DILI- Guvernu liu husi Ministeriu Jusitsa la intervein iha kualker krime neébe sempre akontese iha Timor Leste liu-liu iha Sidade Dili tamba prosesu krime publiku neébe akontese iha teritoria Timor laran tomak neé kompetensia ba Institusaun Justisa nia hanesan Policia Nasional Timor, Ministeriu Publiku no Tribunais iha Nasaun Timor Leste mak iha kompetensia liu ba prosesu hira neé.

Tuir Ministru Jusitsa Dionisio Babo katak sidadaun nebe mak komete krime lei iha tiha ona atu submete ba ita nia lei neébe vigora ona iha nasaun ida neé tamba krime publiku hanesan oho ema, naok ema nia sasan, soke ema iha dalan, baku ema no seluk tan sei prosesu tuir lei Penal neébe ita iha.

“ Ministeriu Justisa lamete ou nunka mete ba asaun krime publiku neé akontese iha Sidade Dili tamba nee’e servisu policia ninian atu ejekuta lei no ordem tuir lei haruka tamba neé governu sei la intervein iha kualker asaun krime neébe akontese,so Polisia mak iha kompetensia maximu atu bele ba kaer ema atuor neébe sempre gosta atu halo krime neé hodi prosesu tuir lei neébe ita iha” dehan Ministeru Justisa Dionisio Babo Segunda (30/09/2013) iha Edifisiu Terres propriedade Bebora.

MJ mos informa tan katak bazea ba lei nebe mak iha tribunal iha mos direitu kuandu krime nebe mak sidadaun sira komete bele foti desizaun tuir tipu de krime neébe mak sira komete hodi prosesu tuir lei se mak sala sei tama iha prizasaun.

“ Hanesan kazu nebe mak mosu iha Kapital Dili, hau apela deit ba komonidade tomak atu matan moris neon nain hodi hare ita nia komonidade rasik iha ida-idak nia suku no aldeia atu nune organiza aan no prevene buat nebe mak deskonfia ema ruma atu halo buat aat iha ida-ida nia bairo no fatin nebe ita hela ba ,” dehan MJ Babo.