Dili , 01 Setembru 2020 - Vice-Ministru Justisa, Dr. José Edmundo Caetano, ho komitiva Viajem husi Dili ba Covalima, vizita traballu ba Prizaun hodi observa direta ba servisu Gurda prizoneiru no kondisaun prizaun. Iha vizita ne’e, Sua Exelénsia Vise-Ministru partisipa seremonia entrega materiál vokasionál no materiál prevensaun Covid-19 ba prizaun Covalima, nomos materiál hirak ne’e prizioneriu sira útiliza ba atividade Formasaun Vakasionál no traballu prizionál.

Excelencia Vise-Ministru halo enkontru jerál ho Diretór Nasionál Prizaun, Xefi Departamentu, Diretór Estabelesimentu Prizionál Covalima, Gleno, Bekora no Guarda Prizionál Covalima hodi rona difikuldade sira ne’ebé emfrenta iha prizaun. Alende ne’e, halo mos inspesaun no observa direta ba areadores prizaun ligadu ho Regime Aberta hodi fasilita prizoneru sira halo atividade formasaun, edukasaun ka ensino no traballu. Iha oportunidade ne’e, Sua Exelénsia halo visita mós ba Defensoria Públiku (DP), Diresaun Nasionál Servisu Rejistu e Notariadu (DNSRN) ho Diresaun Nasionál Terras Propriedade no Cadastru (DNTPC).

Objetivu hosi vizita ba diresaun hirak ne’e hodi observa no rona funsionáriu sira nia defikuldade ne’ebé hasoru iha servisu fatin.
Observasaun ne’e, Sua Exelénsia Vise-Ministru konsege deteta kondisaun edifisiu no rezidensia la favoravel ba Defensor Públiku sira.
Hosi parte DNSRS mákina imprimi kartaun Billete de Indentidade la funsiona hodi difikulta servisu operasional produsaun.
Iha vizita ne’e, Sua Exelénsia Vise-Ministru akompaña hosi Asesór Polítiku Gabinete Sr. Juvenál da Costa, Asesór Planeamentu e Finansas Sr. Venancio Soares dos Santos, Diretór Nasionál Prizaun, Diretór Estabelesimentu Prizionál Becora, Gleno nomos akompaña espesiál hosi Pe. Francisco Barreto nu’udar kapelaun ba prizaun no hospital.