DiliDili-Prezidente Tribunal Rekursu (TR) Claudio Ximenes hateten Ministru Justica (MJ), Dionisio Babo iha ona hanoin ba organizasaun judisiario foun tamba organizasaun Judisiario neébe maka iha oras neé dadaun mai husi Nasoens Unidas neébe estabelese iha tinan 2000.“Ministru Justica iha ona Planu hanoin dadaun ba organizasaun judisiario ,organizasaun ba Tribunal tamba toó oras neé tamba toó oras neé ita sei uza organizasaun judisiario neébe maka Nasoens Unidas estabelese tia ona iha tinan 2000, agora ita sei hanoin organizasaun judisiario foun para ita atu lao’tuir buat ne’bee hakerek hela iha Konstituisaun”Dehan Prezidente Tribunal Rekursu ba jornalista Segunda (15/07) iha Palacio Aitrak Laran Dili, hafoin hasoru malu ho Prezidente da Republika Taur Matan Ruak.

Ho hanoin hira neé Ministru ba Justica no Tribunal ba Rekursu sei partisipa iha eventu importante sira iha rai liur kona ba justica nia nune bele mai implementa iha Timor Leste maibe organizasaun judisiario foun neé sei labele kopia deit husi rai liur maibe presiza estuda nune bele relevante ho Konstituisaun Republika Demokratika Timor Leste (RDTL) neébe iha.

“Ita labele ba halo kopia deit iha rai liur depois lori mai tau”dehan Prezidente TR Claudio Ximenes.

Nia hatutan ho estudus ba rai seluk neé atu bele hare ba sistema judicial nasaun seluk nia liu-liu maka justica Dezenvolvidu nune bele dezenvolve diak liu tan justica Timor Leste nia iha futuru tuir Konstituisaun RDTL
Maske nune sistema sira neé Ministru ba Justica n Tribunal ba Rekursu sei aprende para buat sira neébe diak Timor Leste bele implementa no buat sira neébe a’t presija hadia tamba la dun diak.

“Ita tenke ba aprende iha rai liur buat neébe diak,buat neébe at para ita iha neé,baut neébe diak ita tuir nafatin,baut neébe a’t ita labele tuir e tenke ba buka solusaun seluk para hodi mai hadia buat neébe iha rai selu-seluk neé ita hare katak la dun diak,”Splika nian.

Aliende neé Prezidente TR mos informa katak iha tinan 2014,Tribunal nia prioridade mak oinsa fo kapasitasun no dezenvolve rekursu humanus hodi atende sidadaun sira.(Fontes Jornal Diariu Nasional (17/07).