Atu implemanta Lei No.10/2005 nian, DNDCH – Ministério da Justiça dala ida tan servisu hamutuk instituisaun direitos humanos nasional no internasional hanesan PDHJ, Assossiasaun HAK, Forum Tau Matan, Rede Feto, Secretaria de Estado para Promoção Igualdade, Ministério da Educação, Radio no Televizaun Timor-Leste inklui UNMIT organiza atividades oioin hodi komemora loron direitos humanos nian, 10 Dezembro 2007. Atividades hirak ne’e hanesan kompetisaun kadi kakutak ho materia direitos humanos ba nivel eskola Pre-secundaria no Secundaria iha territorio laran tomak, talk show iha radio no televizaun, kampanha aktivismu hodi hapara violensia hasoru feto, loke filme kona-ba direitos humanos, marcha no divertimentu (iha mos deskursu husi nai ulun sira) inklui loron 3 treianmentu ba instruktur Polisia nain 30 iha Akadamia PNTL kona-ba k’nar polisia nia servisu tuir kodigu prosesu penal no direitos humanos.