Domingo, 22 Novembru 2020: S.Exa. Vise- Ministru Justisa Dr. José Edmundo Caetano partisipa iha lansamentu feira Nasionál, iha Lauhata Liquiça.

Feira Nasionál ne’e hodi komemora loron proklamasaun Independensia Timor Leste ba dala 45 ne’ebé sei monu iha dia 28 novembru 2020.

Feira nasionál refere abertura direita hosi S.EXa Ministru Adminitrasaun Estatal Dr. Miguel Perreira de Carvalho,hanesan Prezidente Komisaun Organizadora be eventu komemorasaun ne’e, iha nia diskursu hatete feira ida ne’e parte ida atu halo rekoperasaun ba ekonomia iha rai laran relasional ho pandemia global.

Iha ámbitu lansamentu ne’e Ministru MTCI hanesan mós Vise Prizidente komisaun organizadora, iha nia diskursu hatete iha programa Governu konstitusionál VII Inian reafirma importansia promosaun atividades ekonomia, valoriza komunidade iha promosaun kultura, ho hanoin katak halo promosaun ba identidade nasional, ekonomia komunidade no tradisoens local. Ho nune’e atu hasae ka haforsa sidadaun hotu-hotu nia sensibilizasaun, iha konstrusaun paz no sosiedade modernu.

Iha okaziaun ne’e, partisipa mós hosi membru Governu sira, grupu empreza kiik hamutuk 74 no instituisaun estadu hamutuk 23 nomós komunidade sira.