MJ Hala’o Konferensia ba Funsaun no Responsablidade ho Funsionárius

MINISTERIO Justisa, Lúcia Lobato ho Vice Ministru Ivo Valente, Kinta-feira (16/12) foin lalais ne’e hala’o konferensia hodi deskute konabá funsaun no responsablidade hosi funsionáriu ministeriu justisa nian tomak.

Konferensia ne’ebé hetan partisipasaun maxmu hosi funsionáriu tomak ministeriu nian ne’e, ho oradores sira hosi UNMIT, Prezidente Komisaun Funsaun Públiku, Liborio Pereira, Komisariu ba Komisaun Anti Korupsaun Aderito de Jesus inklui mos direitór Jeral MJ, Francisco Cárceres no Inspektur Jeral MJ, Henriques Ximenes.

Iha konferensia ne’ebé hahú abertura hosi Ministra Justisa Lúcia Lobato ne’e, liu hosi ninia intervensaun ba funsionáriu sira hodi hateten, ne’e hanesan pasu importante ne’ebé preszia koalia hodi reforma administrativa.


Funsionáriu públiku tuir ministra, hanesan elementu ida inportante ne’ebé iha kontribuisaun ba nasaun foun Timor-Leste nian, nune’e funsionario sira tenki hatene saida mak sira nia estatuto no saida mak sira nia devere hanesan funsionáriu públiku.

Lúcia klarifika katak, konferensia kona ba funsionáriu públiku nian ne’e realiza tanba relevante ho politika governu nian atu kontinua nafatin koalia kona ba reforma, inklui mos reforma administrativa.

“Ita hotu hatene katak funsiunariu públiku hanesan elementu ida importante tebes iha konstituisaun nasaun ida ne’e. Tantu, funsionáriu públiku sira tenki hatene saida mak sira nia funsoens, saida mak sira nia deveres, saida mak sira nia direitu, no aumesmu tenpu sira tenki hatene kona ba sira nia reseponsabilidade, saida mak sei iha sekuandu sira lakumpri sira nia knar hanesan funsiunariu públiku,” afirma Lucia Lobato.

Lúcia hateten, konfernesia ne’e lori orador sira atu fahe informasaun kona ba funsaun funsiomariu públiku nian no fo hanoin ba funsiunariu sira katak funsaun prinsipal FP nian mak prestasaun servisu ba komunidade tomak, tan ne’e, tenki hala’o knár ho responsabilidade.


“Hau fiar komferensia ida ne’e bele aumenta ita nia funsiunariu sira nia koñesementu kona ba lei sira regula funsion’ariu nia dever no direitu ho mos responsabilidade ba funsiunáriu sira katak tenki hala’o knár ho didiak para bele servi ita nia nasaun,” dehan Lúcia.

Iha fatin hanesan nudár Vice Ministru ba Ministeriu Justisa, Ivo Jorge Valente hateten, nia identifika assuntos balun nudar dezafiu ba atendimentu publiku MJ nian, hanesan FP, konese ona sistema administrasaun,maibé balun seidauk konese diak, sistema responsabilidade iha sansaun sira, liu-liu responsabilidade administrativano responsabilidade criminal.

Ivo rekoiñese mos katak, Funsionáriu Públiku MJ nian sei falta fasilidade de servisus, liu-liu iha
distritu sira no falta konesimentu ba jestaun administrativa ne’ebé professional.

Liborio Pereira esklarese hikas mos katak, konfernsia ne’ebe realiaza husi Ministeriu Justisa ne’e bele fo refelesaun ba funsiunáriu sira atu hatene lolos sira nia knár nune’e bele haree uluk sira nia knár antes atu husu sira nia direitu.*

Ananias Babo Horta
Media Officer Ministeriu Justisa