Dili-Ministru Justica,Dionisio Babo sai orador ba seminariu Nasional neébe organiza husi Sekretariu de estadu da Arte E Cultura ho nia tema direitur ba autor,seminariu neé haláo iha Centru Convensaun Dili Segunda Feira, (2/12)
Iha seminariu neé Ministru Justica,Dionisio Babo hateten katak governu liu husi Ministeriu Justica iha diresaun Nasional Registo Notariuadu (DNRN) halo registu ba propiadade ema nian (pesoal singular) ou pesoal kolektiva liu husi Departamento Registo Público.

MJ mos informa tan katak iha V Governo Konstituisional ida neé mos neébe kompostu husi Ministério da Justiça, Ministério das Finanças, Ministério do Comercio e Industria no Sec. Estado para Apoio no Promoção Setor Privado), agora kria tan orgaun servisu ida hanaran SERVE (Serviços de Registo e Verificação Empresarial) One-Stop-Shop (Balcão Único),SERVE ne’e hare liu ba servisu komersiu nian.

Liu husi DNRN halo registu ba marka/trademark, hanesan registu ba naran, bandeira, logo, hinu no propiadade seluk tan husi insituisaun ka organizasaun sira hanesan Partidu Politiku, arte marsiais, fundasaun, asosiasaun, kompania, sosiadade komersio sira, (organizasaun ho lukru nomos la buka lukru).

Ministru Justica mos informa tan katak iha Artigu 1223 Codigo Civil fó dalan atu kria lei espefiku ida hodi regula konaba direitu propiadade intelektual ne’e.
“Maibe, wainhira Timor Leste seidauk iha lei rasik, sei aplika lei anterior (lei Indonesia nian) tuir Regulamentu UNTAET no.1/1999

Artigu 303 Codigu Penal ne’e koalia liu konaba falsifikasaun dokumentu. Maibe artigu 303 CP ne’e, seidauk hatúr lolos falsifikasaun iha propiadade intelektual nian. Art. 304 CP konaba falsifikasaun agravada. Art. 305 CP konaba Falsificação de document public no art. 306 CP konaba Uso de Documento de identificação alheio (uza dokumentu ba identifikasaun alleiu”dehan Mj.