Dili, CFJ, Vice Ministro Justiça, Ivo Valente ofisialmente loke workshop/seminariu ba funsionarius Tecnologia Informatica (TI), durante loron ida, loron 02-06-2014 (oras 09.00). Iha serimonia ba abertura partisipa mos, Director Geral Dr. Francisco Carceres, Inspector GIA Dr. Hendrique de Oliveira, Directora Geral CFJ Dra. Marcelina Tilman, no mos Directores nasionais iha ambito Ministerio Justiça.
Programa nebe hetan atensaun husi teknikus TI nian husi Ministeriu Justiça tomak, nebe mai husi Distritus hotu atu rona Matenek nain sira ka expert Internasional sira nebe servisu iha area TI, hahu ho lian nakloke husi Sr. Director Geral Dr. Francisco Carceres halo nia diskursus nebe hatoo bem vindo ba partisipantes no enkoraja atu akompanha seminariu refere too rohan, fo agradese ba partisipantes tuir workshop, e palavras boa vindas.

Vice Ministro Justiça, Ivo Valente iha nia intervensaun ofisial ba abertura sublinha no le diskursu Sr. Ministru da Justica, nebe la marka prersensa tamba iha reuniaun konsellu de Ministrus iha palacio do Governo. Katak tuir Vice Ministru TI, oras ne sai pilar fundamentu baze ba paiz / estado sira tomak iha mundo atu kompete hodi hetan benefisiu ba sira nia povu rasik, nune utilizasaun ba sistema TI, sai janela ba mundo hodi hametin estado de Direitu Demokratiku Timor-Leste nian, nebe kompoen elementus ba boa governasaun ida nebe transparente no akontavel iha sistema mundo nebe kaer metin valor demokrasia ho boa governasaun. Sr. Ivo valente fo hanoin ba partisipantes iha seminariu ne, konaba importansia atu estuda ka aprende sistema Teknologia nebe evolui lalais iha mundo glabalizadu se ita nia Estado lakohi lakon oportunidade ba serve ita nia povu. Nune husu ba Funsionarius Publiku Ministeriu Justiça nian atu aproveita tempo hodi akompanha e aprende atu serve Estado Timor-Leste, serve Povu ida ne, tuir espiritu servidor nasaun nian.

Hafoin abertura, durante oras rua nia laran, Vice Ministro Justiça akompanha aprezentasaun husi teknikus TI, husi Brasil nudar Assessor ba Ministeriu Justiça nian iha area TI, molok fila ba gabinete Vice Ministru, sei hola parte hamutuk ho Funsionarius Publiku TI – Ministeriu Justiça nian han hamutuk snak nebe prepara ba partisipantes iha CFJ. Fila ba gabinete, 11.30 oras Timor - Leste.