Distritu Viqueque,Vise Ministru Justisa Sr. Ivo Valente, akompanha ho Direktor DNDHC, Dr.Celito Cardoso, representante DNRN Sra. Domingas, Chefe Departementu passaporte, Sra. Ana, Direktor DNTP Sr. Antonio Carseres, Administrador distritu viqueque Sr. Francisco da Silva, Komandante PNTL distritu Viqueque Sr. Americo da Costa Amaral no Sub Distritu Administrador Uatu Carabau Sr. Paulino Pinto. Hahu divulgasaun ba lei sira nebe existente no possibilidade lei foun ba rai iha Sub distritu Uatu-carabau, iha loron 16 de Abril de 2013.
Sorumutu ne Vise Ministru Justisa Sr. Ivo Valente, haklaken nian importansia kona – ba Divulgasaun Lei kona – ba rai nebe vigor ona iha populasaun nian let.

Explika mos kona - ba propostas/possibilidades futuru lei sira ba rai nian iha Timor - Leste, nebe tuir realidade prepara ona projetu de lei ba regulariza assuntus kona - ba direitu ba rai iha proposta 3 nebe halão ona iha IV Governu Konstitusional hanesan 1). Lei kona - ba Titularidade direitu ba rai. 2). Lei Expropeções 3). Lei Fundu Imobiliario, no mos explika kona – ba utiliza passaporte hat 4 nebe povu sira perzisa hatene ( Passaporte cumun, Servisu, Diplomatiku, Estrageiro). Transimite mos konteudu principal lubuk ida ba komunidade, no husu ba komunidade atu evita disputa rai nebe la nessesariu atu mosu.
Sorumutu nee, termina ho agenda perguntas no hataan, nebe mosu perguntas barak liu kona - ba direitu ba rai no solusaun ba disputas sira.
Antes atu taka sorumutu ne Vise Ministru Justisa Sr. Ivo Valente fo nian agradecimentu ba povu Uatu Carabau no povu Lacluta nebe fo nian kibit mai partisipa sorumutu ida ne. Vise Ministru Justisa Sr. Ivo Valente ho nia Komutiva antes fila mai Dili husi lacluta, almosa hamutuk ho povu sira iha Uatu Carabau no Lacluta.