Sekretáriu Estadu Terras Propriedades (SETP), Jaime Xavier Lopes, iha loron 12 fulan- Setembru 2023, foin lalais ne'e Parisipa iha reuniaun Jornada Orsamental 2024 nian ne'ebé lidera hosi Primeiru Ministru, Xanana Gusmão iha Salaun Auditorium Ministériu Finansas, Dili Timor-Leste.
Iha Reuniaun ne'ebé hala'o durante loron tomak ne'e, PM Xanana Gusmão liu hosi nini deskursu hateten, Jornada Orsamental 2024 ne’e hanesan planu finanseiru ida ne'ebé bele lori Tmor-Leste ba futuru ida di'ak liu, nune'e mós planu finanseiru ne'e ho nia prinsipiu mak atu aumenta kresimentu ekonomiku hodi fó perioridade bem estar ba povu tomak iha Nasaun Timor-Leste.

PM IX Governu Konstitusionál ne'e hateten, uluk iha ona planu ba Estrada nationál, rezionál no lokál, hodi fasilita ba movimentu, sidadaun sira nian.
Tuir Mestre ba Planu Estratétiku Dezenvolvimentu Nasionál ne'e, Povu Timor-Leste liu Pursentu ruanulu (20%) mak seidauk asesu eletrasidade.
Lideransa Nasaun nian ne’e hateten, edukasaun mak Xave ba dezenvolvimentu nasaun ne'e nian, tanba ne'e preiza hadia di’ak liutan iha setór edukasaun.
Nia hateten, governu sei dudu agrikutura hodi produz buat ruma, nune'e labele hein de'it importasaun, buka atu prodúz barak liutan, tanba oras ne'e daudaun Timor Leste pendente liu ba iha importansaun, ho nune'e halo osan ne'ebé Timór iha ba hotu rai liur, atu redúz importasaun preiza halo buat ruma, tanba ne'e husu ba Ministériu Agrigultura tenke hakas-án, hodi bele fó benefisiu ba povu iha area rurais.

Nia mós husu ba Sosiedade sira atu labele prekupa demais ho mudansa klimátika, tanba ne'e la'ós akontese de’it iha Timor-Leste, maibé ne'e akontese iha mundu tomak.
iha fatin hanesan Sekretáriu Estadu Terras Prorpiedades, Jaime Xavier Lopes hateten, Reuniaun ba Jornada Orsamental ne'e importante tebes ba iha Governasaun idea ne'e nian, hodi bele hatene kada instituisau. presiza planu hodi bele reforsa iha área Ne'ebé mak nessesariu duni ba iha instituisaun.
partisipa iha Reuniaun Jornada Orsamental ne'e mak, Primeiru Ministru, Vise Primeiru Ministru nain 2, Membru IX Governu Konstitusionál inklui Mós Sekretáriu Estadu Terras Propriedades, Vise Ministru Fortalesimentu Institusionál,Ministru Justisa, Dirijente instituisoens Publikas, inklui diretores jerais kada instituisoens.*