Dili-Governu liu husi Ministeriu Justica haruka ona Timor ona hamotuk nain 10 hodi ba tuir formasaun iha area espesifiku hanesan Notariu no Konservatoria nia iha Portugal, Lisboa durante fulan 4 nia laran no agora dadaun Timor oan sira neé fila ona mai Timor Leste hodi implementa sira nia matenek neébe durante fulan 4 sira hetan iha formasaun,Reiniaun neé halao iha Gabinete Ministru Justica, Caicoli Dili Kuarta Feira (17/07).Iha reiniaun neé Ministru Justica, Dionisio Babo hateten katak parabens ba ita boót sira neébe durante neé haláo estagio iha Portugal hodi aprende buat foun barak liu-liu iha area Konservatoriu no Notariu tamba neé tenke mantein nafatin ita boót sira nia matenek neébe ita boót sira hetan hodi implementa iha ita nia rai.

“Hau (MJ) sente kontenti tebes banhira ita boot sira fila mai ho kondisaun saude neébe diak e husu mos ba ita bo’ot sira atu mantein nafatin esprensia neébe ita boót sira hetan durante formasaun nia laran hodi inplementa iha ita nia rai hodi hatudu ba rai seluk katak ita mos bele”Dehan Ministru Justica, Dionisio Babo
MJ mos informa tan husu ba ita bo’ot sira atu koalia nafatin lingua Portugues neébe ita boot sira aprende e atu lalika moe atu koalia ho ema seluk maske sala maibe tenke koalia nafatin atu nune labele haluha.

Iha fatin seluk Diretora Nasional Registo e Notariado (DNRN) Maria do Rosario Fatima informa tan katak ohin lori formandus notariu no konservatoriu sira neébe durante neé halo sira nia estagiu iha Portugal hodi mai aprezenta ba Ministru hodi hatene.