Direcção Nacional dos Serviços Prisionais e de Reinserção Social

Organograma|Estatistika|Contato


                                       
          
Regime de Execução Penal        Estrutura Organica                     Carreira Especial e Estatuto



Diresaun Nasional dos Servisus Prisionais no Reinsersaun Sosial

1. Direcção Nacional dos Serviços Prisionais e de Reinserção Social, ne’ebé habadak ba DNSPRS, nu’udar servisu administrasaun direta Estadu nian ne’ebé responsabiliza ba definisaun, jestaun no seguransa ba sistema prizionál no servisu reinsersaun sosiál.

2. DNSPRS nia misaun maka haburas polítika ezekusaun pena no medida, reinsersaun sosiál no jestaun sistema prizionál nian hodi hametin kondisaun hirak ne’ebé kona-di’ak ho dignidade umana no direitu fundamentál ema-dadur nian nomós kontribui ba defeza orden no pás sosiál.

3. Kona-ba ninia misaun, DNSPRS iha objetivu atu:

a) Garante sistema prizionál sai nu’udar fatin atu promove seguransa iha sosiedade nia leet, respeita dignidade no direitu umanu ema-dadur nian;

b) Hametin garantia atu sira-ne’ebé hasoru konflitu ho lei, ema-kondenada ka ema-preventiva, ne’ebé iha hela servisu prizaun nia responsabilidade, hetan dalan ba direitu báziku hodi hala’o ezersísiu sidadania nian;

c) Hamenus vulnerabilidade no halao individualizasaun pena no reinsersaun sosiál tuir sistema prizionál.



Diresaun no Xefia sira DNSPRS nian

Diretor Nasional DNSPRS nian

Helder Cosme Marçal Belo (hcosme@mj.gov.tl)

Departamentu Seguransa no Ezekusaun Penál

Departamentu Seguransa no Ezekusaun Penál nu’udar servisu sentrál, operasionál no responsavel ba elaborasaun, koordenasaun no supervizaun ba modelu seguransa ne’ebé sei adopta iha instalasaun prizaun, atividade eskolta no kustódia, hanesan mós tratamentu ba informasaun no funsionamentu estabelesimentu prizionál no sentru juvenil nian.

Xefi Departamentu: Agapito Kanto (akanto@mj.gov.tl)

Departamentu Reinsersaun Sosiál no Observasaun Kriminolójika

Departamentu Reinsersaun Sosiál no Observasaun Kriminolójika nu’udar servisu sentrál, operasionál no responsavel ba koordenasaun téknika promosaun nian no jestaun atividade no programa reinsersaun sosiál, liuliu kona-ba ensinu, formasaun profisionál, traballu, atividade okupasionál, sosiokulturál no desportu, fó kuidadu ba saúde isin no mentál no akompañamentu psikososiál.

Xefi Departamentu: Domingos Afonso Ximenes (domingos.ximenes@mj.gov.tl)

Departamentu Inspesaun no Auditoria

Departamentu Inspesaun no Auditoria nu’udar servisu sentrál, operasionál no responsavel ba inspesaun, fiskalizasaun no auditoria ba unidade orgánika desentralizada no servisu sentrál DNSPRS nian, hodi hametin verifikasaun legalidade nian, manutensaun orden no dixiplina sistema ezekusaun penal.

Xefi Departamentu: Julio Dias Ximenes (julio.ximenes@mj.gov.tl)

Departamentu Estudu no Formasaun Penitensiária

Departamentu Estudu no Formasaun Penitensiária nu’udar servisu sentrál, operasionál no responsavel ba formasaun pesoál hotu-hotu servisu prizaun nian, ne’ebé simu kbiit atu prepara no lori-la’o modelu rekrutamentu no selesaun ba DNSPRS nia pesoál.

Xefi Departamentu: Cristiano Salsinha (cristiano.salsina@mj.gov.tl)

Departamentu Administrasaun

Departamentu Administrasaun nu’udar servisu sentrál, la operasionál, responsavel ba administrasaun no jestaun rekursu umanu, meteriál, finanseiru, lojístiku no informátiku iha DNSPRS.

Xefi Departamentu: Demétrio da C. X. dos Santos (dcsantos@mj.gov.tl)