Dili-Ministru Justica,Dionisio Babo halo reiniaun ho Embaixador Brazil ba Timor Leste Jose A.C. Dornelles hodi hametin liu tan koperasaun bilateral entre Timor Leste ho Brazil iha futuru liu-liu iha seitor Justica nian.
Iha reiniaun neé Ministru Justica,Dionisio Babo informa katak objektivu halo reiniaun neé atu hametin tan koperasaun Bilateral entre nasaun Timor Leste ho Brazil liu-liu iha seitor Justica nian iha Timor Leste
“Hau (MJ) kongratula Embaixador Brazil nia iha Timor Leste Jose A.C. Dornelles neébe bele hakat mai iha hau nia fatin hodi halo reiniaun atu bele hametin relasaun bilateral entre rai rua nee iha futuru liu-liu iha seitor Justica nia tamba durante neé Brazil sempre fo apoiu makas ba seitor justica iha Timor Leste liu-liu iha Defensoria Publico”Dehan Minsitru Justica,Dionisio Babo iha reiniaun ho Embaixador Brazil iha Timor Leste,reiniaun neé haláo iha Gabinete Ministru Justica Caicoli Dili,Kuinta Feira (7/11)

Iha fatin seluk Embaixador Brazil iha Timor Leste Jose A.C.Dornelles mos informa katak governu Brazil prontu atu fo apoiu nafatin Timor Leste iha seitor Justica nian e durante neé mos apoiu mos assessor internasional husi Brazil hodi fo apoiu iha Denfensoria Publiku nia.
“Hau agradese tebes ba Timor Leste maske nasaun ida neé mak foun maibe hare ba seitor justica mos komesa abansadu ona,e Brazil mos iha komitmentu ne’be bo’ot atu fo apoiu nafatin Timor Leste iha seitor justica nia liu-liu Defensoira Publico ”dehan Embaixador Brazil Jose A.C. Dornelles
Embaixador neé mos informa mos kona ba akordo neébe governu Timor Leste ho Governu da Republika Federal Brazil halo iha tinan 2011 neébe asina husi Primeiru Ministru Brazil kona ba implementasaun projeitu apoiu Ao Fortalesementu do Seitor da Justica iha Timor Leste.