Dili-Asisten Sekretariu Jeral United Nations Development Programme (UNDP) Haoliang Xu ho nia komitiva halo vizita kortejia mai Ministeriu Justica,hodi halo avaliasaun ba programa UNDP nia ne’ebe durante ne’e fo apoiu mai Timor Leste liu –liu iha seitor Justica nian,reiniaun ne’e hal’ao iha Gabinete Ministro Justicaa,Caicoli Dili,(9/07)..

Tuir Ministro Justica,Dionisio Babo hafoin halo reiniaun hateten katak Sekretariu Jeral United Nations Development Programme (UNDP) Haoliang Xu ho nia komitiva sira hal’ao vizita kortejia ida mai Ministeriu Justica,hodi halo avaliasaun kona ba sira nia programa ne’ebe durante ne’e sira implementa no fo apoiu finanseiru ba governu Timor Leste liu-liu iha parte justica nian.
“Primeiru hau (MJ) fo benvindo ba Sr Haoliang Xu ne’ebe mai halo vizita iha Ministeriu Justica hodi halo avaliasaun ba sira nia programa ne’ebe durante ne’e sira implementa liu-liu iha Ministeriu Justica iha parte Tecnolojia Informatica (IT) nia liu husi Programa IIMS ne’ebe durante ne’e estabelese iha seitor Justica nian”dehan Ministro Justica,Dionisio Babo.

Iha reiniaun ne’e mos Ministro Justica Babo esplika mos progresu dezenvolvimentu seitor justica iha Timor Leste ba Sekretaraiu Jeral Haoliang Xu.

Iha fatin seluk Asisten Sekretariu Jeral United Nations Development Programme (UNDP) Haoliang Xu mos orgolhu tebes ho prosesu dezenvolvimentu seitor justice nia iha Timor Leste maske Timor Leste foin mak ukun rasik a’an maibe dezonvolvimentu seitor justice nia komesa abansadu ona.

“Timor Leste hanesan nasaun foun no foun mak ukun a’an maibe Dezenvolvimentu komesa la’o dadauk ona liu-liu iha seitor justica nia mos komesa abansadu ona”dehan Haoliang Xu.