Soibada - Ministério da Justiça liu husi Direção Geral dos Serviços de Registo e Notariado (DGSRN) parseria ho UNICEF hodi hala’o formasaun ba lideres komunitáriu no parteira sira kona-ba registo moris ba labarik sira husi idade 0-5, iha loron 21 fulan Outubro 2020 ba dala-ikus nian iha Posto Adminstrativu Soibada Município Manatuto.

Iha formasaun refere prezidi husi Diretor Geral SRN hamutuk ho , Diretor da DNRN no Diretor DMCSRN Manatuto.

Apresentasaun Diretor Geral SRN, Crisogno da Costa Neto hateten katak :Ministério da Justiça -liu husi Direção Geral dos Serviços de Registo e Notariado (DGSRN) parseria ho UNICEF hala’o formasaun ba lideres komunitariu sira no parteira sira kona ba registo moris ba labarik sira husi idade 0-5 anos. Atividade hanesan ne’e halo tia ona iha Município sira seluk, no ba Município Manatuto, Posto Administrativu Soibada, atividade ne hala’o ba dala-ikus nian husi programa formasaun refere.

Objetivu husi formasaun ne’e atu Chefe Suco no Chefe Aldeia sira, parteiras sira, bele iha koinesimentu neébe klean konaba oinsa atu bele foti dados labarik ida nian bainhinra nian moris. Informasaun saida deit mak ita bele rekolla atu bele regista labarik ida iha livro assento moris nian hodi bele hetan certificado moris nian.
Hato’o deit ba chefe Suku Xefe Aldeia sira, no Parteira sira, katak, formasaun ne’e foin inisial atu Ita-boot sira bele rekolla dados. Fase tuir mai sei halo registo ba labarik 0-5 ano sira baseia ba dados neébé ita boot sira rekolla.

Diretor Geral husu ba Xefe Suku, Xefe Aldeia sira, no parteira sira atu partisipa máximu iha formasaun refere, preokupasaun ka duvidas ruma bele apresenta ba orador ne’ebé mak lidera husi Diretor DNRN, Sr. João Fernandes Martins Borges.

Iha siku seluk, Administrador Posto Administrativo Soibada, Município Manatuto nian mos hato’o nia agradese wain ba Sr. Diretor Geral SRN no nia equipa tomak ne’ebe mak to’o ona ami nia fatin refere, no hatutan informasaun Kona ba registo labarik moris 0-5 anos, objectivo husi programa ida ne’e importante, tamba nudar cidadão Timor-leste ita tenki iha certidão moris tamba ne’e sai identidade ida ba ita nudar timor oan .

Sr.Adminisitrador Município Manatuto mos hato’o nia preokupasaun kona-ba labarik sira nebe’e idade 7-10 anos nebe’e seidauk iha certidão moris.

Administrador Posto Administrador Soibada Municipio Manatuto apresenta katak : Ba Xefe Suku no Xefe Aldeia ami hanoin téknikamente ita bo’ot sira hatene ona oinsa atu foti dadus no rekolha dadus no hanoin katak formasaun ida ne’e importante teteb-tebes atu ita boot sira bele hatene oinsa servisu ho tekniku sira husi tékniku DGSRN, CRN Municipio Manatuto, oinsa foti dados labarik sira nian hodi bele utiliza hodi halo registo labarik moris 0-5 anos no oinsa atu halo rekapitula ba iha nasional, tanba ne’e orsida mekanismu no Diretor DNRN no tékniku mak sei esplika detalhu konaba lalaok servisu oinsa atu foti dadus,no husu atu ita bo’ot sira partisipa maximu bele hatene liu tan informasaun hodi nune’e iha terenu ba Xefe suco no Xefe Aldeia no parteiras sira karik labele difikulta prienximentu dadus ne’ebe foti husi Aldeia ka Suku ida-ida.