Matenek nain husi International Cooperation Department (ICD)-Ministério da Justiça Japão iha Timor Leste
Ministério da Justiça Japão foin lalais ne’e haruka nia matenek nain hamutuk ema nain 3 (Sra. Prof. Mikine Eto, Sr. Tone Shogo no Sr. Prof. Tsutomu Hiraishi) hodi mai vizita Timor-Leste nomos halo diskusaun hamutuk ho ekipa tekniku lejislasaun iha Direcção Nacional da Assessoria Jurídica e Legislação (DNAJL) durante loron 10. Programa ida ne’e hanesan parte ida husi kooperasaun bilateral entre Timor-Leste ho Japão iha seitor justisa.
SEKRETÁRIU Estadu Terras no Propriedade (SETP) Jaime Xavier Lopes iha loron Kinta, 20 fulan-Dezembru 2012 lansa enkontru komuitária iha Salau Parokia Remexio no iha loron Kinta, 27 fulan-Dezembru lansa mós programa hanesan iha Madebenu, Sub-distritu Laulara, Distritu Aileu hodi espika kona-ba prosesu foti dadus kona-ba rai komunidade sira nian.
Dili-Ministru Justisa Dionisio Babo akompania husi Vise Ministru Justisa Ivo Valente,Sekretariu Estadu Teras no Propriedade Jaime Xavier halo Natal hamutuk ho Funsionariu tomak husi Ministeriu Justisa hodi halo reflesaun no Avaliasaun ba servisu funsionariu tomak iha Minsiteriu Justisa nian neébe durante tinan 2012 nian laran, antes atu halo serimonia Natal hamutuk halo uluk misa agradesimentu iha Parokia Maria Auxiliadora Dom Bosco Comoro sexta (22/12) neébe prizidi misa husi Pr. Joao Aparicio.
