Obras anexo 1)



(ii) Aprovisionamento ba bens no serviço relasionado



Dokumentos standar hotu-hotu nebé relasiona ho aprovisiona-mento konaba bens no serviços bele hetan iha anexo 2 iha regulamento ida ne'e nia laran. Pedidu konaba kotasaun dokumentos tenki konsiste parte rua:



(a) Pedidu konaba Dokumentos Kotasaun (Aprovisionamento 4 - RFQ Bens no Serviços)



• Pedido konaba kotasaun

• Dadus kotasaun

• Horario Fornese

• Kotasaun Fornesedor (Artigu 4)

• Carta de Aceita

• Kondisaun Kontratu



(b) Relatorio Evaluasaun konaba bens no serviços (Aprovisio-namento 5 - Relatorio Evaluasaun Bens)



(iii) Aprovisionamento Konsultor Tekniku/ Staf Temporario:



Aprovisionamento konaba konsultor tekniku/staf temporario nebé valor menus husi $3,000 ba nivel Distrito tenki uja dokumentos hirak tuir mai ne'e: Dokumentos standar hirak nebé relasiona ho aprovisionamento konsultor bele hetan iha anexo 3 iha regulamento ida ne'e nia laran (Aprovisionamento 6 - EdI Konsultan/Staf Temporario)



Pedidu konaba dokumentos Ekspresaun do Interese tenki konsiste seksaun tuir mai ne'e:



• Pedido konaba Carta Ekspresaun do Interese (EdI) (Artigu 1);



• Termos da Referensia ba konsultor (Artigu 2);



• Formatu Exemplo CV (Artigu 3);



• Relatorio Evaluasaun para selesaun Serviço Konsultoria (Artigu 4);



• Kontratu (Artigu 5).



Rekrutamentu ba konsultor tekniku/staf temporariu halao liu husi fase avaliasaun CV no intervista profesional.



Artigu 11

Submissaun Oferta/EOI



Oferta tenki submete eskritamente, original ida no kopia ida hatama iha emvelope rua ne'ebe separado assina no kola metin. Emvelope rua ne'e tenki submete hamutuk iha envelope liur ida ne'ebe kola metin.



Entidade Compradora tenki termina loron ikus konaba submisaun oferta/EOI. Konvite konaba periodo oferta menus liu tenki semana rua (2) e labele liu husi semana haat (4), toma konsiderasaun ba realidade aprovisionamento no tempo nebé presija hodi prepara oferta/EOI.



Kualker oferta/EOI nebé simu idepois loron ikus nebé anuncia tiha ona ba submisaun labele loke e tenki fo fila fali ba fornesedor/kontraktor nebé submete oferta ne'e. 'Ofertante' ne'e tenki automatikamente diskualifikadu husi prosesu concurso.



Ofertante ida-idak so bele submete kotasaun ida (1) deit.



Kuando Entidade Compradora bele prova katak ofertante ida submete kotasaun liu ida, tanto diretamente ka liu husi kompania seluk nia naran, ofertante ne'e labele simu atu partisipa iha prosesu concurso.



Artigu 12

Proteksaun oferta/oferese



Submisaun oferta hotu-hotu nebé kola metin tenki ser rai hela iha Administrador Distrito ninia eskritorio ho ninia supervisaun to'o oferta lansa publiku.



Artigu 13

Lansamento Oferta



Entidade Compradora tenki loke publikamente oferta ne'e iha tempo no fatin nebé indika tiha ona iha dokumentos oferta. Tempo atu loke oferta ne'e tenki hanesan ho loron ikus submisaun oferta.



Presidente da Comisao Concurso Lokal tenki dirije (halo konta) prosesu lancamento oferta ne'e.

Envelope hirak nebé kola metin ne'e tenki revista tiha lai idepois maka loke ida por ida.



Entidade Compradora tenki lee sai no hakerek hela naran no dirasaun ofertador sira nian, oferta nia valor/folin no proposta horario implementasaun iha lansamento oferta. Lista nebé hakerek hela durante lansamento ne'e tenki disponivel ba ofertantes (ofertador) sira hotu liu husi pedido, e tenki hatama ba iha lista prosesu aprovisionamento (Aprovisionamento 3 - Relatorio Evaluasaun konaba Obras anexo 2).



Ofertantes ou sira nian reprezentante dalaruma bele atende lansamento oferta. Lista prezensa konaba ofertador ou sira nia reprezentante nebé atende lancamento tenki rai hela (Aprovisionamento 3 - Relatorio Evaluasaun konaba Obras anexo 3).



Entidade Compradora tenki fo fila fali oferta hirak nebé simu depois de tempo submisaun liu ona e la loke.



Artigu 14

Rejeita Oferta Hotu-hotu



Entidade Compradora dalaruma bele rejeita oferta hotu-hotu iha tempo nebé deit antes de aseitasaun ba oferta (fo Kontratu) sein hamosu liabilidade ruma ba iha kontrator sira nebé afeta ou obrigasaun ruma atu informa kontraktor sira nebé afeta konaba razaun desizaun Entidade Compradora sira nian.



Entidade Compradora ho situasaun hirak ne'e tenki fo informasaun konaba rejeisaun ba oferta hirak ne'e ba ofertador hotu-hotu.



Artigu 15

Avaliasaun Oferta



Comisaun Concurso tenki avalia oferta tuir kriteria nebé hakerek iha regulamento ida ne'e, e iha mos dokumentos oferta.



Comisaun Concurso tenki rejeita oferta nebé iha deviasaun materiais husi rekeremento nebé tau iha dokumentos oferta.



Avaluasaun ba Oferta nebé satisfas tenki halo hanesan tuir mai ne'e:



Comisaun Concurso tenki revista karik oferta sira nebé simu ona ne'e kumpri hotu ona rekerementos administrativa no teknikus nian, kualifikasaun no spesifikasaun nebé sublina iha dokumentos oferta, sein hare ba oferta nia presu/folin (Aprovisionamento 3 - Relatoriu Avaliasaun konaba Obras Ki'ik anexo 4). So oferta nebé satisfatoriu tuir rekerementus spesifikasaun iha dokumentu lisitasaun maka tenki ser konsidera ba avaliasaun tuir mai.



Comisaun Concurso tenki avalia oferta hirak nebé teknikamente aseita basea ba presu/folin. Maski nune'e, Comisaun Concurso tenki diskualifika oferta ida nebé ninia variasaun liu 10% husi presu nebé avalia konaba projeto nia folin. Oferta nebé submete ho presu nebé 10% menus husi presu evaluasaun projeto sei konsidera la-satisfas, tamba ho hanoin ida katak kontrator ne'e sei labele hetan spesifikasaun no qualidade nebé indika iha dokumentos konkursu nia laran.

Oferta ida nebé teknikamente bele aseita no presu kik liu iha margina 10% sei eskoila hanesan oferta nebé suksesu.



Artigu 16

Aprovasaun Prosesu Selesaun



Idepois de kompleta tiha prosesu avaliasaun oferta, Comisaun Concurso tenki submete sira nia Relatorio Avaliasaun nebé inklui avaliasaun oferta nian no rekomendasaun ba Entidade Compradora hodi halao avaliasaun procedural/prosedimental konaba prosesu concurso.



Entidade Compradora LABELE notifika ou oferese ba ofertador/kontraktor ida nebé susesu antes Secretario Executivo Assembleia Distrito, ou Director DNAF wainhira aplikavel, confirma no aprova ona katak prosesu ne'e halao loos ona tuir prosedimento nebé hakerek iha regulamento ida ne'e, e antes funsionario sertifikador sertifika ona disponibili-dade fundos. Konfirmasaun ida ne'e afirma liu hosi assina Relatoriu Avaliasaun.



Kuando Secretario Executivo, ou Director DNAF wainhira aplikavel, la aprova rekomendasaun husi Comisaun Concurso, nia tenki hato'o resposta por eskrita ida no justifika ninia desisaun. Se akontese hanesan ne'e CCL presiza reve fali prosedimentus aprovizionamentu tuir resposta eskrita e submete fali ba Sekretariru Ezekutivu ou Diretur DNAF hodi fo aprovasaun.



Presidente Comisaun Concurso tenki submete Relatorio Avaliasaun no informasaun final konaba konkurso ba AD iha encontro tuir mai depoisde completa tiha prosesu concurso.



Artigu 17

Oferese Lokal no Kontratu



Kontraktor nebé nia kotasaun aseita tiha ona, tenkiser notifikadu ne'e husi Entidade Compradora konaba oferese antes kotasaun ninia durasaun ramata, liu husi karta aseita karta ne'e sei hakerek quantidade oferese (premiu) nebé Entidade Compradora tenki selu tuir Konsiderasaun ba ezekusaun no kompletasaun serbisu nian hanesan hakerek iha contratu laran.



Kuando Oferese (premiu) ne'e kontraktor aseita ona, akordo ida sei assina hamutuk ho ofertador nebé sucsesu. Kontratu ne'e sei especifika termos no kondisaun hirak nebé hodi oferese Kontratu ne'e, prosedimento selu nian no periodo retensaun.



Prosedimento nebé hanesan tenki ser aplika wainhira kontratu konsultor tekniku/staf temporario.



Kopia ida husi Kontratu ne'e sei haruka ba Tesouraria Administração Distrito nian atu permite ba examina fali konaba sertifikasaun ba pagamento oin mai.



Artigu 18

Notifikasaun Publiku konaba Oferese Kontratu



Entidade Compradora tenki publika informasaun ida konaba 'premiu' aprovisionamento hotu-hotu, inklui Kontratu ba comunidade sira, kuando Kontratu nia presu ne'e liu US$200.



Informasaun ne'e tenki indika naran no dirasaun ofertador sira nebé susesu no presu Kontratu nian.

Informasaun ne'e tenki inklui mos oferta hirak nebé la-selesionado nebé simu tiha ona, indika kontrator/fornesedor sira nia naran no presu oferese, nomos rajaun tanba sa la selesionado.



Informasaun ne'e tenki publkika iha kuadro informasaun governo nian, iha media Lokal karik disponibel, no fatin publiku sira seluk.



Artigu 19

Konflitu Interese



Membrus CDSD, AD, CPI ou membros Comisaun Concurso Lokal sira la permite atu partisipa nudar oferesedor iha prosesu aprovisionamento nebé regula liu husi regulamento ida ne'e. Comisaun Concurso labele oferese Kontratu ba membro ida husi instituisaun nebé mensiona iha leten.



Entidade Compradora labele oferese Kontratu aprovisiona-mento ida ba oferesedor ida nebé iha ligasaun nudar kompania permanente ou ramu/filial husi konsultor nebé toma responsabilidade ba preparasaun dokumentus nebé relasiona ho prosesu aprovisionamento ou atu halo supervisaun ezekusaun konaba Kontratu aprovisionamento ida.



Artigu 20

Supervisaun Teknika no Supervijaun Lokal



Ba investimento infrastrutura hotu-hotu, AD tenki halo aranjamento konaba supervijaun teknika.



Supervisores projeto no Comisaun Supervijaun Lokal tenki aponta ba investimentu infraestrutura ida-idak.



Artigu 21

Sertifikasaun ba Kompletasaun Serbisu



Kontraktor tenki notifika Entidade Compradora (Orientador Projeto) eskritamente wainhira serbisu ne'e kompleta tiha ona hamutuk ho fatura ida.



Ho notifikasaun ne'e, e idapois inspeksaun ba serbisu-fatin, orientador/es projeto tenki fo sai Sertifikasaun ba Kompleta-saun Serbisu (haree AL Financia 5) kuando nia (orientador) determina katak serbisu ne'e satisfatoriamente kompleta ona.



Kuando serbisu ne'e la satisfeito tuir kualidade no espesifika-saun nebé sublina iha Kontratu no dokumentu concurso nia laran, orientador projeto tenki informa ba Entidade Compradora. Idepois Entidade Compradora maka sei fo pedidu ba Kontrak-tor atu halo tuir ninia obrigasaun antes de Sertifikasaun ba Kompletasaun Serbisu bele fo sai.



Sertifikasaun ba Kompletasaun Serbisu ne'e tenki ser submete ba iha autoridade nebé designado atu husu pagamento hodi AD sira nia naran.



Artigu 22

Entrega Projeto



Projeto nain tenki foti (toma pose) fatin iha loron hitu (7) nia laran depois de supervisor projeto fo sai ninia Sertifikasaun ba Kompletasaun Serbisu.

Artigu 23

Autorizasaun de Pagamentos



Autorizasaun de Pagamentu tenki submete ba Tezoureiro Administrasaun Dirtrito (TAD) hodi halo pagamentu ba kontrator ou konsultor. Autorizasaun de Pagamentu tenki anexa ho relatorio kompletasaun serbisu no fatura husi kontraktor/konsultor, no dokumento suporta seluk nebé rekere.



Valor pagamento nebé autoriza tenki hanesan ho kuantidade nebé hakerek iha Kontratu laran.



Artigu 24

Periodo Defeitos de Liabilidade



Periodo Defeitos de Liabilidade tenki depende ba iha Obras, e tenke preve espesifikamente iha "Kondisaun Espesial" iha Kontratu laran.



Periodo Defeitos de Liabilidade tenki hahu iha kompletasaun obras, e aplika menus liu fulan tolu (3) e bele to'o tinan ida idepois de Sertifikasaun ba Kompletasaun Serbisu fo sai ona.



Orientador(es) projeto tenki fo informasaun ba Kontraktor konaba defeitos ruma antes Periodo Defeitos de Liabilidade ne'e ramata. Maibe, Periodo Defeitos de Liabilidade tenki prolonga wainhira defeitos ne'e seidauk hadia nafatin.



Kada tempo wainhira informasaun konaba defeito hato'o, Kontraktor tenki kurize defeito nebé notifika ona iha tempo hirak nebé espesifika husi orientador projeto iha ninia notifikasaun. Kuando kontraktor seidauk kurize defeito ne'e durante tempo nebé espesifika iha orientador ninia notifikasaun, orientador projeto sei avalia kustu nebé uja hodi hadia tiha defeito ne'e, e kontaktor tenki selu quantidade ida ne'e, ou Entidade Compradora tenki taka kuantidade ida ne'e hodi koa sai husi 10% nebé Entidade Compradora rai hela to'o Periodo Defeitos de Liabilidade ramata.



Artigu 25

Pagamento Adiantamento



Sei laiha pagamento adiantamento ba kualuer kompras ba bens, obras ou serviços, ho exepsaun ba kompras nebé menus husi $200 no ba AL sira nia kustus relasiona ho aktividades adminis-trativa no planeamentu. Prosedimento konaba adiantamento ne'e deklara iha Manual Financas.



Artigu 26

Terminasaun ba Kontratu



Entidade Compradora ou Kontraktor dalaruma bele termina Kontratu se entre parte ida akusa violasaun fundamental ba Kontratu. Violasaun fundamental ba Kontratu tenki inklui buat hirak tuir mai ne'e:



(a) Kontraktor para serbisu durante loron sanulu (10) wainhira serbisu parado ne'e seidauk autoriza husi Supervisor Projeto;



(b) Supervisor Projeto fo informasaun katak Kontraktor failha atu kurize defeito (sala) ida durante loron rua-nulu resin ida (21) nia laran hanesan determina ona husi Supervisor Projeto; no

(c) Kontraktor adia kompletasaun Obras durante loron tolu-nulu (30).



Maske hanesan fo sai ona iha leten, Entidade Compradora bele termina Kontratu ne'e tuir ninia conveniensia hodi fo informasaun eskrita iha loron tolu-nulu nia laran ba Kontraktor. Se Kontratu ne'e termina tiha ona, Kotraktor tenki hapara kedas serviço ne'e, halo fatin ne'e hakmatek e seguru, no husik hela fatin ne'e iha loron sanulu resin lima (15) nia laran husi kompletasaun periodo notisia.



Section 27

Dadus konaba prosesu aprovisionamento



Entidade Compradora tenki manten dadus no rai hela dokumentasaun prosesu aprovisionamento.



Aleinde buat hotu nebé espesifika ona iha fatin seluk iha regulamento ida ne'e, dadus ne'e tenki inklui:



a) Deskrisaun ida konaba objecto aprovisionamento (doku-mentus concurso ofisial hotu-hotu nebé prepara tiha ona);



b) Kopia oferta hotu-hotu nebé simu tiha ona;



c) Relatoriu Avaliasaun;



d) Lista ida konaba ofertador sira nebé partisipa no sira nia kualifikasaun;



e) Oferta nia presu;



f) Sumariu ida konaba Avaliasaun oferta;



g) Sumariu ida konaba resultado revista no desizaun ruma;



h) Deklarasaun ida konaba razaun hodi hili metodo aprovisio-namento se la lansa concurso ou husu propostas ba kotasaun;

i) Informasaun konaba diskualifikasaun ofertantes;



j) Buat seluk nebé dalaruma hakerek tiha ona iha MAEOT nia Diploma Ministerial ou Directivas.



Entidade Compradora tenki, tuir pedidu, halo dadus ne'e disponibel para uju ofisial no komprende depois de oferta ne'e aseita tiha ona.

Artigu 28

Formatus Ofisial



Formatus ofisial hotu-hotu ba dokumentus concurso, formatus avaliasaun, Kontratu no seluk tan nebé atu uja iha pasu hotu-hotu durante prosesu aprovisionamento ba Fundos Desenvolvimento Lokal bele hetan iha anexo 1 to'o 3 husi Regulamento ida ne'e, e hirak ne'e fo sai husi Divisaun Aprovi-sionamento Nasional RDTL.



Objetivo husi formatus hirak ne'e maka atu asegura legalidade husi Kontratu, transparensia iha prosesu aprovisionamento no halo tuir prosedimento, relatório no dokumentasaun.



Artigu 29

Papel husi Diresaun Nasional Administratsaun e Finansas, MAEOT



(a) DNAF fornese dokumentus padraun no lina orientasaun ba Aprovisionamento Lokal hotu-hotu, aleinde asesoria politika konaba kestaun prosedimental relasiona ho aprovisionamento Governo nian.



(b) DNAF tenki mos prepara no realiza posto-revista (revizaun iha tempu ikus) konaba prosesu aprovisionamento kada fulan nen.



(c) DNAF sai nudar Entidade Compradora Interino ba aprovi-sionamento ba bens, obras no serviços hotu-hotu nebé ninia valor liu US$15,000. Iha kaju hirak hanesan ne'e pasu hirak tuir mai ne'e tenki halo tuir:



(i) Plano concurso no dokumentos lisitasaun tenki ser prepara ona husi Comisao Planeamento no Implemen-tasaun husi projeto nain;



(ii) Dokumentus Lisitasaun ne'e tenki ser aprova husi Sek-retariu Executivu AD



(iii) Anunsia concurso iha nivel Distrito no Sub-Distrito laran tuir juridikasaun projeto nain;



(iv) Lansamento oferta iha nivel Distritu;



(v) Funcionariu Nivel Nasional minimu nain ida sei sai ha-nesan membrus Comisaun Concursu Lokal hodi halo avaliasaun ba oferta iha Distritu.



(vi) Aprovasaun Relatorio Avaliasaun Concurso husi Director DNAF;



(vii) Preparasaun Kontratu halo husi CPI.



(viii) Notifikasaun ba Kontrator nebé selesionado;



(ix) Aprova e assina Kontratu husi Sekretariu Executivu AD nudar reprezentante husi projeto nain,



(x) Assina kontraktu husi kontraktor nebé selesionado



(xi) Gestaun Kontratu adisional hotu-hotu (supervisaun, sertifikasaun husi obras nebé kompleta ona, no pagamento) sei sai responsabilidade husi projeto nain.



Aprova iha Dili, 10 de Maiu 2010



Atu publika,





Ministro da Administração Estatal e Ordenamento do Território







Arcângelo de Jesus Gouveia Leite