GABINETE VISE-MINISTRU JUSTISA FREKUENTA REUNIAUN INTER-MINISTERIAL


Segunda-feira loron 10 Agostu 2020, Sua Ex-cia Vise-Ministru Justisa Dr. José Edmundo Caetano hasoru malu ho Sua Ex-cia Ministru Komérsiu Turizmu no Indústria Dr. Lucas do Carmo Da Silva, iha edifisiu MTCI Bebora-Dili.
Iha enkontru ne’e ko’alia kona-ba kooperasaun servisu relasaun ho produtu arte kreativu prizoneiru nian, atu bele komersializa ba merkadu. Planu ida ne’e, kontribui enkoraja prizoneiru sira bele dezenvolve liu-tan sira-nia talentu iha atividade arte nian.
Ministériu Justisa hakarak komersializa produtu prizoneiru nian atu nune’e bele enkoraza prizoneiru sira kontinua atividade produsaun hirak durante ne’e sira produs. Ministériu Justisa aprezenta programa komersializa produtu prizoneiru nian tanba asuntu komersiu parte ba responsabilidade MTCI nian. Respeita ba kompeténsia ida ne’e, Vise-Ministru kolabora ho MTCI atu bele eskolla opsaun adekuadu ba fan produtu prizoneiru nian.
Sorumutu kooperasaun ne’e atu bele asegura planu integradu iha futuru tanba prizoneiru husi prizaun Becora, Gleno no Suai nu’udar produtor no MTCI mak responsabiliza ba asuntu komersiu nian.
Sorumutu ne’e Sua Ex-cia Ministru MTCI apoiu 100% ba planu ida ne’e, nomos prontu fó apoiu formasaun ba prizoneiru sira, atu nune’e bele iha vizaun kona-ba produsaun ne’ebé sei orienta ba komersializa.

Alende ne’e, partisipa mos iha reuniaun inter-ministérial iha sala reuniaun Sosiedade Sivíl, Palásiu Governu, Dili. Sua Ex-cia Vise-Ministru Justisa Dr. José Edmundo Caetano partisipa mos iha reuniaun ne’e hamutuk ho Vise-Primeiru Ministru no Ministra Solidariedade Sosiál no Inkluzaun Sra. Armanda Berta dos Santos, Ministru Prezidénsia Konsellu Ministru DR. Fidelis Leite Magalhães, Ministru Koordenadór ba Asuntu Ekonómia, Eng. Joaquim Amaral, Ministru Finansas Dr. Fernando Hanjam, Ministra Nagósiu Estranjeiru no Kooperasaun Dra. Adaljiza Albertina Xavier Reis Magno, Ministru Transporte no Komunikasaun Sr. José Agostinho da Silva, Ministru Turismo Komérsiu no Industria Dr. Lucas do Carmo Da Silva, Ministru Agrikultura no Peskas-MAP Eng, Pedro dos Reis nomos Vise-Ministra Solidariedade Sosiál no Inkluzaun Dra. Sindi Verdial inklui Governadór Banku Sentrál no tekniku sira husi ministériu relevante.
Objetivu husi enkontru ne’e ko’alia liu kona-ba progresu pagamentu suplementu ba ekipa tékniku sira durante Estadu Emerjénsia periodu I. II no III ne’ebé kontinua halo servisu prevensaun ba pandemia Covid-19.

Media Gabinete Vise MJ