Ministério da Justiça, Direção-Geral dos Serviços de Registos e Notariado, estabelese ona equipa ba rejistu partidu polítiku sira no equipa ba rejistu dados moris husi livro de assento ba sistema DMIS

Tuir artigu 13.º, nºs. 2 e 4 husi Lei nº 2/2016, 3 fevereiru, Iª alterasaun ba Lei nº3/2004, de 14 de abril, Lei kona ba Partidu Polítiku, ne´ebe hatada katak pedidu ba inskrisaun nebe assina ona husi rekerente sira hotu dirije ba Ministru da Justiça.

Ho base legal artigu 2.º, nº2, alíena l). Dekretu-Lei nº 46/2020, de 7 de outubro, 2ª Alterasaun ba Dekretu-Lei nº 10/2019, de 14 de junho, kona ba Orgânica do Ministério da Justiça, Sua. Exa. Ministro da Justiça orienta ba Direção-Geral dos Serviço de Registo no Notariado, hodi kria equipa rua mak hanesan equipa ba rejistu partidu polítiku foun, inklui halo autentikasaun, triajen no verifikasaun ba dokumentu sira (naran sidadaun nian no kópia kartaun eleitor nebe akompaña pedidu ba inskrisaun husi partidu idak-idak), hodi evita dados duplikadu ka possibilidade sidadaun ida inscrita simultaneamente iha partidu rua ka tolu ka liu.

Equipa refere kompostu husi Notário no funcionário sira afeto ba DGSRN. Equipa hala´o servisu dahuluk ba lista partidu polítiku FITUN, PATIFOR, Partidos Verdes, ASDT no PUDS no seluk ne´ebe sei tuir mai tan.

Equipa seluk fali mos hala´o servisu rejistu ba assento de nascimento tinan 2004 to´o 2014 husi Diresaun Munisipál Konservatoria Rejistu ho Notariadu Munisípiu 12 nian ba sistema DMIS. Servisu ida ne´e nia finalidade atu informátiza dados rejistu moris sidadaun timor oan nian iha sistema DMIS, nune´e bele mos evita dados duplikadu. Equipa ne´e kompostu husi funcionário hotu afeto ba Ministério da Justiça (Gabinete da Direção-Geral da Administração e Política da Justiça, DNAJL, DNDHC, DNAF, DNRH, GIA no DGSRN).

Equipa ba inskrisaun dados registu moris nian husi livru assento ba sistema DMIS, inisia nia servisu ho formasaun husi formadores ba kestaun téknika sira, ba kestaun rejistu moris nian hetan formasaun husi Conservadora no Chefe do Departamento de Registos Centrais e da Nacionalidade. No kona ba kestaun informátika hetan formasaun husi oficial TI DGSRN.

Equipa hahú halo inskrisaun dados registu moris nian husi livro assento 2004-2014 husi DMCSRN Municipio Dili nian, no sei kontinua ho DMCSRN Municipio sira seluk to’o hotu.

Tuir plano, ekipa ne´e sei hala´o kna´ar durante fulan tolu, komesa 5 fulan outubro to´o 31 fulan dezembro 2020, iha possibilidade extende to’o 31 de Março 2021.

Oficial Média,

Darfela Dias Quintas