PDPJ Brazil Marka Enkontru ho MJ

PDPJ Brazil Marka Enkontru ho MJ

Ministra da Justisa, Dra. Lúcia Lobato : Maiu Tinan ne'e DP TL Tuir Formasaun Iha Brazil

Por Ananias Babo Horta

PREZIDENTE Defensoria Publiku Jeral (PDPJ) Brazil Segunda (20/4) marka enkontru ho Ministra da Justisa, Dra. Lucia Maria Brandão Freitas Lobato hodi koalia kona-ba area Defensoria Publiku Timor Leste (DPTL) ne'ebé iha tempu badak sei haruka pesoal DDPTL ba tuir formasaun iha Brazil.

Relasiona ho enkontru ne'ebé halao iha Gabiente Ministra ne'ebé hahu iha tuku 2:30 lorokraik ne'e, Ministra hateten, enkontru refere governu TL hetan prevelezu bo'ot hodi simu vizita hosi ema importante ne'ebé ida mai hosi Brazil.Durante enkontru deskuti assuntus ne'ebé relasiona ho vizita MJ nian ne'ebé halao ona ba Brazil iha fulan kotuk hodi deskuti sobre area koperasaun iha area Defensoria Publiku.

Tuir Ministra Defensoria Publiku TL hanesan ho Defensoria Publiku Brazil. Tanba ne'e, hosi MJ nia vizita ba Brazil ne'e mak defensoria iha ne'ebá nian mai fali iha TL.

Nune'e iha parte rua ne'e bele haree konkretamente projektus konkretus hodi bele halo kooperasaun ho sira, liu-liu iha area formasaun ne'ebé iha tempu badak DPJTL sei dezloka ba Brazil hodi deskuti besik liu tan programa kapasitasaun ba DP iha TL.

"Iha fulan Maiu tinan ne'e, ita nia Defensoria Publikus Jeral sei dezloka ba Brazil hodi koalia ho sira kona ba tipu formasaun ne'ebé ita hakarak fo ba ita nia defensoria sira. Ho ida ne'e ita nia DP balu sei dezloka ba Brazil iha tempu badak hodi aprende diak liu tan iha pais refere," tenik Ministra.Maibe tuir Ministra wainhira haree ba numeru DP ne'ebé limitadu entaun sira sei ba kada grupu. Maibe antes DPTL dezloka ba Bazil, Defensor Publiku Brazil mos sei haruka membru balu mai TL hodi fo apoiu ba Defensor publiku TL durante formasaun iha Brazil.

Nia kestiona mos katak, sira hosi ne'ebá (Brazil-red) mai iha ne'e hodi fo apoiu atu labele hosik mamuk iha parte servisu defensoria publiku TL nian, PDPJ hosi Brazil ne'e hasoru malu mos ho PM Xanana Gusmao iha Palacio Governu hodi haree saida mak governu TL bele loke dalan hodi sir abele ajuda TL iha area refere.

"Hau hanoin Brazil iha esperensia diak tebes iha area refere, ho ida ne'e ita presiza tebes atu prepara ita nia ema sira ne'e. Sira hetan ona formasaun iha ne'e durante tinan hira nia laran, maibe presiza aumenta tan koiñesementu sira nian iha area ida ne'e, nune'e mos ho apoiu ne'ebé fo hosi Brazil ne'e ita labele lakon oportunidade hodi hatan pozetivu ba sira, ho ida ne'e iha tinan ne'e sei haruka ita nia defensoria publiku sira ba kontinua sira nia estuda iha Brazil," Hateten Ministra Justisa.