Sekretáriu Estadu Terras Propriedades (SETP) Jaime Xavier Lopes ho ekipa hahú iha loron 25 to’o loron 28 fulan-Setembru 2023 hala’o vizita servisu ba Diresaun Servisu Terras Propriedades (DSTP) Muniípiu Aileu, Manufahi, Covalima no Munisípi Ainaro hodi haree besik liutan servisu funsionáriu sira nian.
Iha vizita ne’ebé akompaña hosi Diretór Jeral Terras Propriedades (DGTP-Sigla Portugés) no Xefe Gabinete SETP nian ne’e, Membru Governu ne’e hateten, hanesan funsionáriu públiku tenki tama servisu tuir oras ne’ebé prevé ona iha Estatuto Komisaun Funsaun Públika, nune’e mós tenke fó atendimentu ne’ebé hanesan ba sidadaun sira.

Iha vizita ne’ebé hala’o hosi SETP ba iha parte rai klaran no kosta sul ne’e ko’alia liu kona-bá Disiplina servisu
, e husu mós ba dirijente Terras Munisipais nian sira atu prepara relatoriu serbisu 2023, prepara llanu atividades 2024 inklui mós prepara planu detailhu ezekusaun orsamentu 2024 DSTP munisipiu nian sira.
Jaimé hateten, hanesan diretór DSTP iha Munisipiu tenke hatúr mekanizmu kontrolu ne’ebe 
di’ak ba funsionáriu sira iha munisípiu.

Durante enkontru ho funsionáriu sira, SETP husu ba Dirijente no funsionáriu sira iha iha munisípiu idaidak atu bele identifika hodi asegura rai ho uma Estadu nian sira iha munisípiu, nune’e mós husu ba funsionáriu sira atu bele halo levantamentu hodi bele fó notifikasaun ba sidadaun sira ne’ebé uza rai ho uma estadu hodi bele halo kontratu arrendamentu ho Estadu.
Jaime hateten, bazeia ba planu orsamentu 2024 nian ne’ebé mak prepara ona husu ba dirijente munisipais sira tenke halo planu ezekusaun orsamentu, liu-liu ba orsamentu ba sub alokasaun nian, no tenke ezekuta tuir tempo no kalendariu de ezekusaun ne’ebé planeia ona.

Durante enkontru ho dirijente no funsionáriu Terras Propriedades nian sira iha nivél munisípiu hato’o mós sira nia prekupasaun kona-ba tabela ba valór renda nian ne’ebé mak to’o oras ne’e sei uza hela tabela anterior, kondisaun edifisiu sira iha munisípiu presiza halo manutensaun, inklui falta ekipamentu eskritóriu no ekipamentu eletrónika hanesan komputadór no printer.

Iha iha vizita SETP nian ne’e funsioneariu sira hato’o mós sira nia prekupasaun kona-ba menus rekursu e oinsa ho estatuto funsionáriu kontratadu sira iha nivél munisípiu, tanba la hetan orsamentu remunerasaun, maibé volume servisu ho funsionáriu permanente sira hanensan.