Cidália do Rosário da Cruz moris iha 28 Agostu 1988, iha Dili. Lisensiada iha Edukasaun ba área Ensinu Lian Portugés, iha Universidade Nasionál Timor Lorosa’e, iha 2012.

Hahú servisu iha Administrasaun Públika iha 2012 hanesan Tradutora Jurídika iha Diresaun Nasionál Asesoria Jurídika no Lejizlasaun (DNAJL) iha Ministériu Justisa.

Desde 2013, nu’udar Xefe ba Departamentu Tradusaun iha DiresaunNasionál Asesoria Jurídika no Lejizlasaun iha Ministériu Justisa.

Nu’udar autora ba obra “Sou Nada Nada Sou?”, manán-na’in ba Pémiu Ruy Cinatti patrosina hosi Embaixada Portugal iha Dili. No publika iha 2012 hosi Editora Imprensa Nacional da Casa da Moeda.

Partisipa iha konkursu Literáriu Hakerek Istória ho Dalen Tétun no hetan prémiu hanesan Melhor Escritora Feminina ho onbra “Mesak Katak Nonook”, iha 2009, organiza hosi Timor Aid no Alola Fundation.

Iha 2014, nu’udar investigadora, ho parseria, manán bolsa peskiza fornese hosi Prezidénsia Repúblika, hodi dezenvolve tema “Sidadaun Akadémiku Ativu hodi uza lian instrusaun sira – Difikuldade no Fasilidade”.

Kontaktu: ccruz@mj.gov.tl