Dili, 19 Novembru 2020 Sua. Exa Vise-Ministru Justisa José Edmundo partisipa seminário sai hanesan orador ba PDHJ nia programa Revizaun Planu Estratejiku 2011-2020 No Dezenvolve Planu Estratejiku 2021-2025, iha Salaun Auditorio Ministériu Justisa, Caicoli, Dili.

Relasiona ho Planu Estratejiku Provedora dos Direitos Humanos ne’ebé sei termina iha fulan ikus tinan ida ne’e nian, no planu ba tinan lima oin mai. Tanba ne’e PDHJ realiza seminariu hodi rekolla opiniaun públiku atu dezenvolve Planu Estratéjiku PDHJ ho topiku “Esperensia PDHJ iha tinan sanulu (10) no mehi ba tinan lima (5) oin mai”

“Tanba Planu estratejiku ne’e rasik hanesan mata dalan importante hodi orienta servisu Provedoria nian, tuir programa no atividade sira no bele sai sasukat ba atinjimentu metas PDHJ nia liu husi Planu Estrarejiku”, hateten provedora de Direitus Umanos no Justisa, Dra.Jesuina Maria Ferreira Gomes, MPA, iha nia diskursu wainhira halo abertutura ba atividade seminário nasional ba Revizaun Planu Estratéjiku PDHJ 2011-2020 iha Salaun Auditorio Ministério da Justisa-Caicoli-Dili.

Iha seminariu ne’e oradores sira kompostu husi representante membru governu no sociedade sivil mak hanesan; Vise_ministru da Justisa, Dr.José Edmundo Caetano, ho tema “politica de Implementação da Lei de Justisa Juvenile Timor-leste”, Secretaria Estadu Ugualidade e Inkluzaun (SEII), Sra.maria José Fonseca Monteiro de Jesus, ho tema “politica do Governu para abordagem gệnero em Timor-Leste”, Prezidente Rede feto, Sra. Yasinta Luzina, ho tema “Acesso das mulheres ao atendimento público em rurais e urbanas”, no Prezidente GMPTL – PN, Sra. Lidia, ho tema “Integração de programa e orçamento para sensibilidade de gệnero no OGE:

Entretantu iha seminariu refere oradores sira mos hetan sertifikadu apresiasaun husi PDHJ hodi apresia ba oradores sira nia kontribuisaun liu hosi fo sira nia opiniaun ka sai orador ba seminar ne’ebe koalia ba planu estratejiku kurtu prazu no longu prazu.