Iha loron sexta-feira, 22 janeiro 2021, tk 10.00 Diretor Geral Servisu Registu ho Notariadu simu bainaka omologo husi Ministério dos Negocios Estrangeiros e Cooperação, Diretor Geral de Assuntos Consulares, Protocolares e Media ( DGACPM ) nian, Senhor José António Amorim Dias.

Oportunidade ne’e, Diretor Geral DGACPM-MNEC, hato’o agradese wa’in ba Diretor Geral Serviços de Registos e Notariado nian Sr. Crisogno Neto tamba bele disponivel simu pedidu husi DGACPM nian hodi realiza encontro refere iha loron ne’e.

Agradese mos ba servisu DGSRN nian ne’ebe prosesa ona Certificado Moris nian ho Bilhete Identidade sidadaun Timorense sira ne’ebé residentes iha Inglatera, Irlandia Norte no Portugal no encaminha ona ba Direção Geral de Assuntos Consulares, Protocolares e Media, Ministério dos Negocios Estrangeiros e Cooperação nian atu haruka ba Embaixada Timor Leste nian iha United Kingdom atraves pasta diplomátika.

Assuntu importante seluk ne’ebé Diretor Geral na’in rua ne’e koalia mak kona-ba passaporte ba sidadaun Timor Leste nian iha estrangeiro ne’ebé expirado.

Ba assuntu refere, DG na’in rua koloka oposaun hirak mak hanesan:

Karik nesesariu presiza halo Diploma conjunta entre Ministru Justisa ho Ministra Negocio Estrangeiros e Cooperação kona-ba carimbo ba extensaun passaporte, nebe aplikasaun ba situasaun emergência hanesan pandemia covid-19. Opsaun ida ne’e mak realiza, nian aplikasaun ba sidadaun Timorense houtu iha País nebe deit.
Single temporary travel document. Opsaun ida ne’e, aplika hela.

Estabelese ekipa teknika konjunta entre DGSRN-MJ ho DGACPM-MNEC hodi desloka ba Inglatera, Irlandia Norte no Portugal hodi emite passaporte ba sidadaun timorense sira nebe passaporte expirado ona. Posibilidade sei desloka iha trimestre daruak ka datoluk tinan 2021 nian laran. Ekipa teknika refere iha posibilidade atu desloka mos ba País seluk ne’ebé sidadaun timorense iha problema hanesan kona-ba passaporte expirado.

Enquanto assuntu seluk nebe DG na’in rua koalia mos konaba implementasaun Passe Fronteira nian. Ba assuntu refere, sei forma ekipa ida nebe kompostu husi Linhas Ministeriais atu halo avaliasaun ba implementasaun Passe Fronteira nian durante nee.

Enkontru hala’o durante horas rua nian laran, no enkontru hala’o iha ambiente amigável tebes.