Distritu Manatutu, Baucau Ho Viqueque,Vise Ministru Justisa Sr. Ivo Valente, iha loron 15 too 18 de Abril 2013, hamutuk ho Directur DNDHC Dr. Celito Cardoso, Chefe Departementu ba Divulgasaun Dr. João Maupelu ho funsionarius públiku balun nomeadamente, husi gabinete Vise Ministru Justisa, DNTP, DNRN no DNDHC, Ministeriu Justisa, halão vizita de servisu ba distritu 3 hodi hare besik servisus iha dirasaun 2 ( Registo Civil noo Dirasaun Terras Propriedades ), vizita ida ne, ho objectivu :
a). Informa lalaok servisu iha nivel Nasional, no hare besik difikuldades ka identifika desafius, Funsionarius Ministeriu Justisa hasoru iha terrenu.
b). Oinsa planu Ministeriu Justisa ba servisu administrativos, liu-liu mekanismu no regras ba ezekusaun orsamentu ba dirasaun distrital sira ( linha koordenasaun administrativus entre Distritus e dirasaun central).
c).Vizaun kona - ba implementasaun politika nasional hodi implementa Planu assaun annual MJ nian, nune mos konsidera hanoin ruma ba preparasaun Distrital hodi transforma ba Municipio iha tinan balun oin mai.

Sorumutu ho Funsionarius publiku Distritu 3, no iha dirasaun 2 hanesan Rigistu Civil ho Terras Propriedades. Iha distritu Manatuto, dader tuku 10.30 iha dirasaun distritu Registu Civil, hasoru malu ho Funsionariu ida deit, nebe informa katak Funsionarius sira seluk sei tuir enkontru ho UNICEF, VMJ informa ba FP refere atu enkaminha ba FP hotu no director Registu sivil kona - ba objectivu vizita ida nee, nune, VMJ vizita Edifisiu Dirasaun Terras e Propriedade Manatuto nebe lokalizadu iha Edifisiu Adminnistrasaun ESTATAL, hare besik kondisaun nebe la permite atu FP halao nia servisu ho diak, tamba falta de ekipamentus, meza, kadeira, no espasu nebe kik tebes ba dirasaun ida nee,. Iha tuku 11.15 ekipa VMJ, hatutan viagem ba liu Baucau, hodi vizita servisus registu sivil no terras propreidade baucau, nebe hasoru Funsionariu balun, hodi esplika objectivu hanesan. Iha oras 13.30 kometiva VMJ, kontinua nia visita ba liu Uatu carabau, too iha fatin tuku 18.00 oras Timor - Leste.
Iha Loron, 16 de Abril de 2013, VMJ halao sorumutu ho komunidade uatu carabau, tuir programa DNDHC kona - ba Divulgasaun ba servisus dirasaun rua nebe existente iha distritu Viqueque ba komunidade sira.
Iha loron 17 abril de 2013, VMJ, kontinua nia vizita ba Dirasaun rua nebe iha Viqueque, sorumutu ho director distrital nain 2 ho FP dirasaun rua refere iha Aula / enkontru dirasaun registu sivil distritu Viqueque. Iha enkontru nee, VMJ fo esplanasaun kona - ba objectivu vizita noo, husu atu kúmpri regras nudar FP, no kúmpri mos regras ba ezekusaun orsamentu nebe aloka ba distritus hanesan Imprest fund no pety cash.
Vice Ministru Justisa, Sr. Ivo Valente mos hare besik kondisaun edifisiu nebe constoe iha tinan 2009, no hare possibilidade atu apoia distritu ida nee, ho transporte balun, tama dirasaun rua iha Viqueque, seidauk iha transporte ( kareta ) atu bele fasilita servisu sira iha terreno.