Sua Exelénsia Vise-Ministru Justisa Dr. José Edmundo Caetano, partisipa iha Diálogu Komunitária iha Suku Fuat, iha Postu-Administrativo Iliomar, Munisipiu Lautem. Dialogu Komunitária ne’e lidera husi Sua Exelénsia Sekretáriu Estadu Komunikasaun Sosiál Sr. Merisio Juvinal Dos Reis (AKARA), iha loron 01 fulan Jullu tinan 2021.

Iha dialogu hodi komunika entre governante ho sidadaun sira ligadu ba programa no atividade governu nian hodi hatan ba preokupasaun no ejizensia komunidade nian.
Iha fatin hanesan Xefe Suku Fuat Sr. Martins Pinto, reprezenta komunidade apresia programa “Naroman ba Suku” pronto kolabora ba programa hirak tuir mai. Autoridade Suku Fuat ne’e garante katak sei iha sustentabilidade bainhira Governu Sentral ho Autoridade Suku sai Sentru Informasaun.

Antes hala’o diálogu ho komunidade, membru Governu sira hala’o vizita ba Restos mortais, iha Erois Libertasaun Nasionál, iha Iliomar.

Iha Diálogu Komunitáriu ne’e, partisipa husi Vise-Ministru Justisa Dr. José Edmundo Caetano, Vise-Ministru Agrikultura no Peskas Dr. Abílio Xavier de Aroújo, Prezidente Konsellu Imprensa Sr. Virgilio Guterres, Prezidente Tatoli, IP Sr. Manuel Pinto, Administardor Postu Iliomar, Administrador Munisípiu Lautem, Komandu PNTL Munisipiu Lautem, Lider Komunitáriu, Padre no Madre husi Parokia Iliomar inklui komunidade sira.