DNTPSC Rentrega Kargu Entre Xefi Departementu Foun

Ministra Lobato : Hanesan FP tenki Sai Servedor ba Povu

MINISTERIU Justisa liu hosi diresaun Nasional Terras Propriedade e Servisu Kadastrais (DNTPSC) Kuarta (18/8) foin lalais ne’e re-entrega kargu hosi xefi departementu no diretór distritais tuan ba xefe no diretór distritais foun.

Tomada de posse inklui mos re-entrega kargo ne’e, partisipa mos husi Ministra Justisa, Inspektur no Sub Inspektur Ministeiru Justisa inklui mos Diretores Nasionais Ministeiru Justisa nian.

Iha seremonia refere, Ministra Justisa, Lúcia Lobato, liu hosi ninia deskursu hateten, hanesan Funisonáriu Públiku (FP) servisu atu servi no servisu ho nasionalizmu katak, servisu hodi servi povunasaun ne’e nian tuir knár hanesan funsionáriu públiku.

Funsionariu publiku tuir ministra, tenki servisu ho diak tanba sai hosi kargu xefi departementu mos sei fila nafatin hanesan funsionáriu públiku to’o hetan pensaun.

Lúcia salienta mos katak, funsionáriu públiku la hanesan ho membru governu. Tanba nudar membru governu kada tinan lima iha mudansa (troka-red).

“Nune’e ba xefi departementu no diretór distritais tuan sira ne’ebé hala’o knár durante tinan naruk nia laran, lori governu nia naran hau fo’o hau nia laran tomak haksolok hato’o agradesementu wain ba kontribuisaun ne’ebe durante ne’e xefi departementu tuan sira halo ba ministeriu,” dehan Lobato.

Iha seremonia entrega kargu hosi xefi departementu ho Diretór Distritu tuan ba xefi foun ne’e Diretur DNTPSC, Jaime Xavier hateten, Kargu refere laos prémeio maibe knár ne’ebé tenki hala’o ho responsabilidade.

“Hanesan Timor oan no hanesan funsionário públiku, sei hala’o ita knár tuir lei funsaun Públiku ne’ebé iha nune’e sai mos hanesan izemplu diak ba nia funsionáriu sira, fo atendimentu diak ba ita nia maluk sira ne’ebé husu tulun, liu-liu iha area ba rai nian, ho lian fuan seluk sai atan ka sai servedor diak ba povu no nasaun TL hodi bele dezenvolve DNTPSC ba oin maske lao neneik, maibe atinji nia objetivu,” Dehan Jaime.

Fo bensa ba edifisiu

Depois de reentrega kargu husi xefe departementu tuan no Diretores distritais tuan ba foun, hosi parte igreja sei fo bensa ba edifisu foun ministeriu nian ne'ebe durante ne'e funsionariu hosi diresaun Terras propriedade uza ona maibe seidauk fo bensa.

Iha seremonia fo bensa ba edifisiu fun ne'e Pr. Apolinario hateten, fo bensa ba edisiu lalos atu halakon esperitu aat ne'ebe iha maibe maibe atu muda sira sai hosi fatin ne'ebe mak durante nee sira iha nune'e ema ne'ebe halao aktividade iha fatin refere bele halao ho hakmatek.

Ananias Babo Horta
Media Officer Gabinete Ministra Justisa