Dili, 15 Janeiru 2021 Sua. Exa Vise-Ministru Justisa Dr. José Edmundo Caetano hala’o enkontru ho Diretór DNSPRS, diretór Estabelesimentu Prizionál Becora, Gleno no Suai ho objetivu prepara ekipa evaluasaun ba relatóriu sosiál no reinsersaun.

Reuniaun ida ne’e, hodi hatan ba Dekretu Prezidensiál ba fixasaun data ba asuntu konsensaun indultu ka komutasaun ba pena iha tinan 2021 nian. Bazeia ba karta ne’e Vise-Ministru Justisa ko’alia ho tekniku avaliasaun sira hodi prepara relatóriu konsesaun indultu no ka komutasaun ba pena iha loron restaurasaun independénsia no proklamasaun independénsia.

Prosesu konsesaun indultu no komutasaun ba pena la’ós vale kazu hotu-hotu, maibé prosesu tuir natureza krime no pena ne’ebé kumpri ona iha prizaun tuir lei nú. 5/2016 loron 25 maiu.