Hadomi Hau, Koalia Mamar Mai Hau

Ministra da justiça

Komemorasaun loron Konvensaun Direitos Labarik, 20 Novembru 2008 ho topiku,” Hadomi Hau, Koalia Mamar Mai Hau.”

Komemorasaun neé realiza husi Ministério da Justiça, Direcção Nacional de Direitos Humanos e Cidadania, departamento Direitos Humanos iha dia 20 de Novembru 2008 iha salaun Delta Nova Comoro.

Iha serimonia komemorasaun loron Konvensaun Direitos Labarik neé Ministra da Justiça,Lucia Maria Brandão Freitas Lobato iha nia diskursu hateten,” Hau haksolok hare ema barak husi governo,Nasoens Unidas no sosiedade sivil ohin iha neé, hau haksolok tebes hare labarik barak mos ohin iha neé.Obrigado Primeiru Ministru ba ita nia presenza iha loron importante ida neé, hodi hatudu atensaun governo ida neé nian ba ita nia labarik sira, hetan duni atensaun espesial husi governo.”

Ministra da Justiça neé hatutan,” Komite Direito Labarik sira nian iha Genebra haksolok ho Timor Leste nian progressus no servisus neébé mak halo ona atu asegura labarik sira goza duni sira nia direito.Rekoinese mos problemas neébé mak nasaun hasoru no apoio ho esforsu atu estabelese Komisaun Nacional ba Direitos Labarik atu promove no defende dirieto labarik nian.”

Ministra da justiça

Primeiro Ministro, Kay Rala Xanana Gusmão iha nia diskursu mos hateten,” Komitmento husi governo ida neé nian atu tau matan ba labarik sira ho laran ksolok mak mai hamutuk ho kolegas governo nian, Sosiedade Sivil,labarik sira no Nasoens Unidas no ita nia membrus husi Polisia. Ohin loron espesial ba ita hotu liu liu ba labarik sira tamba iha mundo tomak selebra loron Konvensaun Direitu Labaraik nian,ita mos ratifika tiha ona konvensaun ida neé iha Dezaembru 2002, ne'ebé nudar nasaun ida mak foin mak hari ba.Bainhira ita koalia kona ba direitus ba labarik ita la hare ba labarik deit mas ita hare ba buat hotu hotu hodi ajuda labarik, bele moris diak. Governo neé atu garante escola gratis durante tinan sia ninia. Governo atu enveste iha labarik sira nia potensialidade atu loron ikus wain hira sai boot, sei servi diak liu nasaun ida neé. Governo ida neé sei firme nafatin atu aplika osan ba labarik sira ohin loron.”

Primeiro Ministro Kay Rala Xanana Gusmão iha nia diskursu ho lian makaás hateten,” sei halo buat hotu-hotu atu servi rai ida neé katak saida mak ita nia riku soin lolos, ita nia osan mean lolos mak labarik sira,se ita la kuidadu sira agora to'o ikus fali mai sira sei sai a&aacue;t. Tinan ida neé ita haksolok tamba ita investe osan, sosa Paz hodi labarik sira ba escola, loron loron no kalan bele lao halimar.” Primeiro Ministro hato'o lia fuan sira neé iha Salaun Delta Nova Comoro, ba partisipantes kuaze besik 200 inklui vice Primeiro Ministro, Jose Luis Guterres, Deputy UNMIT,Finn Nielsen, representa Unicef,Secretaria Estado Promosaun Igualidade, Idelta Rodrigues, Ministra da Justiça Lucia Lobato no Sosiedade sivil.

Ministra da justiça

Iha fatin hanesan Nelinho Vital, Chefe departamento Direitos Humanos ne'ebé durante ne'e halao aktividade kona ba Konvensaun Direitu labarik (KDL) nian hateten,” Objektivo prinsipal husi seminario ne'e atu Dissemina Konklusaun no Rekomendasaun husi komite CRC ba relatorio inisiu Estado RDTL nian konaba CRC nebe ita submete iha 2005, Ita hetan konvite husi komite atu halo dialogu interactivo ba ita nia relatorio neé iha 2008.Seminariu ne'e atu fo hanoin hikas ba ita nia Director nacional sira katak, ho rekomendasaun no konklusaun ne'ebé hasai husi komite hanesan base ida ba direcção tomak atu toma asaun para halo implementasaun hodi promove Direito Labarik nian. Aliende atu hare ita nia politika implementasaun Direitos Labarik nian ne'e to'o iha nebe? saida mak atu halo ba oin? Tuir plano sei halo seminariu ba nivel hotu hotu husi nacional to'o base,ne'eb mak sei organiza husi Ministério da Justiça, Minitério da Soliedariedade e Social, Ministério da Educção no Ministério da Saude. Husi minstério hirak ne'e tenke toma responsabilidade ida ke boot hodi habelar Disseminasaun, informasaun husi rekomendasaun no konlusaun neé rasik.”


João MP da Costa
Tecnico Profissional Relaçoes Públicas e Divulgação