Covalima (Fohorem no Tilomar)Ministériu Justisa (MJ) liu hosi Diresaun Nasional Direitus Umanus no Cidadania (DNDHC) hala’o Formasaun Direitu Umanus Durante Loron haat (4) hahu dia 18-21 Outobro 2023 ba Autoridade Lokál iha Postu Administrativu Fohorem no Tilomar Munisipiu Covalima.

Diretor DNDHC Sr. Honorio Aureliano Magalhães hateten objetivu prinsipal hosi formasaun Direitos Umanus ida ne’e atu hasa’é Konsiénsia no koñesimentu hodi Respeitu Prinsipíu fundamental no Valór Direitus Umanus ema ida-idak nia direito no dever, ba lider lokal no komunidade sira ne’ebe dook husi kapital atu hatene diak liu tan saida mak prinsipiu hosi Direitus Umanus, Timor-Leste hanesan Estadu parte ba kovensaun Internasional Direitus Umanus ne’ebe ratifika ona, iha obrigasaun atu halo relatoriu ba kovensaun sira ne’e.

Formasaun Direitos Umanus ba loron ha’at (4) ne’e ofisialmente loke hosi Sr. Administrador Postu Fohorem no Tilomar Sr. Carlos Carvalho de Araújo iha nia abertura hateten katak, agradese no apresia tebes ba Ministerio da Justisa, ne’ebe hala’o formasaun durante loron haat iha postu Administrativu Fohorem no Tilomar Munisipíu Covalima, formasaun ida ne’e importante tebes liu hosi formasaun ida ne’e bele kapasista ita nia lider no autoridade lokal sira tamba sira mak hamutuk ho ita nia komunidade sira iha suku no aldeia, iha area rural ne’ebe dok hosi kapital atu bele hatene lalaok kona-ba saida mak Direitus Umanus.

Subtansia material prinsipal iha formasaun Direitos Umanus mak hanesan prinsipiu fundamental no valor Direitus Umanus, aprezenta hosi Diretor DNDHC, Sr. Honorio Aureliano Maagalhães, Konvensaun Internasional Direito Labarik aprezenta hosi Xefe Dep. Direitos Umanus Sr. Helder Godinho, Konvesaun Anti Tortura aprezenta hosi Chefe Dep. Tratadu Monitorizasaun Sr. Miguel M. Fernandes, Lei kontra Violensia Domestika aprezenta hosi Sr. Adriano Barbosa Soares, Kovensaun kona ba Eliminasaun Diskriminasaun ho Forma oi-oin Kontra Feto aprezenta hosi Xefi Departamentu Direitus Umanus Sr. Helder Gudinho.
Iha sesaun husu no hatan iha kolaborasaun hosi Sra. Maria Lucia Gagu ho Sra. Manuela de Araújo, hodi fasilita pergunta ne’ebe mai hosi partisipante sira, ba prosesu lalaok sesaun tuir mai ajenda fasilita hosi moderadora Sra. Aurelia de Jesus

Hafoin remata formasaun partisipante sira simu sertifikadu ne’ebé prepara husi Ministériu Justisa, asiste no entrega husi Administrador Postu, no formasaun ne’e Partisipa hosi autoridade lokal sira mak hanesan chefe suku, Membro PNTL, Professor/a, Juventude, komunidade religiozu, Funsiunariu públiku no ajente Saude, partisipante ba sesaun rua ne’e hamutuk ema nain 80, Formasaun ne’e interaktivu tebes tamba partisipante sira ativu hodi husu perguntas.