REPÚBLICA DEMOCRÁTICA DE TIMOR-LESTE

DESPACHO

23/MAP/VIII/2009

"Tane Agricultor Timor-Leste", mai husi politika ida ne'ebe IV Governo Konstitusional halo liu husi Ministerio da Agricultura e Pescas, tamba ne'e, MAP esforsu an maka'as atu bele implementa politika ne'e ho komitmentu ne'ebe nakonu ho esperitu ukun rasik an hodi bele tane agricultor Timor-Leste atu labele moris dependensia ba produsaun Agricola rai liur.



Ho hanoin hirak ne'e mak MAP usa simblu Tane Agricultor Timor-Leste ho nia kor verde sai hanesan simblu ida ne'ebe representa duni MAP no hodi hateten katak Ministeriu Agricultura e Pescas sei tane Agricultor no halo Timor-Leste sai hanesan Nasaun ne'ebe forti ho nia produto Agricolas sira.



Husi parte administrasaun publika Simbolo nee hanesan identidade MAP, nebe sai instrumentu kontrolo ba sasukat funsionariu nomos hanesan instrumentu ba transparencia ba publiku.

Implemeta politika governu nomos kria orgaun administrasaun nebe mak transparente. Abrigu ba Lei Organica MAP 18/2008, Ministro Agricultura e Pescas Deside Simbolo MAP hanesan tuir mai nee;



Artigu 1

Objecto



1. stipula simbolo propiro ba Ministerio Agricultura e Pescas



2. Intrumentu Tranparensia Publica



Artigu 2

Ambito



Despacho nee konaba Simbolo MAP nebe aplika iha MAP



Artigu 3

Simbolo



1. Liman Representa Povo Agricultor Timor-Leste;



2. Kafe no Ai Kameli Representa Produto Premeiru Klasifikadu iha Timor-Leste no nudar Produsaun Florestas iha Timor-Leste;



3. Batar no Hare Representa Produsaun Aihan iha Timor-Leste;



4. Manu Timor Representa Produsaun Pecuaria iha Timor-Leste;



5. Desenho kompleta Simbolo MAP iha aneksu.



Artigu 4

Signifikasaun



1. Liman signifika unidade Nacional hamutuk tane ita rai Timor Setor Agrikultura, Florestas, Pecuaria no Pescas nudar Setor ne'ebe inportante iha desemvolvimentu ekonomia nasional no redusaun povereza ; Refleta Unidade Nacional foliman ba malu atu hametin ukun rasik an



2. Mapa, Representa Ilas Rai Timor-Leste. Signifika katak Na-saun Timor-Leste riku ho produsaun Agricultura, Florestas, Pecuaria no Pescas;



3. Kor Verde Kabuar, Representa Esperansa Signifika katak produsaun local bele mos halo kompetisaun iha merkadu internasional hanesan, café, Ai-kameli, nst.;

4. Letra MAP ho kor Mutin, Reprensenta Esperitu Ukun rasik an, signifika katak liu husi Agricultura e Pescas ita bele afirma ukun rasik an sai hanesan nasaun sira seluk iha mundu.



Artigu 5

Uza simbolo



1. simbolo MAP tenki uza hanesan Kop karte, nebe forma hanesan ho simbolo RDTL, Simbolo MAP iha parte iskerda no Simbolo EDTL iha parte direita;



2. Uza ba vehikulo parte iskerda ho parte direita, para bele indika klaro konaba identidade MAP



3. iha uniforma MAP parte liman karuk



Dili, 28 Agustu 2009





Ministro Agricultura e Pescas





Eng. Mariano ASSANAMI Sabino







Aneksu : Logo MAP







































Dili, 28 Agustu 2009





Ministro Agricultura e Pescas







Eng. Mariano ASSANAMI Sabino