Atu hala’o rekomendasaun ida husi Komite ba Konvensaun Direitu Labarik nian (hafoin ezamina relatoriu Estado nian kona ba CRC iha Janeiro 2008) kona-ba dezenvolve lei kona-ba Justice Juvenile. Iha loron 23-25 Julho tinan ida ne’e, DNDHC servisun hamutuk ho DNAJL no UNICEF organiza workshop no seminariu nasional hamutuk ho labarik no jovens sira iha Dili hodi diskuti klean liu tan kona-ba esbosu lei justisa juvenile ne’e. Iha seminariu ne’e halibur mos reprezentante labarik no jovens husi distrito tomak.

Iha sessaun abertura neébé loke direitamente husi S.Exa. Primeiro Ministro no iha nia diskursu fo sai katak, Governo sei kria parlamentu juventude nomos Governo sei investe maka’as ba iha dezenvolvimentu labarik no jovens sira. Tamba labarik no jovens maka futuru nasaun Timor- Leste nian.