Dili, segunda loron 11/ 9/23: Ministru Justisa Dr. Amândio de Sá Benevides, Partisipa iha tomada de posse ba Membru foun Konsellu Estadu no Konsellu Superiór Defeza e Seguransa (KSDS), iha Palásiu Prezidente Nicolau Lobato Aitarak laran.

Konsellu Estadu hanesan órgaun konsultivu Prezidente Repúblika nian ba asuntu polítiku, bazeia ba Konstituisaun RDTL artigu 90 no 91. No Konsellu Superiór Defeza no Seguransa, hanesan órgaun konsultivu Prezidente Repúblika nian ba asuntu Defeza, Seguransa no Soberania, bazeia ba Konstituisaun RDTL artigu 148. No Membru foun Konsellu Estadu nian hamutuk sanulu resin ha'at (14) mak hanesan; Prezidente Parlamentu Nasionál, Maria Fernanda Lay, Primeiru-Ministru Kay Rala Xanana Gusmão, Eis-Prezidente Repúblika, Sr.Taur Matan Ruak, no Eis-Prezidente Repúblika Dr. Francisco Guterres Lú Olo.
Membru na’in lima nomeadu husi Prezidente Repúblika mak hanesan; Dr. Abilio da Conceição de Araujo, Sra.Maria Domingas Fernandes Alves (Mikato), Tenente-Jenerál reformadu, Tito da Costa Cristovão (Lere Anan Timur), Madre Guilhermina Marçal no Sra.Milena Pires. Membru na’in lima seluk nomeadu husi Parlamentu Nasionál mak hanesan; Sr.Virgilio Smith (Cranek), Sr.Jacinto Viegas Vicente (Roke), Sr.Nominando S. Martins (Buras), Sr.Ricardo da Costa Ribeiro no Sra.Josefa Alves Pereira Soares.

Membru foun ba Konsellu Superiór Defeza no Seguransa hamutuk sanulu resin tolu mak hanesan; Primeiru-Ministru, Kay Rala Xanana Gusmão, Ministru Negósiu Estranjeirus no Kooperasaun, Bendito dos Santos Freitas, Ministru Defeza, Contra-Almirante Donaciano do Rosário Gomes, Ministru Interiór, Francisco da Costa Guterres, Ministru Justisa, Dr. Amândio de Sá Benevides.
Tomada de posse partisipa husi reprezentante Parlamentu Nasionál, Deputada Maria Terezinha da Silva Viegas, Deputadu David Mandati Dias Ximenes no Deputadu Duarte Nunes, Chefe Estado Maior Generál das F-FDTL, Tenente-General Falur Rate Laek, Komandante Jerál PNTL, Komisáriu Jerál Henrique da Costa, Diretór Jerál Servisu Nasionál Intelijénsia ( SNI ) Longuinhos Monteiro, Júlio Tomás Pinto no Nuno Manuel Corvelo de Andrade Sarmento (Nomeadu husi Prezidente Repúblika).
Reuniaun Konsellu Estadu no Konsellu Superiór Defeza no Seguransa ba da-huluk prezide husi S.E. Prezidente Repúblika Dr. Jose Ramos-Horta, ho objetivu atu ko’alia kona-ba funsaun membru sira nian bazeia ba lei no rejimentu, ha-foin simu posse.
Membru Konsellu Estadu hamutuk na’in sanulu resin ha'at (14) no Konsellu Superiór Defeza no Seguransa hamutuk na’in sanulu resin tolu (13) sei halao sira nia mandatu durante tinan lima.