DILI-Ministru Justica.Dionisio Babo interega servisu ba kargu xefia sira iha Diresaun Nasional Terras e Propriedade Cadastrais (DNTPC) hodi halaó sira nia knar tuir lei Funsaun Publika haruka.

Tuir Ministru Justica,Dionisio Babo hateten katak iha ambitu intrega kargu Xefia ba ita boót sira ne’ebe ohin simu knar ida neé hanesan servisu todan ida ba ita bo’ot sira laos sente kontenti ho kargu neébe ita boót sira simu miabe neé hanesan responsabilidade boót ida ba ita boót sira atu haláo servisu ho diak iha futuru.

“Hau (MJ) fo parabens ba ita boót sira neéb ohin simu ona kargu Xefia neé tamba hetan ona konfiasa husi superior hirarkia sira atu bele halo servisu ho diak iha futuru ,kargu Xefia ida neé laos Ministru Justica ou Vice Ministru ka Sekretariu Estadu mak halo maibe bazei ba lei Funsaun Publiku nian”Dehan Ministru Justica,Dionisio Babo hafoin intrega servisu ba Kargu Xefia DNTPC nian iha Sala Reiniaun DNTPC Bebora Dili Segunda Feira (7/10).

Ministru Justica,informa mos katak ita boót sira neébe simu ona kargu ida neé atu halo servisu ho professional e tenke ivolve mos funsionariu teknico sira iha laran atu bele ajuda malu hodi halo servisu atu nune bele servi povu ho diak.

Banhira lei rai nia aprova ona, mak sei ejiji ita hotu liu-liu ba ita boót sira neébe tur iha kargu Xefia atu halo servisu makas liu tan atu nune bele responde ba ejijensia povu nia durante neé liu-liu kona ba problema rai neébe agora akontese iha teritoria Timor Laran tomak.

Iha fatin seluk Vice Ministru Justica,Ivo Valente hateten katak nomeisaun ba kargu Xefia neé bazeia ba servisu no tuir kompetensia integridade Komisaun Funsaun Publica nia nomos nomeiasaun neé bazeia ba proposta legal ida neébe Komisaun Funsaun Publica prepara ona.

“Kargu Xefia ida neé ba tinan 2 bazeia ba servisu neébe ita boót sira halo maibe kargu ida neé mos bele iha mudansa iha tempu neébe deit banhira servisu la diak e iha failansu barak iha Diresaun ka Departamentu neébe ita boót lidera ba konsertega tenke iha mudansa la presija atu hein fali toó tinan 2 ”Dehan Vice Ministru Justica,Ivo Valente.

iha Reiniaun itrega kargu Xefia neé partisipa husi Ministru Justica,Dionisio Babo,Vice Ministru Ivo Valente,Sekretariadu Estadu Terras e Propriedade Jaime Xavier,Direitur Nasional Ministru Justisa,Fransisco Carceres,Diretur Nasional DNTPC Romao Gutres.