Japaun-Ministru Justica,Dionisio Babo Terca Feira horseik (25/03) hasoru malu ho Vice Ministru Negosiu Etrangeriu Japaun Seiji Kihara,reiniaun neébe haláo iha edifisiu MNEC Japaun nian iha Tokyo Terca Feira (25/03)
Tuir Ministru Justica,Dionisio Babo hateten katak objektivu enkontru ho Vice Ministru Negosio Estrageiro Japaun neé atu hametin tan relasaun diak entre paiz rua neé iha futuru liu-liu ba seitor Justica nia,alende neé koalia mos kona ba oinsa Japaun atu fo apoiu ba Timor Leste iha area Desportu nian neébe iha ona draf akordu entre Governu Timor Leste Liu husi Sekretariu Estadu Desportu Timor Leste ho Japaun hodi prepra Timor Leste ba Olympic iha Japaun.

“durante reiniaun neé diskuti liu kona ba koperasaun diak entre paiz rua neé liu-liu iha parte jusitca nian,alende neé ami koalia mos kona ba draf akordu ida neébe prepra ona husi ita nia Sekretariu Estadu Juventude e Desportu (SEJD) neébe haruka ona mai iha Govrnu Japaun maibe toó agora governu Japaun sei dauk halo Fallow up, iha akordu neé governu Japaun atu ajuda fasilidade ba ateleta sira iha Timor Leste hodi partisipa iha Olympic iha Japaun 2020”Dehan Ministru Justica,Dionisio Babo
Iha sorin seluk Vice Ministru Negosio Estrangeiro Seiji Kihara,apresia tebes ho dezenvolvimentu iha Timor Leste masek Timor Leste foin mak ukun aán maibe hare ba dezenvolvimentu komesa abansadu ona iha seitor hotu-hotu liu-liu seitor Justica nian,e apresia mos ba Timor Leste ba dezenvolvimentu seitor Desportu nian e ami prontu nafatin atu apoiu Timor Leste.
“Ami sei apoiu fasilidade Atleta nian ba Timor Leste hodi prepara atu bele partisipa iha jogu olympic neé ” dehan Vice Ministru Negosio Estrangeiro Japaun Seiji Kihara.