Tempu Badak MJ sei Lori Lei Proteje Direitu Labraik ba PN

MINISTERIO Justisa Lúcia Maria Brandão Freitas Lobato Tersa (26/10/2010) liuba hateten, Lei Juvenil ne’ebé atu proteje direitu labarik sira, iha tempu badak Ministeriu Justisa (MJ) sei lori ba Parlamentu Nasional (PN), hodi halo aprovasaun, nune’e bele implementa ona iha TL hodi bele regula labarik sira nian direitu.

Tuir nia Ministra, lei ne’e prepara tinan 2 ho balun ona, hein deit fulan oin lori ba Parlamentu Nasional atu bele hetan aprovasaun, hodi regula direitu labarik.

Ba jornalista sira iha ninia gabinete hateten, lei ne’e mos sai atu bele implementa, nomos sei harí sentru ba labarik sira ne’ebé hetan kondenasaun ba kazu ruma atu hela iha fatin refere hodi labele hela iha prizaun.
Antes ne’e iha dialogu konsensus nasional ne’ebé halao iha Salaun konferensia Ministeriu Estranjeiru Kinta (21/10/2010) liubá ministra liu hosi ninia intervensaun hateten, iha tempu badak sei iha planu hodi bele harí sentru ba labarin sira ne’ebé involve iha krime ruma, e fatin ne’e labele hanaran prizaun tanba sira sei hetan formasaun ruma tuir lei protesaun ba labarin nian.

Nia hatutan, lei Juvenil no kodigo sivil bele uza halo julgamentu hodi kondena autór sira ne’ebé halo krimi.

Planu strategia Ministeriu Justisa 2013 tuir ministra, bele implementa ona lei hirak ne’e, hodi proteje sidadaun sira nia direitu.

Iha fatin hansan Komisaria ba Direitu Labarik nian, Adalgiza Ximenes sublina katak, lei juvenil ne’ebé iha tempu badak sei entrega ba PN ne’e ho nia objetivu hodi bele proteze direitu ba labarik TL.

“ Ami halo draft ba lei protesaun direitus labarik nian hotu ona, iha ona Ministeriu nia laran, ne’eduni hein Ministra Justisa mak lori PN atu debate halo aprovasaun ba lei ne’e, hodi regula labarik sira nia direitu,” Dehan Ximenes.*

Ananias Babo Horta
Media Officer Ministeiru Justisa