Atu responsabiliza relatoriu ba dala uluk Estado Timor Leste nian kona ba Konvensaun Direitu Labarik (KDL) nian, Governo hetan konvida husi Komite ba KDL iha Jenebra, Switzerland, atu ba halo aprezentasaun kona ba relatoriu ne’e. Aprezentasaun ne’e rasik hala’o iha loron 16-17 Janeiru 2008 husi S.Exa. Drª. Lucia Lobato, Ministra da Justiça ho nia ekipa hanesan; Dr. Sergio Hornai (Direitor Defensoria Pública), Dr.Nelinho Vital (Offisial Direitos Humanos, Ministério da Justiça) no Licinio Branco (Offisial Direitos Humanos, Ministério do Negocio Estrangeiro). Aprezentasaun ne’e lao hó suseso bót tamba hanesan nasaun foin moris no menus esperiensia, maibé ita hatudu duni ita-nia komitmentu ba protesaun no promosaun direitu labarik nian tuir KDL haruka maske sei falta iha aspeitu balun. Ikus mai, iha fulan Marsu nia laran, Governo Timor-Leste simu rekomendasaun husi Komite ba Konvensaun Direitu Labarik nian kona-ba planu no asaun konkreta neébé ita tenki hala’o diak liu tan hodi fo protesaun no promosaun ba direitu labarik nian.