UNDIL Assina Kontratu Arrendamentu ho MJ

ATU hetan akreditasaun iha tempu badak Reitór Universidade de Dili (UNDIL) Kinta (3/2) foin lalais ne’e assina kontratu de arrendamentu ho Governu Timor Leste liu hosi Ministeiru Justisa iha Gabinete Ministra Justisa Cai-Coli Dili.

Minsitra Justisa, Lúcia Maria Brandão Freitas Lobato hateten, assina kontratu Arrendamentu ne’e hanesan apoiu governu nian ba Universidade, tanba tuir regra universidade provadu sira tenki hetan akreditasuan hodi haree ba kualidade. Nune’e tuir Ministra maske UNDIL iha ona fatin rasik maibe tuir lei, sira tenki assina kontrau ho governu ba fatin ne’ebé sira uza durante tinan 10 nia laran.

Nia realsa mos katak, tuir regra wainhira sira la hetan kontratu ho governu durante tinan 10, sira labele hetan akreditasaun. Tanba ne’e governu liu hosi Ministeriu Justisa ajuda sira assina kontratu de arrendamentu ida ba fatin ne’ebé sira uza hodi harí Universidade ho tempu 10 hodi fasilita universidade refere bele hetan akreditasaun iha tempu badak nia laran, Hateten Ministra




Iha assina kontratu arrendamentu entre Governu liu hosi Ministeiru Justisa ho UNDIL ne’ebé assina hosi Reprezentante fundasaun BOAKRIL ne’e Ministra hateten, Maske sira (UNDIL-red) iha ona fatin rasik maibe presiza tempu atu kontroi sira nia edifisiu foun hodi bele fasilita estudante universidade rihun ba rihun ne’ebé estuda iha UNDIL.

Iha fatin hanesan Reitor Universidade de Dili (UNDIL) Antonio Cardoso hateten, tempo ne’ebé Ministra Justisa fo lalos prepara deit aan ba akreditasaun maibe fo oportunidade ba preparasaun finanseiru hosi universidade atu bele halao sira nia edifisiu foun.

“Ho tempu ne’ebé Ministeriu fo mai ami hanesan parte ida hanesan espasu ne’ebé fo mai ami atu bele identifika fatin ba ami hodi bele harí ami nia edifisiu rasik.” Nia hateten.

Fatin ne’ebé UNDIL hetan ona arrendamentu durante tinan 10 nia laran ne’ebé hahú hosi 3 de Fevreiru 2011 to’o 2 de Fevreiru 2022 kada fulan fundasaun BOAKRIL sei selu ba estadu ho valor orsamentu US$150,00.*






Ananias Babo Horta
Media Officer Ministeiru Justisa