Dili-Ministru Justisa Dionisio Babo akompania husi Vise Ministru Justisa Ivo Valente,Sekretariu Estadu Teras no Propriedade Jaime Xavier halo Natal hamutuk ho Funsionariu tomak husi Ministeriu Justisa hodi halo reflesaun no Avaliasaun ba servisu funsionariu tomak iha Minsiteriu Justisa nian neébe durante tinan 2012 nian laran, antes atu halo serimonia Natal hamutuk halo uluk misa agradesimentu iha Parokia Maria Auxiliadora Dom Bosco Comoro sexta (22/12) neébe prizidi misa husi Pr. Joao Aparicio.

Iha Serimonia neé Ministru Justisa Dionisio Babo hateten katak Serimonia Natal hamotuk neé hanesan reflesaun no halo avaliasaun ba funsionariu tomak nia servisu durante neé iha Ministeriu Justisa nain laran,maske hasoru difikuldade barak maibe hanesan servidor estadu tenke hakas an nafatin hodi servi povu no nasaun ida neé.

“Hau (MJ) husu nafatin ba funsionariu tomak husi Ministeriu Justisa atu servisu makas liu tan iha tinan 2013 oin mai, funsionariu tomak atu hare malu hanesan familia boót husi Ministeriu nian laran atu lalika taka ba malu no fo hanoin nafatin servisu ba malu”dehan Ministru Justisa Dionisio Babo iha serimonia Natal hamutuk iha salao Dom Bosco Comoro Sexta (22/12).

Iha fatin hanesan Vise Ministru Justisa Ivo Valente hateten katak hau”Ivo” la iha buat diak ida mak atu fo ba imi fonsionariu tomak maibe hau hatoó deit hau nian Boas Festa Santo Natal e Feliz Ano Novo 2013 ba imi hotu hau fiar katak ho tinan foun ida neé ita hotu sei servisu ho diak hodi servi povu no nasaun ida neé.

Iha fatin seluk mos hanesan Sekretariu Estadu Teras no Propriedade Jaime Xavier iha nian mensajen hateten katak husu ba funsionariu hotu-hotu liu-liu funsionariu iha Sekretariu Estadu Teras no Propriedade nian neébe durante neé servisu hamutuk : "keta hau koalia lia fuan sala karik no la monu ba fusnsionariu nian laran karik hau husu deskulpa ita moris hanesan kriatura la ses husi sala."