Dili, 02 Novembru 2020 Sua. Exa Vise-Ministru justisa Dr. José Edmundo Caetano partisipa debate no votasaun ba proposta Lei n0 23/V(3) Orsamentu Jerál Estadu (OJE) 2021 ho montante millaun $1.895, ne’ebé aprezenta husi Primeiru-Ministru (PM), Taur Matan Ruak, liu husi diskusaun plenaria iha uma Fukun Parlamentu Nasionál (PN).


Parlamentu Nasionál halo diskusaun no halo aprovasaun ba proposta Lei n0 23/V(3) durante loron rua antes tama iha votasaun jenerálidade ne’ebé pasa ho votu afavor 44, konta 0 no abstensaun 0. Bankada opozisaun iha PN, desidi “ walk out’ husi plenaria tanba konsidera montante OJE 2021 la refleta kapasidade ezekusaun no presija hadia iha diskusaun espesialidade.

Durante debate bankada opozidaun mós hato’o sira nia preokupasaun ne’ebé bele garante atu hadia povu nia moris. Nune’e Xefi Guvernu mós rejista ona preokupasaun husi deputadu sira durante debate ne’e no sei responde iha diskusaun espesialidade.


Tuir ajenda, Guvernu ho Parlamentu Nasionál sei kontinua halo diskusaun espesialidade iha komisaun eventual, ne’ebé sei halo’o iha loron sesta feira 4 dezembru 2020 no sei remate ho aprovasaun final global iha semana oin